இலங்கை

தமிழ் மக்கள் சுய நிர்ணய உரிமைகளுடன் வாழ்வதற்கு ஏற்ற சூழலை ஏற்படுத்த இந்தியா உள்ளிட்ட சர்வதேச சமூகம் தலையிட வேண்டிய காலம் வந்துள்ளதாக தமிழ் மக்கள் கூட்டணியின் செயலாளர் நாயகம் சி.வி.விக்னேஸ்வரன் தெரிவித்துள்ளார். 

முல்லைத்தீவில் நேற்று செவ்வாய்க்கிழமை நடைபெற்ற மக்கள் போராட்டத்தில் கலந்துகொண்ட பின்னர் ஊடகங்களுக்கு கருத்து தெரிவித்த போதே அவர் இவ்வாறு கூறியுள்ளார்.

புற்றுநோய் காரணமாக உயிரிழந்த தேரரின் சடலத்தை நீராவியடி இராணுவ முகாமுக்கு அருகில் உள்ள கடற்கரை பகுதியில் தகனம் செய்யுமாறு முல்லைத்தீவு நீதவான் நீதிமன்றம் நேற்றுமுன்தினம் உத்தரவிட்டிருந்தது.

எனினும், பொதுபல சேனா அமைப்பின் பொதுச்செயலாளர் கலகொட அத்தே ஞானசார தேரர் தலைமையில் குறித்த பௌத்த பிக்குவின் சடலம் நீராவியடிப் பிள்ளையார் ஆலயத்து அருகில் உள்ள கேணிக்கரையருகில் தகனம் செய்யப்பட்டது.

இதற்கு எதிர்ப்புத் தெரிவித்து முல்லைத்தீவில் நேற்று ஆர்ப்பாட்டப் பேரணி இடம்பெற்றது. அந்தப் போராட்டத்தில் சி.வி.விக்னேஸ்வரனும் கலந்து கொண்டார்.

அங்கு அவர் பேசும் போது, “நிலைமையின் பாரதூரத்தை ஐ.நா, இந்தியா மற்றும் ஏனைய நாடுகளும் புரிந்துக்கொள்ள வேண்டும். ஆகவே நடைபெற்ற சம்பவங்களுக்கு காரணமானவர்கள் உடனடியாக கைதுசெய்யப்பட்டு சட்டத்தின் முன்பாக நிறுத்தப்பட வேண்டும். அவ்வாறு இல்லாவிடின் எதிர்வரும் ஜனாதிபதி தேர்தலில் மக்கள் தகுந்த பாடத்தை புகட்டுவார்கள்.” என்றுள்ளார்.

 

 

எமதுபார்வை

தமிழகத்தின் தலைப்புச் செய்திகள்

கோடம்பாக்கம் கோனர்

“உலகின் பல நாடுகளும் பின்பற்றும் சமத்துவமான ஆட்சி முறைகளையே நாங்கள் கோருகிறோம். அதனை யாரும் மறுக்க முடியும் என நான் நினைக்கவில்லை.” என்று தமிழ்த் தேசியக் கூட்டமைப்பின் தலைவர் இரா.சம்பந்தன் தெரிவித்துள்ளார். 

பொதுத் தேர்தலுக்கான தபால் மூல வாக்களிப்பு இன்று திங்கட்கிழமை ஆரம்பமாகி தொடர்ந்து ஐந்து நாட்கள் இடம்பெறவுள்ளது. 

மத்திய பிரதேசத்தை பாஜகவிடம் இழந்த மூன்று மாதங்களுக்குப் பிறகு டெல்லியில் முகாமிட்டுள்ள சச்சின் பைலட், பாஜக தலைவர் ஜே.பி.நட்டாவை இன்று சந்திக்க வாய்ப்புள்ளது என்று அந்த வட்டாரங்கள் தெரிவிக்கின்றன.

பாலிவுட் சூப்பர் ஸ்டார் அமிதாப் பச்சனுக்கு கொரோனா உறுதிசெய்யப்பட்டுள்ளதையடுத்து நடிகை ஐஸ்வர்யா ராய் மற்றும் அவரது மகள் இருவருக்கும் கொரோனா பாதிப்பு உறுதி செய்யப்பட்டுள்ளதாக தெரிவிக்கப்பட்டுள்ளது.

தெற்கு சீனாவின் அன்ஹுய் மற்றும் ஜியாங்ஸி மாகாணங்களில் கடந்த சில நாட்களாகப் பெய்து வரும் கனமழை காரணமாக யாங்சி நதியில் கடும் வெள்ளப் பெருக்கு ஏற்பட்டுள்ளது.