இலங்கை

“இலங்கையில் தற்போது எழுந்துள்ள அரசியல் நெருக்கடியை வெளிப்படைத் தன்மையுடனும் ஜனநாயக ரீதியிலும் உடனடியாக தீர்க்க வேண்டும். இல்லையேல், அதன் தாக்கத்தை உணர்வீர்கள்.” என்று அமெரிக்கா தெரிவித்துள்ளது. 

இலங்கைக்கான அமெரிக்க தூதுவர் அலெய்னா டெப்ளிட்ஸ் கொழும்பு ஊடகமொன்றுக்கு வழங்கிய செவ்வியிலேயே மேற்கண்டவாறு குறிப்பிட்டுள்ளார்.

அவர் மேலும் கூறியுள்ளதாவது, “இலங்கையில் இப்போது எழுந்துள்ள அரசியல் நெருக்கடியை வெளிப்படைத்தன்மையுடனும் ஜனநாயக ரீதியிலும் உடனடியாக தீர்க்குமாறு வலியுறுத்த விரும்புகிறேன். அரசியலமைப்பு நடைமுறைகள் பின்பற்றப்பட்டு சட்ட ரீதியான அரசு அமைய வேண்டும். இந்த பிரச்சினைக்கு பொறுப்புடன் ஒரு தீர்வை ஜனாதிபதி மைத்திரிபால சிறிசேன காணவேண்டும்.

இது அவர்களின் விடயம் அதில் நாங்கள் தலையிட விரும்பவில்லை. ஆனால் இந்த நிலைமை தொடர்ந்தால் பொருளாதார தாக்கங்கள் ஏற்படலாம். அரசியல் மற்றும் ஜனநாயக நிறுவகங்கள் மீது பாதிப்புக்கள் வரலாம். இந்த நெருக்கடி நிலைக்கு பின்னர் எதிர்காலத்தில் இலங்கை அதன் நட்புச் சக்திகளுடன் எப்படி நம்பிக்கையை கட்டியெழுப்ப போகின்றது என்பதும் இப்போதுள்ள முக்கிய கேள்வி.”என்றுள்ளார்.

 

எமதுபார்வை

தமிழகத்தின் தலைப்புச் செய்திகள்

கோடம்பாக்கம் கோனர்

“கடந்த நல்லாட்சிக் காலத்தில் நியமிக்கப்பட்ட சுயாதீன ஆணைக்குழுக்கள் உண்மையாகவே சுயாதீனமானவையா? இல்லையா? என்பது தொடர்பில் சிக்கல் ஒன்று உள்ளமையினால், அவை பற்றி ஆராய உயர் மட்டத்தில் சுயாதீன ஆணைக்குழு அமைக்க நடவடிக்கை மேற்கொள்ளப்படும்.” என்று பிரதமர் மஹிந்த ராஜபக்ஷ தெரிவித்துள்ளார். 

‘இலங்கை அரசியலமைப்பின் ஒற்றையாட்சியைப் பேணி பாதுகாப்போம் என வேட்புமனுவில் உறுதியுரை எடுத்துவிட்டு, ‘ஒரு நாடு இரு தேசம்’ என தமிழ்த் தேசிய மக்கள் முன்னணியினர் போலித்தேசியம் பேசி வருகின்றனர்’ என்று ஈழமக்கள் ஜனநாயகக் கட்சியின் முக்கியஸ்தரும், முன்னாள் வடக்கு மாகாண எதிர்க்கட்சித் தலைவருமான சி.தவராசா தெரிவித்துள்ளார். 

9 முதல் 12 வகுப்புகளுக்கான பாடத்திட்டங்களை 30 சதவீதம் குறைக்க மத்திய இடைநிலைக் கல்வி வாரியம் (சிபிஎஸ்இ) மனித வள மேம்பாட்டு அமைச்சகத்திடம் கேட்டுள்ளது.

இந்திய சீன எல்லைப்பகுதியான லடாக்கில் இருந்து சீன வீரர்கள் 2 கிலோமீட்டர் தூரம் பின்வாங்கிச் சென்றுள்ளதாகவும் தற்காலிக கூடாரங்கள் உற்பட கட்டுமானங்கள் அகற்றப்பட்டதாகவும் தெரிவிக்கப்படுகிறது.

இந்தோனேசிய தீவின் ஜாவா கடற்கரையில் 6.6 ரிக்டர் அளவிலான நிலநடுக்கம் ஏற்பட்டுள்ளதாக தகவல்கள் தெரிவிக்கின்றன. உள்ளூர் அதிகாரிகள் வெளியிட்ட தகவல்களின்படி நிலநடுக்கம் காரணமாக எந்தவிதமான சேதமும் ஏற்படவில்லை என அறியவருகிறது.

தெற்காசிய நாடுகளில் இந்தியாவை அடுத்து மிக அதிக கொரோனா தொற்றுக்கள் கொண்ட நாடாக பாகிஸ்தான் விளங்குகின்றது.