இலங்கை

ஐ.எஸ். பயங்கரவாதம் மீண்டும் தலைதூக்க முடியாதளவுக்கு நடவடிக்கை எடுக்கப்பட்டுள்ளதாக பிரதமர் ரணில் விக்ரமசிங்க தெரிவித்துள்ளார். 

“அரபு நாடுகள் சிலவற்றில் ஐ.எஸ். அமைப்புக்கு பொது மக்களின் ஆதரவு உள்ளது. எனினும், இலங்கையில் முஸ்லிம் சமூகத்தின் மத்தியில் ஐ.எஸ். பயங்கரவாதிகளுக்கு எவ்வித ஆதரவும் இல்லை. அடிப்படைவாத செயற்பாடுகளை மேற்கொண்டு அவர்களுக்கு ஆதரவை ஏற்படுத்தினால் நாட்டில் பாதுகாப்புப் பிரச்சினை ஏற்பட்டு விடும்.” என்றும் பிரதமர் குறிப்பிட்டுள்ளார்.

சிவில் சமூக மற்றும் தொழிற்சங்க ஒன்றிணைப்பின் உறுப்பினர்களை சந்தித்தபோதே பிரதமர் ரணில் விக்ரமசிங்க இந்த விடயங்களைச் சுட்டிக்காட்டியுள்ளார்.

ஐ.எஸ். பயங்கரவாதிகளின் தாக்குதலின் பின்னர் அரசியல்வாதிகளான எம்மீது மக்களுக்கு நம்பிக்கை இழக்கப்பட்டுவிட்டது. இதனை மீண்டும் கட்டியெழுப்புவதாயின் நாம் தற்பொழுது முன்னெடுத்திருக்கும் முறையின் ஊடாக ஏற்படுத்த முடியாது. இதற்காக விசேட நடவடிக்கை எடுக்கப்பட வேண்டும். ஐ.எஸ். பயங்கரவாதம் தலைதூக்காமிலிருப்பதற்கு புதிய முறையொன்றை ஏற்படுத்த எதிர்பார்த்திருப்பதாகவும் அவர் குறிப்பிட்டுள்ளார்.

பிரதமர் மேலும் கூறியுள்ளதாவது, “குண்டுத் தாக்குதல்கள் குறித்து விசாரிப்பதற்கு பாராளுமன்றத் தெரிவுக்குழுவொன்றை அமைத்துள்ளோம். அமைச்சர் ரிஷாட் பதியுதீன் தொடர்பிலும் குற்றச்சாட்டுக்கள் முன்வைக்கப்பட்டுள்ளன. எனவேதான் இரண்டு வாரங்களுக்குள் தெரிவுக்குழுவின் இடைக்கால அறிக்கையை சமர்ப்பிக்குமாறு சபாநாயகரிடம் கேட்டுள்ளேன். உண்மைகளை நாட்டு மக்களும் தெரிந்துகொள்ள வேண்டும் என்பதற்காக தெரிவுக்குழுவின் சகல கலந்துரையாடல்கள் மற்றும் அதன் நடவடிக்கைகளை ஊடகங்களின் மூலம் நாட்டு மக்களுக்குத் தெரியப்படுத்துவதற்கும் அனுமதிக்குமாறு சபாநாயகரிடம் கேட்டுள்ளோம்.

மதரஸாக்களை நிர்வகிப்பது பற்றிய சட்டவரைபு தயாரிக்கப்பட்டு சட்டமா அதிபர் திணைக்களத்துக்கு அனுப்பிவைக்கப்பட்டுள்ளது. முஸ்லிம் சமூகத்தினர் தாமாக முன்வந்து இவற்றுக்கு ஒத்துழைப்பு வழங்கும் வகையில் செயற்படுகின்றனர்.” என்றுள்ளார்.

முன்னாள் பாராளுமன்ற உறுப்பினர்கள் 99 பேருடைய கட்சி உறுப்புரிமையை இடைநிறுத்த ஐக்கிய தேசியக் கட்சியின் செயற்குழு இன்று வெள்ளிக்கிழமை ஏகமனதாக தீர்மானித்துள்ளது. 

“விமர்சனங்கள் எல்லாவற்றுக்கும் நாம் பதிலளித்துக்கொண்டிருக்க முடியாது. தமிழ்த் தேசியக் கூட்டமைப்புக்குள் ஒற்றுமை மிக அவசியம். சர்ச்சையை ஏற்படுத்தியுள்ள எம்.ஏசுமந்திரனின் சிங்கள நேர்காணல் தொடர்பில் தமிழரசுக் கட்சியின் மத்திய செயற்குழு கூடி ஆராயும்.” என்று கூட்டமைப்பின் தலைவர் இரா.சம்பந்தன் தெரிவித்துள்ளார். 

இந்தியாவில் கொரோனா வைரஸ் தொற்று பரவலைக் கட்டுப்படுத்தும் வழிமுறையாக அறிவிக்கப்பட்ட ஊரடங்கு உத்தரவு 4 கட்டங்களாக நீடிக்கப்பட்ட நிலையில் நாளை 31ந் திகதியுடன் அந்த உத்தரவு காலவதியாகிறது.

பிரதமர் நரேந்திர மோடி, தனது இரண்டாவது பதவிக்காலத்தின் முதலாம் ஆண்டு நிறைவடைந்ததையொட்டி குடிமக்களுக்கு கடிதம் ஒன்றினை வெளியீட்டுள்ளார்.

அமெரிக்காவில் சமீபத்தில் போலிஸ் விசாரணையின் போது வேண்டுமென்றே கருப்பின இளைஞர் ஒருவர் கொலை செய்யப் பட்டதற்கு நீதி வேண்டி மின்னசோட்டா மாநிலத்தில் கருப்பின மக்களால் பெரும் எதிர்ப்பு ஆர்ப்பாட்டம் முன்னெடுக்க பட்டு வருகின்றது.

சமீப நாட்களாக இந்தியாவும், சீனாவும் எல்லயில் படைகளைக் குவித்து வருவதுடன் இரு நாட்டுத் தலைவர்களும் உயர் மட்ட இராணுவ அதிகாரிகளுடன் பேச்சுவார்த்தை நடத்தியும், போருக்கு ஆயத்தமாக இருக்குமாறு சீன அதிபர் ஜி ஜின்பிங் தனது நாட்டு இராணுவத்தினருக்குப் பணித்திருப்பதாலும் இரு நாடுகளுக்கு இடையேயும் போர்ப் பதற்றம் ஏற்பட்டுள்ளது.