இலங்கை
Typography

நாட்டு மக்கள் தற்போது விரும்பும் ஒரே தலைவர் சஜித் பிரேமதாச மட்டுமே என்று அமைச்சர் கபீர் ஹாசிம் தெரிவித்துள்ளார். 

கேகாலையில் நேற்று செவ்வாய்க்கிழமை ஊடகவியலாளர்களிடம் பேசும் போதே அவர் இவ்வாறு கூறியுள்ளார்.

இந்தச் சந்தர்ப்பத்தில் உண்மையாக ஐக்கிய தேசியக் கட்சியின் ஜனாதிபதி வேட்பாளர் யார் என ஊடகவியலாளர் ஒருவர் வினவினார்.

அதற்கு பதிலளித்த அமைச்சர் கபீர் ஹாசிம், “இந்த கேள்விக்கு பதிலளித்தால் நிச்சயம் ஒழுக்காற்று விசாரணைக்கு முகங்கொடுக்க நேரிடும். எவ்வாறாயினும் ஜனாதிபதி வேட்பாளர் குறித்து கட்சி இதுவரை எவ்வித உத்தியோகபூர்வ முடிவையும் எடுக்கவில்லை. அமைச்சர் சஜித் பிரேமதாசவையே அனைத்து மக்களும் அதிகமாக விரும்புகின்றனர். இது தொடர்பில் ஐ.தே.க உயர்மட்டக் கூட்டத்தில் கலந்துரையாடி இறுதித் தீர்மானம் எடுப்படும். நாட்டு மக்கள் கேட்கும் தலைவரை கொடுக்க வேண்டியது கட்டாயம். அதே நேரத்தில் கட்சித் தலைவரின் தீர்மானம் இறுதித் தீர்மானமாகும்.” என்றுள்ளார்.

BLOG COMMENTS POWERED BY DISQUS