இலங்கை

“எதிர்வரும் ஜனாதிபதித் தேர்தலில் ஸ்ரீலங்கா சுதந்திரக் கட்சி சார்பில் வேட்பாளர் ஒருவரை நிறுத்துவதாக இருந்தால், ஜனாதிபதி மைத்திரிபால சிறிசேனவை மாத்திரம்தான் நிறுத்துவோம். குமார வெல்கமவை நிறுத்த எந்தத் திட்டமும் கிடையாது.” என்று சுதந்திரக் கட்சியின் செயலாளர் தயாசிறி ஜெயசேகர தெரிவித்துள்ளார். 

ஸ்ரீலங்கா பொதுஜன பெரமுன மட்டுமன்றி சுதந்திரக் கட்சியுடன் இணைந்து போட்டியிட பல மாற்று சக்திகள் உள்ளதாகக் கூறிய தயாசிறி ஜயசேகர, பொதுஜன பெரமுனவினர் தம்மைப் பற்றி அதீத நம்பிக்கை வைத்திருப்பதாகவும் கூறியுள்ளார்.

சுதந்திரக் கட்சித் தலைமையகத்தில் நேற்று செவ்வாய்க்கிழமை நடைபெற்ற ஊடகவியலாளர் சந்திப்பில் எழுப்பப்பட்ட கேள்விக்குப் பதிலளிக்கையிலே அவர் மேற்கண்டவாறு குறிப்பிட்டுள்ளார்.

எதிர்வரும் ஜனாதிபதி தேர்தலில் சுதந்திரக் கட்சி சார்பில் போட்டியிடத் தயார் எனக் குமார வெல்கம கூறியிருப்பது தொடர்பில் இங்கு வினாவப்பட்டது. இது தொடர்பில் கருத்து வெளியிட்ட தயாசிறி ஜயசேகர மேலும் கூறியதாவது,

“குமார வெல்கம சுதந்திரக் கட்சியில் இருந்து பொதுஜன பெரமுனவுடன் இணைந்து மஹிந்த ராஜபக்ஷவின் காலில் விழுந்திருந்தார். அந்த நிலையிலே அவர் கோட்டாபயவையும் விமர்சித்து வந்தார். தற்பொழுது சுதந்திரக் கட்சியிடம் அவர் சேர்ந்துள்ளார். அவரை வேட்பாளராக நிறுத்த எந்த திட்டமும் கிடையாது. மத்திய குழுவும் செயற்குழுவுமே இது தொடர்பில் முடிவு செய்யும். சுதந்திரக் கட்சி சார்பில் ஒருவரை வேட்பாளராக நிறுத்துவதாக இருந்தால் ஜனாதிபதியே போட்டியிடுவார்.

பொதுஜன பெரமுனவுடன் பேசி வருகிறோம். அவர்கள் தம்மை பற்றி அதீத நம்பிக்கையில் உள்ளனர். எமக்கு எந்த நிபந்தனையும் இன்றி அவர்களுடன் இணைய முடியாது. சின்னம் தொடர்பில்தான் நிபந்தனை விதித்துள்ளோம்.

வேறு பதவிகள் எதுவும் கோரவில்லை. எவ்வித நிபந்தனையும் இன்றி அவர்களுடன் இணைந்தால் கட்சி கரைந்துவிடும். அமைச்சுப் பதவிகளுக்கும் பாராளுமன்ற உறுப்பினர்களாக மீண்டும் தெரிவாவதற்கும் மாத்திரம் அவர்களுடன் இணைய முடியாது. கட்சியை பாதுகாத்து, கட்சியின் தனித்துவத்தை பேணியே முடிவு எடுக்க வேண்டும்.

நாம் ஜே.வி.பியுடனும் பேசத் தயாராக இருக்கிறோம். அவர்கள் கூட்டணியாக போட்டியிடுகின்றனர். முன்னாள் இராணுவ தளபதி மகேஷ் சேனாநாயக்கவும் போட்டியிட இருப்பதாக கூறப்படுகிறது. பாராளுமன்ற தேர்தலில் சகல கூட்டணிகளும் எமக்கு முக்கியமாகும். பொது ஜன பெரமுன மட்டுமன்றி எமக்கு பல மாற்று வழிகள் இருக்கின்றன.” என்றுள்ளார்.

 

 

“விமர்சனங்கள் எல்லாவற்றுக்கும் நாம் பதிலளித்துக்கொண்டிருக்க முடியாது. தமிழ்த் தேசியக் கூட்டமைப்புக்குள் ஒற்றுமை மிக அவசியம். சர்ச்சையை ஏற்படுத்தியுள்ள எம்.ஏசுமந்திரனின் சிங்கள நேர்காணல் தொடர்பில் தமிழரசுக் கட்சியின் மத்திய செயற்குழு கூடி ஆராயும்.” என்று கூட்டமைப்பின் தலைவர் இரா.சம்பந்தன் தெரிவித்துள்ளார். 

“நாம் மிகவும் மதிக்கும் ஒரே சொத்து மனித அபிவிருத்தி என்பதால் எத்தகைய சிரமங்களை நாம் எதிர்கொண்டாலும் ´மக்களே முதன்மையானவர்கள்´ என்ற எமது கொள்கையில் சமரசம் செய்ய முடியாது” என்று ஜனாதிபதி கோட்டாபய ராஜபக்ஷ தெரிவித்துள்ளார். 

புலம்பெயர் தொழிலாளர்களின் அவலங்களுக்காக இணையவழியில் போராட்டம் நடத்துவதற்கு விடுதலைச் சிறுத்தைகள் கட்சித் தலைவர் திருமாவளவன்  திட்டமிட்டு இருப்பதாக கூறப்படுகிறது. அது தொடர்பாக அவர் வெளியிட்டுள்ள அறிக்கையில்;

இந்தியாவில் கொரோனா வைரஸ் தொற்றுப் பரவலைத் தடுப்பதற்காக மத்திய அரசு அறிவித்திருந்த ஊரடங்கு உத்தரவினால் கொரோனா வைரஸ் சமூகத் தொற்று குறைந்தது எனக் கூறப்பட்டாலும், மிகப்பெரிய சமூகப் பிரச்சனையாக எழுந்தது புலம் பெயர் தொழிலாளர்களின், சொந்தமாநிலங்களுக்கான நகர்வுகள்.

இத்தாலியின் வடக்கு பிராந்தியங்களான லோம்பார்டி, லிகுரியா மற்றும் பீட்மோண்ட் ஆகியவற்றில் ஜூன் 3 ஆம் தேதி பயணக் கட்டுப்பாடுகளை பாதுகாப்பாக அகற்றத் தயாராக இல்லை என்று இத்தாலியின் குழுமத்திற்கான சான்றுகளை அடிப்படையாகக் கொண்ட மருத்துவத்தின் புதிய ஆய்வின்படி தெரிவிக்கப்பட்டுள்ளது.

ரஷ்யாவின் மேற்பகுதியில் ஆர்க்டிக் துருவத்துக்கு கீழே அமைந்துள்ள உலகின் மிகப்பெரிய சைபீரிய சமவெளி மற்றும் அதன் காடுகளில் முக்கியமாக கட்டாங்கா என்ற பகுதியில் மிகவும் தீவிரமாக கடந்த சில நாட்களாகக் காட்டுத் தீ பரவி வருகின்றது.