இலங்கை

ஸ்ரீலங்கா பொதுஜன பெரமுனவுக்கும் ஸ்ரீலங்கா சுதந்திரக் கட்சிக்கும் இடையில் இடம்பெற்றும்வரும் கூட்டணிப் பேச்சுகளுக்குத் தடை ஏற்படுத்தும் வகையில் கருத்து வெளியிட்டுவரும் சுதந்திரக் கட்சியின் பொதுச்செயலாளர் தயாசிறி ஜயசேகர, ஐக்கிய தேசியக் கட்சியுடன் இரகசிய ஒப்பந்தமொன்றை கைச்சாத்திட்டுள்ளாரா என்ற சந்தேகம் ஏற்பட்டுள்ளதாக பொதுஜன பெரமுனவின் முக்கியஸ்தரும் பாராளுமன்ற உறுப்பினருமான மஹிந்தானந்த அளுத்கமகே தெரிவித்துள்ளார். 

அவர் மேலும் குறிப்பிட்டுள்ளதாவது, “சுதந்திரக் கட்சிக்கும் பொதுஜன பெரமுனவுக்கும் இடையில் சாதகமான பேச்சுவார்த்தை நடைபெற்று வருகிறது. இருதரப்புக்குமிடையில் இணக்கப்பாடுகள் எட்டப்பட்டுள்ளன. சின்னம் என்பது ஒரு பிரச்சினையில்லை. அதனை வைத்து போலி பிரச்சினையை சிலர் உருவாக்க முற்படுகின்றனர். சிலருக்கு பேச்சுவார்த்தையை தொடர விருப்பம் இல்லை. சுதந்திரக் கட்சியைப் படுகுழியில் தள்ளி அதன் அதிகாரத்தை கைப்பற்றும் முயற்சியிலேயே அவர்கள் செயற்படுகின்றனர்.

மீண்டும் ஐக்கிய தேசியக் கட்சியுடன் இணைந்து அவர்களால் பயணிக்க முடியாது. ஐக்கிய தேசியக் கட்சியுடன் இணைந்து பயணித்தமையால்தான் சுதந்திரக் கட்சி நாசமடைந்தது. ஐக்கிய தேசியக் கட்சியுடன் மீண்டும் இணைய முற்பட்டால் அவர்களுக்கு எதிர்காலமில்லை. சுதந்திரக் கட்சியின் எதிர்காலம் பொதுஜன பெரமுனவில்தான் உள்ளது. தேர்தலுக்காக நாம் அமைக்கவுள்ள கூட்டணியின் பிரதான பதவிகளில் ஒன்றை சுதந்திரக் கட்சிக்கு வழங்க ஆலோசித்து வருகின்றோம்.

சுதந்திரக் கட்சியின் தனித்துவத்தை பாதுகாப்பதில் உறுதியாகவுள்ளோம். ஆனால், கூட்டணிப் பேச்சுகளில் குழப்பம் ஏற்படும் வகையில் தயாசிறி போன்றோர் கருத்து வெளியிட்டு வருகின்றனர். தனிப்பட்ட அரசியல் நிழகழ்ச்சி நிரலின் கீழ் ஐக்கிய தேசியக் கட்சியுடன் இரகசிய ஒப்பந்தத்தில் அவர் கைச்சாத்திட்டுள்ளாரா எனத் தெரியவில்லை.” என்றுள்ளார்.

ஜனாதிபதி கோட்டாபய ராஜபக்ஷ தலைமையிலான அரசாங்கத்தின் நடவடிக்கைகள் காரணமாக மக்கள் கடும் அழுத்தம் மற்றும் விரக்திநிலையின் கீழ் வாழ நிர்ப்பந்திக்கப்பட்டுள்ளனர் என்று முன்னாள் எதிர்க்கட்சித் தலைவர் சஜித் பிரேமதாச தெரிவித்துள்ளார். 

இலங்கை ஜனாதிபதி கோட்டாபய ராஜபக்ஷவுக்கும் இந்தியப் பிரதமர் நரேந்திர மோடிக்கும் இடையில் நேற்று சனிக்கிழமை தொலைபேசி உரையாடலொன்று இடம்பெற்றுள்ளது. 

இந்தியாவில் கொரோனா வைரஸ் தொற்றின் பரவலைக் கட்டுத்தும் நடவடிக்கையாகப் பிறப்பிக்கப்பட்ட ஊரடங்கினால், ரத்துச் செய்யப்பட்டிருந்த உள்நாட்டு விமான சேவைகளை, நாளை முதல் ஆர்ம்பிக்கப்படவுள்ளதாக மத்திய அரசு அறிவித்துள்ளது. உள்நாட்டில் பாதுகாப்பான விமான பயணம் மேற்கொள்வது தொடர்பில் தமிழக அரசு வழிகாட்டு நெறிமுறைகளை வெளியிட்டு உள்ளது.

இந்தியாவில் கொரோனா வைரஸ் பரவலை கட்டுப்படுத்த எடுக்கப்பட்ட அனைத்து முயற்சிகளையும் மீறி, வைரஸ் தொற்று நாளுக்கு நாள் அதிகரித்தவண்ணமே உள்ளது. அதனைக் கட்டுப்படுத்தமுடியாது மத்திய அரசு தடுமாறுகிறது என காங்கிரஸ் கட்சித் தலைவர் சோனியா காந்தி குறிப்பிட்டுள்ளார்.

அண்மையில் மெக்ஸிக்கோ நாட்டின் தலைநகர் மெக்ஸிக்கோ சிட்டியில் சர்வதேச விமான நிலையம் அமையவுள்ள இடத்தில் அந்நாட்டு தொல்பொருள் ஆய்வாளர்கள் நடத்திய அகழ்வாராய்ச்சியில் 3500 ஆண்டுகளுக்கு முன்பு வாழ்ந்த அரிய விலங்குகளின் எலும்புக் கூடுகள் கண்டு பிடிக்கப் பட்டுள்ளன.

கொரோனா தொற்றை முன்கூட்டியே தவிர்த்து இலட்சக் கணக்கான உயிரிழப்புக்களைத் தடுக்காமல் விட்டது சீனாவின் குற்றமே என அமெரிக்காவும் இன்னும் சில சர்வதேச நாடுகளும் சீனா மீது தொடர்ந்து குற்றம் சாட்டி வருகின்றன.