இலங்கை

ஐக்கிய தேசிய முன்னணியின் ஜனாதிபதி வேட்பாளர் ரணில் விக்ரமசிங்கவா, சஜித் பிரேமதாசவா என்று ஐக்கிய தேசியக் கட்சி பாராளுமன்ற உறுப்பினர்களிடம் இரகசிய வாக்கெடுப்பை நடத்தி தீர்மானிக்க வேண்டும் என்று மாநகர மற்றும் மேல் மாகாண அபிவிருத்தி அமைச்சரும் ஜாதிக ஹெல உருமயவின் செயலாளருமான சம்பிக்க ரணவக்க தெரிவித்துள்ளார். 

இலங்கை மன்றக் கல்லூரியில் நேற்று திங்கட்கிழமை நடைபெற்ற ஜாதிக ஹெல உருமய ஊடக மாநாட்டில் கலந்து கொண்டு பேசும் போதே அவர் இவ்வாறு குறிப்பிட்டுள்ளார்.

சம்பிக்க ரணவக்க மேலும் கூறியுள்ளதாவது, “ஆளும் தரப்பிலுள்ள குழுக்கள் காரணமாக ஜனாதிபதி வேட்பாளர் தெரிவு தாமதமாகி வருகிறது. ஜனாநாயக தரப்பு வெற்றிபெற்று நாட்டை முன்னேற்ற பரந்த கூட்டணி உருவாக்க வேண்டும். இதற்காக உகந்த திட்டமொன்று அவசியம்.

பரந்த கூட்டணி அமைக்க நாம் முயற்சி செய்தோம். இது தொடர்பில் பல்வேறு பிரச்சினைகள் ஏற்பட்டன. ஜனநாயக கூட்டணியின் அங்கத்துவ கட்சிகள் தொடர்பில் உடன்பாட்டிற்கு வர முடிந்துள்ளது. சகலரது உடன்பாட்டுடனும் ஜனாதிபதி வேட்பாளரை நிறுத்துவது குறித்தும் கவனம் செலுத்தப்பட்டது.
ஐ.தே.கவில் இருந்து இரு வேட்பாளர்களின் பெயர்கள் முன்வைக்கப்பட்டுள்ளன. பிரதமர் ரணில் விக்ரமசிங்க மற்றும் அமைச்சர் சஜித் பிரேமதாச ஆகியோரின் பெயர்கள் முன்மொழியப்பட்டுள்ள நிலையில் வேறுபட்ட கருத்துகள் முன்வைக்கப்படுகின்றன.

106 ஆளும் தரப்பு பாராளுமன்ற உறுப்பினர்களில் 77 பேர் ஐ.தே.க. உறுப்பினர்களாகும். எனவே இவர்கள் கூடி வேட்பாளரை தெரிவு செய்ய வேண்டும். வேட்பாளரை தெரிவு செய்யும் உரிமை இவர்களுக்கே இருக்கிறது. இவர்களில் தெரிவு செய்யப்படாத மற்றைய நபர் அடுத்த குழுவுக்கு ஆதரவு வழங்காமல் காலங்கடத்தக் கூடாது. சகலரும் ஜனாதிபதி வேட்பாளருக்கு ஆதரவு வழங்க வேண்டும்.

பொதுஜன பெரமுன வேட்பாளராக கோட்டாபய ராஜபக்ஷவின் பெயரும் ஜே.வி.பி வேட்பாளராக அனுர குமாரவின் பெயரும் அறிவிக்கப்பட்டுள்ளது. ஜனாதிபதி தேர்தல் தொடர்பான எமது எதிர்கால நடவடிக்கை பின்னர் அறிவிக்கப்படும்.” என்றுள்ளார்.

ஜனாதிபதி கோட்டாபய ராஜபக்ஷ தலைமையிலான அரசாங்கத்தின் நடவடிக்கைகள் காரணமாக மக்கள் கடும் அழுத்தம் மற்றும் விரக்திநிலையின் கீழ் வாழ நிர்ப்பந்திக்கப்பட்டுள்ளனர் என்று முன்னாள் எதிர்க்கட்சித் தலைவர் சஜித் பிரேமதாச தெரிவித்துள்ளார். 

இலங்கை ஜனாதிபதி கோட்டாபய ராஜபக்ஷவுக்கும் இந்தியப் பிரதமர் நரேந்திர மோடிக்கும் இடையில் நேற்று சனிக்கிழமை தொலைபேசி உரையாடலொன்று இடம்பெற்றுள்ளது. 

இந்தியாவில் கொரோனா வைரஸ் தொற்றின் பரவலைக் கட்டுத்தும் நடவடிக்கையாகப் பிறப்பிக்கப்பட்ட ஊரடங்கினால், ரத்துச் செய்யப்பட்டிருந்த உள்நாட்டு விமான சேவைகளை, நாளை முதல் ஆர்ம்பிக்கப்படவுள்ளதாக மத்திய அரசு அறிவித்துள்ளது. உள்நாட்டில் பாதுகாப்பான விமான பயணம் மேற்கொள்வது தொடர்பில் தமிழக அரசு வழிகாட்டு நெறிமுறைகளை வெளியிட்டு உள்ளது.

இந்தியாவில் கொரோனா வைரஸ் பரவலை கட்டுப்படுத்த எடுக்கப்பட்ட அனைத்து முயற்சிகளையும் மீறி, வைரஸ் தொற்று நாளுக்கு நாள் அதிகரித்தவண்ணமே உள்ளது. அதனைக் கட்டுப்படுத்தமுடியாது மத்திய அரசு தடுமாறுகிறது என காங்கிரஸ் கட்சித் தலைவர் சோனியா காந்தி குறிப்பிட்டுள்ளார்.

அண்மையில் மெக்ஸிக்கோ நாட்டின் தலைநகர் மெக்ஸிக்கோ சிட்டியில் சர்வதேச விமான நிலையம் அமையவுள்ள இடத்தில் அந்நாட்டு தொல்பொருள் ஆய்வாளர்கள் நடத்திய அகழ்வாராய்ச்சியில் 3500 ஆண்டுகளுக்கு முன்பு வாழ்ந்த அரிய விலங்குகளின் எலும்புக் கூடுகள் கண்டு பிடிக்கப் பட்டுள்ளன.

கொரோனா தொற்றை முன்கூட்டியே தவிர்த்து இலட்சக் கணக்கான உயிரிழப்புக்களைத் தடுக்காமல் விட்டது சீனாவின் குற்றமே என அமெரிக்காவும் இன்னும் சில சர்வதேச நாடுகளும் சீனா மீது தொடர்ந்து குற்றம் சாட்டி வருகின்றன.