இலங்கை

எதிர்வரும் தேர்தல்களில் பேஸ்புக் மற்றும் சமூக வலைத்தளங்களினூடாக வெறுக்கத்தக்க பேச்சுகள் மற்றும் சேறு பூசல்கள் போன்ற தேர்தல் சட்டத்திற்கு முரணான நடவடிக்கைகளுக்கு எதிராக செயற்படுவது தொடர்பில் தேர்தல் ஆணைக்குழு தலைவருக்கும் பேஸ்புக் முக்கியஸ்தர்களுக்கும் இடையில் நேற்று திங்கட்கிழமை விசேட பேச்சுவார்த்தையொன்று இடம்பெற்றது. 

தேர்தல் செயலகத்தில் இடம்பெற்ற இந்த சந்திப்பில் தேல்தல் ஆணைக்குழு தலைவர் மற்றும் உறுப்பினர்கள் மற்றும் பேஸ்புக் சமூக வலைத்தள இந்திய மற்றும் இலங்கை பிரதானிகள் கலந்து கொண்டார்கள். இது தவிர 25 மாவட்ட தேர்தல் செயலக தகவல் தொழில்நுட்ப அதிகாரிகளும் கலந்து கொண்டதாக  பிரதித் தேர்தல் ஆணையாளர் நாயகம் சமன் ரத்னாயக்க கூறினார்.

உதவி தேர்தல் ஆணையாளர்களுடன் நேற்று முன்தினம் இடம்பெற்ற சந்திப்பிலும் பேஸ்புக் சமூக வலைத்தளங்களினூடாக தேர்தல் சட்டத்தை மீறும் செயல்களை தடுப்பதற்கான நடவடிக்கைகள் குறித்தும் முக்கியமாக ஆராயப்பட்டுள்ளது. இது தொடர்பில் பரந்த அளவில் ஆராய்வதற்காக ஊடக நிறுவன பிரதானிகளையும் சந்தித்து கருத்துப் பரிமாறி வருவதாகவும் அவர் குறிப்பிட்டார்.

 

வடக்கு – கிழக்கு உள்ளிட்ட தமிழ் மக்கள் அதிகமுள்ள பகுதிகளில் தடைப்பட்டுப் போன அபிவிருத்தித் திட்டங்கள் மீள ஆரம்பிக்கப்பட்டு துரிதப்படுத்தப்படும் என பிரதமர் மஹிந்த ராஜபக்ஷ தெரிவித்துள்ளார். 

அமைச்சரவை அமைச்சர்கள் 28 பேரும், இராஜாங்க அமைச்சர்கள் 40 பேரும் நாளை புதன்கிழமை பதவியேற்கவுள்ளனர். 

டெல்லி உச்சநீதிமன்றத்தால் பூர்வீக சொத்து உரிமையில் சம பங்கு பெண் பிள்ளைகளும் பெறலாம் எனும் தீர்ப்பை வரவேற்றுள்ளனர்.

இந்தியாவில் பருவமழை காலம் என்பதால் பவானிசாகர் மற்றும் மேட்டூர் அணைகளில் நீர்மட்டம் உயர்வடைந்து வருகிறது.

பசுபிக் பெருங்கடலில் நெருப்பு வளையப் பகுதியில் அமைந்த இந்தோனேசியா உலகில் நிலநடுக்கங்கள், சுனாமி மற்றும் எரிமலை போன்ற அனர்த்தங்கள் ஒரு வருடத்தில் அதிகளவில் ஏற்படும் நாடுகளில் ஒன்றாகும்.

அண்மையில் பெய்ரூட்டில் நடந்த வெடி விபத்தை அடுத்து லெபனானில் வெடித்த மக்கள் புரட்சியின் விளைவாக லெபனான் அரசின் பிரதமரான தானும், அமைச்சரவையும் பதவி விலகுவதாக அந்நாட்டு பிரதமர் ஹசன் தியாப் தொலைக் காட்சியில் அறிவித்துள்ளார்.