இலங்கை

“முன்னாள் ஜனாதிபதிகளின் பராமரிப்புக்காக அரசாங்கம் பெரும் தொகை நிதியை செலவிடுகிறது. நான் ஜனாதிபதியானால், இவ்வாறான செலவீனத்தைக் கட்டுப்படுத்துவேன்.” என்று தேசிய மக்கள் சக்தியின் ஜனாதிபதி வேட்பாளர் அநுரகுமார திசாநாயக்க தெரிவித்துள்ளார். 

தேசிய மக்கள் சக்தி ஏற்பாடு செய்த பொதுக்கூட்டம் ஒன்றில் உரையாற்றிய அவர்,பொது மக்களுக்கு வாழ்வதற்கு ஏற்ற சூழலை ஏற்படுத்திக் கொடுக்க வேண்டியது அரசியல்வாதிகளின் பொறுப்பு எனவும் குறிப்பிட்டுள்ளார்.

அநுரகுமார திசாநாயக்க மேலும் கூறியுள்ளதாவது, “தற்போதைய ஜனாதிபதி மற்றும் முன்னாள் ஜனாதிபதிகள் அவர்களது பாரியார்களினது பராமரிப்பு செலவுகளுக்காக பொது மக்களின் பணமே செலவிடப்படுகிறது. இதற்காக பாரிய தொகை வரவு செலவு திட்டத்தில் ஒதுக்கப்படுகின்றது.

பிரேமதாசவின் மனைவி,முன்னாள் ஜனாதிபதி சந்திரிகா குமாரதுங்க,மஹிந்த ராஜபக்ஷ போன்றோருக்காக பெருமளவு நிதி விரயமாக்கப்படுகிறது. முன்னாள் ஜனாதிபதிகளுக்கு வருமான வழிகள் இருக்கின்றன. அதற்கு மேலாக அவர்களை கவனிக்க அவர்களின் பிள்ளைகள் இரு க்கிறார்கள். இவ்வாறான நிலையில் முன்னாள் ஜனாதிபதிகளை பராமரிக்க பொது மக்களின் பணம் செலவிடப்படுவது அவசியமற்றது.

சிலவேளை அவர்களுக்கு வருமானம் பெறும் எந்த வழியும் இல்லாமல், அவர்கள் பிள்ளைகளால் கைவிடப்பட்டிருந்தால் மாத்திரம் அவர்களை கவனிக்க சமூக பாதுகாப்பு நிதியத்தின் ஊடாக குறிப்பிட்ட ஒரு தொகையை உதவுத்தொகையாக வழங்க முடியும். அதனை தவிர வேறு அனைத்து உதவுத் தொகைகளும் இரத்துச் செய்யப்பட வேண்டும். மேலிடத்தில் இருந்து தான் நாட்டை சீர்செய்வதற்கான முன்னெடுப்புகளை ஆரம்பிக்க வேண்டும்.” என்றுள்ளார்.

“தமிழ் மக்கள் ஒரு தேசத்துக்கான உரிமையைக் கொண்டவர்கள். அதனாலேயே, தம்மைத்தாமே ஆளும் உரிமைக் கோரி போராடுகிறார்கள்.” என்று தமிழ் மக்கள் தேசியக் கூட்டணியின் தலைவர் சி.வி.விக்னேஸ்வரன் தெரிவித்துள்ளார். 

கொழும்பு நகரிலும் அதன் புறநகர் பகுதிகளிலும் தற்காலிகமாக தங்கியுள்ளவர்களை அருகில் உள்ள பொலிஸ் நிலையத்தில் பதிவு செய்துகொள்ளுமாறு பொலிஸார் வேண்டுகோள் விடுத்துள்ளனர். 

கொரோனா வைரஸ் தொற்றின் கடும் தாக்குதலுக்கு உள்ளாகியுள்ள டெல்லி முழுவதையும் தனிமைப்படுத்தும் வகையில், அதன் அனைத்த எல்லைகளையும் மூடுவதற்கு உத்தரிவிட்டுள்ளார் டெல்லி முதல்வர் அர்விந் கெஜ்ரிவால். வைரசின் பரவலைக் கட்டுப்படுத்தவும், அவதானிக்கவும், வேண்டி இந்த முடிவு எடுக்கபட்டிருப்பதாக அவர் தெரிவித்துள்ளார்.

சென்ற வாரத்தில் பெரும் சர்ச்சையை ஏற்படுத்தியிருந்த " காட்மேன்" இணையத் தொடர் மீதாக மத்திய குற்றப்பிரிவு பொலிசார் வழக்குத் தொடுத்துள்ளதாகத் தெரிய வருகிறது.

கடந்த திங்கட்கிழமை அமெரிக்காவில் கருப்பின இளைஞரான ஜார்ஜ் ஃப்ளாய்ட் என்பவரை போலிசார் வேண்டுமேன்றே சித்திரவதை செய்து கொன்ற சம்பவம் தொடர்பான வீடியோ சமூக வலைத் தளத்தில் வெளியானதில் இருந்து இன்று வரை அங்கு கருப்பின, சிறுபான்மை இன மக்களால் முன்னெடுக்கப் பட்ட ஆர்ப்பாட்டம் கலவரமாக வெடித்துள்ளது.

சுமார் 9 ஆண்டுகளுக்குப் பின் அமெரிக்க மண்ணில் இருந்து வெற்றிகரமாக நாசா மற்றும் தனியார் விண்வெளி ஓட ராக்கெட்டு நிறுவனமான ஸ்பேஸ் எக்ஸ் ஆகியவை இணைந்து இரு அமெரிக்க விண்வெளி வீரர்களுடன் Crew Dragon என்ற ஓடத்தை பூமிக்கு மேலே விண்ணில் சுற்றி வரும் ISS என்ற சர்வதேச விண்வெளி ஆய்வு கூடத்துக்கு அனுப்பியுள்ளன.