இலங்கை

‘முன்னாள் பாதுகாப்புச் செயலாளரான கோட்டாபய ராஜபக்ஸவை ஜனாதிபதி வேட்பாளராக முன்னிறுத்தியதன் மூலம், ஸ்ரீலங்கா பொதுஜன பெரமுன ஐக்கிய தேசிய முன்னணியின் (ஜனநாயக தேசிய முன்னணி) வெற்றியை இலகுவாக்கியுள்ளது.’ என்று சுகாதார அமைச்சர் ராஜித சேனாரத்ன தெரிவித்துள்ளார். 

அவர் மேலும் கூறியுள்ளதாவது, ‘வடக்கு, கிழக்கில் 100 வீதமான வாக்குகள் இம்முறை ஜனநாயக தேசிய முன்னணிக்கே கிடைக்கப்பெறும்; கோட்டாவை வேட்பாளராக்கியதன் மூலம் எமது வெற்றியை இவர்கள் 100 வீதம் உறுதி செய்துள்ளனர். கோட்டா மீது தமிழ் மக்கள் வைராக்கியம் கொள்ள யுத்தம் மாத்திரம் காரணமல்ல. யுத்தத்தின் பின்னரும் இவர் அந்த மக்களை வாழவிடவில்லை.

அண்மையில் நான் வடக்கிற்கு மூன்றுநாள் விஜயமொன்றை மேற்கொண்டிருந்தேன். பொதுஜன பெரமுனவின் ஜனாதிபதி வேட்பாளராக அறிவிக்கப்பட்டுள்ள கோட்டாவுக்கு எதிராக முழு வடக்கும் எழுந்துள்ளது. அவர்களுக்கு எம்முடன் பிரச்சினையிருந்தது. ஆனால், அவற்றை மறந்து ஓர் அணியில் அனைவரும் கோட்டாவுக்கு எதிராக திரண்டுள்ளனர்.

கிழக்கிலும் அவ்வாறுதான். வடக்கு, கிழக்கில் 100 வீதமான வாக்கு இம்முறை எமக்குதான் கிடைக்கும். கோட்டாவை வேட்பாளராக நியமித்ததன் மூலம் எமக்கு இலகுவாக வெற்றியடைய வழிவகுத்துள்ளனர். சிறுபான்மையினர் கோட்டாவை தோற்கடிப்பதில் உறுதியாகவுள்ளனர். அவர்களது ஆட்சிக்காலத்தில் சிறுபான்மையினரின் உரிமைகள் பறிக்கப்பட்டமை, படுகொலைகள், வெள்ளை வான் கடத்தல்கள், காணாமல் ஆக்கப்பட்டமை என அராஜகங்களையே அரங்கேற்றியிருந்தனர்.’ என்றுள்ளார்.

தியாகி திலீபனின் நினைவேந்தலை முன்னிட்டு சாவகச்சேரி சிவன் ஆலய முன்றலில் தற்போது (இன்று சனிக்கிழமை) உண்ணாவிரதப் போராட்டமொன்று முன்னெடுக்கப்படுகின்றது. 

தியாகி திலீபனின் நினைவேந்தல் நிகழ்வுகளுக்கு தடைவிதிக்கப்பட்ட நிலையில், செல்வச் சந்நிதி முருகன் ஆலய முன்றலில் நாளை சனிக்கிழமை முன்னெடுக்கப்படவிருந்த உண்ணாவிரதப் போராட்டத்துக்கு பருத்தித்துறை நீதவான் நீதிமன்றம் தடை விதித்துள்ளது. 

இந்தியாவில் வேளாண் மசோதாக்களுக்கு எதிரான போராட்டம் வலுப்பெற்று வருகிறது.

இந்தியத் திரைவானில் சுமார் 40 ஆயிரம் பாடல்களைப் பாடிய சாதனைச் சொந்தக்காரர் பின்னணிப் பாடகர் எஸ்.பி.பாலசுப்ரமணியம் அமைதியுற்றார்.

சுவிற்சர்லாந்து தலைநகர் பேர்ன் நாடாளுமன்றித்தின் முன்னதாக அமைந்துள்ள சுதந்திர சதுக்கத்தில் வாரத் தொடக்கத்தில் "மாற்றத்திற்கான எழுச்சி" இன் ஆர்வலர்கள் உருவாக்கிய "காலநிலை முகாம்" வெளியேற்றப்பட்ட மூன்று நாட்களுக்குப் பிறகு, நேற்று வெள்ளி மாலை ஹெல்வெட்டியா பிளாட்ஸில் கூடினர்.

ஒரு பயனுள்ள தடுப்பூசி பரவலாகப் பயன்படுத்தப்படுவதற்கு முன்னர் உலகளாவிய கொரோனா வைரஸ் இறப்பு எண்ணிக்கை இரண்டு மில்லியனை எட்டக்கூடும் என்று உலக சுகாதார அமைப்பு (WHO) எச்சரித்துள்ளது.