இலங்கை

அடுத்த ஜனாதிபதித் தேர்தலில் ஸ்ரீலங்கா பொதுஜன பெரமுனவின் சார்பில் முன்னாள் பாதுகாப்புச் செயலாளரான கோட்டாபய ராஜபக்ஷவை வேட்பாளராக முன்னிறுத்துவதற்கு இணக்கம் காணப்பட்டுள்ளதாக தெரிவிக்கப்பட்டுள்ளது. 

கோட்டாபய ராஜபக்ஷவைத் தவிர்த்து இன்னொருவரை ஜனாதிபதியாக்கும் எண்ணத்தினை ராஜபக்ஷ குடும்பம் கொண்டிருக்கவில்லை என்றும், அதற்கு பொதுஜன பெரமுன முக்கியஸ்தர்களும் இணங்கியுள்ளதாகவும் கூறப்படுகின்றது.

இதனையடுத்து, கோட்டாபய ராஜபக்ஷ தன்னுடைய அமெரிக்கக் குடியுரிமையை துறக்கும் நடவடிக்கைகளில் தற்போது ஈடுபட்டுள்ளார். அடுத்த சில வாரங்களில் அவர் அமெரிக்காவுக்குச் சென்று, குடியுரிமையைத் துறக்கும் அடுத்த கட்டப் பணிகளையும் முன்னெடுக்கவுள்ளார்.

இதனிடையே, அடுத்த ஜனாதிபதித் தேர்தலில் தன்னை வேட்பாளராக முன்னிறுத்த வேண்டும் என்று ஜனாதிபதி மைத்திரிபால சிறிசேன விடுத்த வேண்டுகோளை எதிர்க்கட்சித் தலைவர் மஹிந்த ராஜபக்ஷவும், பொதுஜன பெரமுனவினரும் கிட்டத்தட்ட நிராகரித்துள்ள நிலையில், பிரதமர் பதவிக்கான விரும்பத்தினை அவர் வெளியிட்டுள்ளதாகவும் தெரிகின்றது. எனினும், மஹிந்த ராஜபக்ஷ அந்தப் பதவியைக் குறிவைத்துள்ளதால், அதற்கான வாய்ப்புக்களும் தற்போதைக்கு இல்லை. இதனால், தனி வழி செல்வது குறித்தே மைத்திரிபால சிறிசேன சிந்திக்க தலைப்பட்டுள்ளார்.

இவற்றையும் பார்வையிடுங்கள்

கொரோனா வைரஸ் தொற்று காரணமாக வீடுகளில் நிகழும் உயிரிழப்புக்களைத் தடுப்பதற்கு உடனடி நடவடிக்கை எடுக்குமாறு ஜனாதிபதி கோட்டாபய ராஜபக்ஷ உத்தரவிட்டுள்ளதாக இராணுவ தளபதி சவேந்திர சில்வா தெரிவித்துள்ளார். 

மஹர சிறைச்சாலையில் நேற்று ஞாயிற்றுக்கிழமை இடம்பெற்ற வன்முறையை அடுத்து தமது வைத்தியசாலைக்கு 6 சடலங்கள் எடுத்து வரப்பட்டதாக ராகம வைத்தியசாலை நிர்வாகம் அறிவித்துள்ளது. 

மீண்டும் வங்கடலில் உருவாகியுள்ள காற்றழுத்த தாழ்வுபகுதியால் தென் தமிழகத்தில் கனமழை பெய்ய வாய்ப்பு உள்ளதாக தெரிவிக்கப்பட்டுள்ளது.

இந்தியாவின் டெல்லியை நோக்கி விவசாயிகள் 2வது நாளாக பேரணி மேற்கொண்டுள்ளனர். இதனால் டெல்லியில் போக்குவரத்து பாதிக்கப்பட்டுள்ளதாக தெரிவிக்கப்படுகிறது.

இத்தாலியின் சுகாதார அதிகாரிகள் கடந்த வெள்ளிக்கிழமை வழங்கிய சோதனை தரவுகளின் படி, கடந்த 14 நாட்களில் நாடு முழுவதும் , கோவிட் -19 வைரஸ் தொற்று வீதம் குறைந்திருப்பதனால், மூன்று சிவப்பு மண்டலங்கள் மற்றும் இரண்டு ஆரஞ்சு மண்டலங்களில் இந்த வார இறுதியில் அதாவது இன்று ஞாயிறு முதல் பாதுகாப்பு விதிகள் தளர்த்தப்படும்.

சுவிற்சர்லாந்தில் முதல் கொரோனா வைரஸ் தடுப்பூசிகள் அடுத்து வரும் இரண்டு மாதங்களுக்குள் வெளியிடப்படும் என்று சுவிஸ் சுகாதார அமைச்சர் அலைன் பெர்செட் தெரிவித்துள்ளார். சென்ற வியாழக்கிழமை இடம்பெற்ற செய்தியாளர் சந்திப்பொன்றில், பெர்செட் இதனைத் தெரிவித்துள்ளார்.