இலங்கை

“தமிழ்த் தேசியம், சமஷ்டி பேசும் தமிழ்த் தேசியக் கூட்டமைப்பினரால் முன்னெடுக்கப்படுகின்ற சுயலாப பணப்பெட்டி அரசியலையோ அல்லது சி.வி.விக்னேஸ்வரன், கஜேந்திரகுமார் பொன்னம்பலம், சுரேஸ் பிரேமச்சந்திரன் போன்றவர்களால் முன்னெடுக்கப்படும் சவப்பெட்டி அரசியல்வாதிகளின் அரசியலையோ எவராலும் இனித் தூக்கி நிறுத்த முடியாது.” என்று ஈழமக்கள் ஜனநாயகக் கட்சி (ஈபிடிபி) செயலாளர் நாயகமும் பாராளுமன்ற உறுப்பினருமான டக்ளஸ் தேவானந்தா தெரிவித்துள்ளார். 

மட்டக்களப்பில் கடந்த வெள்ளிக்கிழமை இடம்பெற்ற நிகழ்வொன்றில் கலந்துகொண்டு பேசும் போதே அவர் மேற்கண்டவாறு குறிப்பிட்டுள்ளார்.

டக்ளஸ் தேவானந்தா மேலும் கூறியுள்ளதாவது, “முன்னாள் ஜனாதிபதி மஹிந்த ராஜபக்ஷவின் பிரதிநிதியாக அவரது சிபாரிசில் வரவிருக்கின்ற வேட்பாளருக்கே நாங்கள் ஆதரிப்பதற்கான நிலைப்பாட்டை எடுத்திருக்கின்றோம். அதற்காக நாங்கள் பல்வேறு காரணங்களை முன்வைத்து ஆதரிக்கின்றோம். எமது மக்கள் எதிர்கொண்டு வருகின்ற அரசியல் உரிமைக்கான பிரச்சினையை முதலில் எடுத்துள்ளோம். ஆனால் தமிழ் மக்களின் அரசியல் உரிமைக்கான பிரச்சினை தமிழ்த் தேசியக் கூட்டமைப்பின் கரங்களில்தான் தங்கியிருக்கின்றது.

தமிழ் மக்கள் மத்தியில் இன்று மூன்று வகையான அரசியல் கருத்து உள்ளன. அதில் ஒன்று தமிழ் மக்களிடையே இன்று வீழ்ச்சியடைந்துவரும் தமிழ்த் தேசியம், சமஷ்டி என்று தமிழ்த் தேசியக் கூட்டமைப்பால் பேசப்படும் சுயலாப தரகு பணப்பெட்டி அரசியல் செயற்பாடு. மற்றையது விக்னேஸ்வரன், சுரேஸ் பிரேமச்சந்திரன், கஜேந்திரகுமார் போன்றோர்களினால் செயற்படுத்தும் சவப்பெட்டி அரசியல் நிலையை எவராலும் இனித் தூக்கி நிறுத்த முடியாது. இரண்டு பேருக்கும் இடையே உள்ள வித்தியாசம் என்னவென்றால் பிரச்சினைகளை தீராத பிரச்சினையாக வைத்திருப்பது அவர்களின் எண்ணமும் நோக்கமாகவும் உள்ளது.

எங்களுடைய எண்ணம் என்னவென்றால் நடைமுறையாக பிரச்சினைகளை அனுசரித்துக்கொண்டு உரியவர்களை அணுகி தீர்ப்பதுதான் எங்களின் எண்ணமும் நோக்கமும் ஆகும்.

கிழக்கு மாகாணத்தில் கிழக்குத் தமிழர் கூட்டமைப்பு மிகவும் அவசியமாகும்.நிலத்தையும்,தமிழ்மக்களின் நலன்களையும் பாதுகாப்பதோடு தமிழர்களின் இருப்பு பறிபோகாமல் பாதுகாப்பதுதான் கிழக்கு தமிழர்களின் எண்ணமும் திண்ணமும் ஆகும். விட்டுக்கொடுப்பு சகிப்புத்தன்மையுடன் கிழக்குத் தமிழர் கூட்டமைப்பை தமிழ்மக்கள் கட்டிப்பாதுகாக்க வேண்டும்.” என்றுள்ளார்.

“விமர்சனங்கள் எல்லாவற்றுக்கும் நாம் பதிலளித்துக்கொண்டிருக்க முடியாது. தமிழ்த் தேசியக் கூட்டமைப்புக்குள் ஒற்றுமை மிக அவசியம். சர்ச்சையை ஏற்படுத்தியுள்ள எம்.ஏசுமந்திரனின் சிங்கள நேர்காணல் தொடர்பில் தமிழரசுக் கட்சியின் மத்திய செயற்குழு கூடி ஆராயும்.” என்று கூட்டமைப்பின் தலைவர் இரா.சம்பந்தன் தெரிவித்துள்ளார். 

“நாம் மிகவும் மதிக்கும் ஒரே சொத்து மனித அபிவிருத்தி என்பதால் எத்தகைய சிரமங்களை நாம் எதிர்கொண்டாலும் ´மக்களே முதன்மையானவர்கள்´ என்ற எமது கொள்கையில் சமரசம் செய்ய முடியாது” என்று ஜனாதிபதி கோட்டாபய ராஜபக்ஷ தெரிவித்துள்ளார். 

புலம்பெயர் தொழிலாளர்களின் அவலங்களுக்காக இணையவழியில் போராட்டம் நடத்துவதற்கு விடுதலைச் சிறுத்தைகள் கட்சித் தலைவர் திருமாவளவன்  திட்டமிட்டு இருப்பதாக கூறப்படுகிறது. அது தொடர்பாக அவர் வெளியிட்டுள்ள அறிக்கையில்;

இந்தியாவில் கொரோனா வைரஸ் தொற்றுப் பரவலைத் தடுப்பதற்காக மத்திய அரசு அறிவித்திருந்த ஊரடங்கு உத்தரவினால் கொரோனா வைரஸ் சமூகத் தொற்று குறைந்தது எனக் கூறப்பட்டாலும், மிகப்பெரிய சமூகப் பிரச்சனையாக எழுந்தது புலம் பெயர் தொழிலாளர்களின், சொந்தமாநிலங்களுக்கான நகர்வுகள்.

ரஷ்யாவின் மேற்பகுதியில் ஆர்க்டிக் துருவத்துக்கு கீழே அமைந்துள்ள உலகின் மிகப்பெரிய சைபீரிய சமவெளி மற்றும் அதன் காடுகளில் முக்கியமாக கட்டாங்கா என்ற பகுதியில் மிகவும் தீவிரமாக கடந்த சில நாட்களாகக் காட்டுத் தீ பரவி வருகின்றது.

புதன்கிழமை விண்ணில் உள்ள ISS எனப்படும் சர்வதேச விண்வெளி ஆய்வு மையத்துக்கு நாசாவின் இரு வீரர்களை ஏந்தியவாறு SpaceX நிறுவனத்தின் Falcon 9 ராக்கெட்டின் மூலம் Crew Dragon என்ற அதிநவீன விண் ஓடம் செலுத்தப் படவிருந்த நிலையில், கடைசி நேரத்தில் கால நிலை சீர்கேட்டால் இதன் பயணம் சனிக்கிழமை ஒத்திப் போடப் பட்டுள்ளதாக நாசா அறிவித்துள்ளது.