இலங்கை

ஐக்கிய தேசிய முன்னணியின் ஜனாதிபதி வேட்பாளராக அறிவிக்கப்பட்டுள்ள சஜித் பிரேமதாசவின் நியமனத்தை ஐக்கிய தேசியக் கட்சியின் 77வது மாநாடு உத்தியோகபூர்வமாக ஏற்றுக்கொண்டது. 

ஐக்கிய தேசியக் கட்சியின் பிரதித் தலைவர் சஜித் பிரேமதாச ஜனாதிபதி வேட்பாளராக நியமிக்கப்பட்டமை தொடர்பிலான முன்மொழிவை ஐக்கிய தேசியக் கட்சியின் தலைவர் ரணில் விக்ரமசிங்க முன்மொழிய, பாராளுமன்ற உறுப்பினர் டி.எம்.சுவாமிநாதன் வழிமொழிந்தார். இதனை, மாநாட்டில் பங்குபற்றிய ஐக்கிய தேசியக் கட்சியின் உறுப்பினர்கள் அனைவரும் ஏகமனமாக ஏற்றுக்கொண்டனர்.

கொழும்பு சுகததாச உள்ளக அரங்கில் தற்போது நடைபெற்றுவரும் ஐக்கிய தேசியக் கட்சியின் 77வது மாநாட்டிலேயே இந்தத் தீர்மானம் நிறைவேற்றப்பட்டது.

குறித்த மாநாட்டில், பிரதமர் ரணில் விக்ரமசிங்க மீண்டும் கட்சியின் தலைவர் என பிரேரிக்கபட்டதுடன், 52 நாட்கள் இடம்பெற்ற அரசியல் குழப்பத்தின்போது, பாராளுமன்றத்தை பாதுகாத்த சபாநாயகர் கரு ஜயசூரியவுக்கு நன்றியும் பாராட்டும் தெரிவிக்கப்பட்டது.

அத்துடன், அதிகார பகிர்வு, நிறைவேற்று அதிகார ஒழிப்பு, தேர்தல் முறை சீர்திருத்தம் என்பவற்றை செய்வதற்காக பணிகள் தொடர வேண்டும் எனவும் தீர்மானம் ஒன்று நிறைவேற்றப்பட்டது.

மேலும், பாராளுமன்றத்தில் பெரும்பான்மையை பலத்தை பெற்றுக்கொள்ள வேண்டும் எனவும், அரசியல் பழிவாங்களுக்கு ஆளானோருக்கு நியாயம் பெற்றுக்கொடுக்கப்பட வேண்டும் என்றும் தீர்மானம் நிறைவேற்றப்பட்டது.

இந்த மாநாட்டில் கட்சியின் தலைவர் பிரதமர் ரணில் விக்ரமசிங்க, பிரதித் தலைவர் அமைச்சர் சஜித் பிரேமதாச, கட்சியின் தவிசாளர் அமைச்சர் கபீர் ஹாசிம், செயலாளர் அமைச்சர் அகில விராஜ் காரியவசம், உள்ளிட்ட ஜ.தே.க முக்கியஸ்தர்களும், பெருமளவில் ஆதரவாளர்களும் கலந்துகொண்டனர்.

 

எமதுபார்வை

தமிழகத்தின் தலைப்புச் செய்திகள்

கோடம்பாக்கம் கோனர்

பொதுத் தேர்தலுக்குப் பின்பு அமையவுள்ள புதிய அரசாங்கத்தில் அமைச்சுப் பதவிகள் எதனையும் பெறும் எண்ணம் தமிழ்த் தேசியக் கூட்டமைப்புக்கு இல்லை என்று கூட்டமைப்பின் தலைவர் இரா.சம்பந்தன் தெரிவித்துள்ளார். 

“தமிழ்த் தேசியக் கூட்டமைப்பு என்பது தமிழரின் அரசியல் ஒற்றுமையை பிரதிபலிக்கும் ஓர் அமைப்பு என்பதில் மாற்றுக் கருத்துக்கு இடமில்லை என்றே நான் கருதுகிறேன். அந்த ஒற்றுமை என்பது தமிழ்த் தேசியக் கூட்டமைப்புக்குள்ளும் இருக்கவேண்டுமென்று வாஞ்சிக்கிறேன்.” என்று தமிழ்த் தேசியக் கூட்டமைப்பின் யாழ். தேர்தல் மாவட்டத்தில் போட்டியிடும் வேட்பாளரான சசிகலா ரவிராஜ் தெரிவித்துள்ளார். 

சச்சின் பைலடை காங்கிரஸ் கட்சி ராஜஸ்தான் துணை முதல் மந்திரி, பிரதேச காங்கிரஸ் தலைவர் பொறுப்பில் இருந்து நீக்கியுள்ளது.

தமிழ்நாட்டில் கொரோனா பரவலைக்கட்டுப்படுத்த பொது போக்குவரத்துக்களுக்கு வருகிற 31ஆம் திகதி வரை தடை விதிக்கப்பட்டுள்ளது.

இத்தாலியின் லோம்பார்டியாவில் கொரோனா வைரஸ் தொற்றுத் தவிர்ப்புக்கான நடவடிக்கையில் இதுவரை கட்டாயமாக இருந்த முககவசப் பாவனை விலக்கப்படவுள்ளது.

கொரோனா நோய்த்தொற்றுக்கு எதிரான தடுப்பூசி ரஷ்யா அடுத்த மாதம் முதல் விரைவில் நோயாளிகளுக்கு வழங்கப்படவுள்ளதாக அறிவித்திருப்பதாக தெரிகிறது.