இலங்கை

“எமது ஆட்சிக் காலத்தில் வடக்கு- கிழக்கு மற்றும் மலையகம் என்ற பேதமின்றி நாடளாவிய ரீதியிலுள்ள அனைத்து தமிழ் மக்களுக்கும் சிறப்பிடம் வழங்கப்பட்டுள்ளது. ஆனால், ராஜபக்ஷ ஆட்சிக் காலத்தில் தமிழ் மக்கள் பயங்கரவாதிகளாக சித்தரிக்கப்பட்டு ஒதுக்கப்பட்டார்கள்.” என்று பிரதமர் ரணில் விக்ரமசிங்க தெரிவித்துள்ளார். 

நுவரெலியாவில் நேற்று ஞாயிற்றுக்கிழமை இடம்பெற்ற பிரசாரக் கூட்டத்தில் கலந்துகொண்டு பேசும் போதே அவர் இவ்வாறு கூறியுள்ளார்.

ரணில் விக்ரமசிங்க மேலும் குறிப்பிட்டுள்ளதாவது, “ராஜபக்ஷ ஆட்சிக்காலத்தில் மலைய இளைஞர் யுவதிகளுக்கு வேலை வாய்ப்பளிக்கப்படவில்லை. பலர் காணாமலாக்கப்பட்டதோடு வெள்ளை வேனில் கடத்தப்பட்டனர். எமது ஆட்சிக் காலத்தில் இவை அனைத்தும் ஒழிக்கப்பட்டன. மலையக மக்களுக்கு 5000 காணி உறுதியளிக்கப்பட்டிருக்கிறது. பாடசாலைகள் அபிவிருத்தி செய்யப்பட்டுள்ளன. அவற்றில் 25 தேசிய பாடசாலைகள் நிர்மாணிக்கப்பட்டுள்ளன. இவ்வாறான அபிவிருத்திகள் தொடர வேண்டுமாயின் வறுமையிலிருக்கும் மக்களுடன் இணைந்து பயணிக்கக் கூடிய தலைவரான சஜித் பிரேமதசவை நீங்கள் ஜனாதிபதியாகத் தெரிவு செய்ய வேண்டும்.

நுவரரெலியாவில் நடைபெற்ற பொதுஜன பெரமுனவின் தேர்தல் பிரசாரக் கூட்டத்தில் கோட்டாபய ராஜபக்ஷ புறக்கணிக்கப்பட்டு மஹிந்த ராஜபக்ஷவுக்கே முக்கியத்துவமளிக்கப்பட்டது. இவ்வாறு கட்சி ஆதரவாளர்களே அவரை புறக்கணிக்கும் போது ஏனையோர் எவ்வாறு வாக்களிப்பார்கள்.” என்றுள்ளார்.

இலங்கைத் தொழிலாளர் காங்கிரசின் தலைவரும், அமைச்சருமான ஆறுமுகம் தொண்டமான் (வயது 56) சற்றுமுன்னர் (இன்று செவ்வாய்க்கிழமை) காலமானார். 

எதிர்வரும் பொதுத் தேர்தலின் பின்னர், ஐக்கிய தேசியக் கட்சியின் தலைமையகமான சிறிகொத்தாவை கைப்பற்றப்போவதாக சஜித் பிரேமதாச தலைமையிலான ஐக்கிய மக்கள் சக்தி அறிவித்துள்ளது. 

தமிழகத்தில் இன்று ஒரே நாளில் கொரோனா தொற்று பாதிக்கப்பட்டவர்களின் எண்ணிக்கை 646 ஆகவும், பலியானவர்களின் எண்ணிக்கை 127 ஆகவும் உயர்ந்துள்ளது. அதிகம் பாதிக்கப்பட்ட மாவட்டங்களில் சென்னை முதலிடம் பிடித்துள்ளது.

கொரோனா நோயாளிகளின் சிகிச்சைக்காக பயன்படுத்திவந்த ஹைட்ராக்ஸி குளோரோகுயின் மருந்தை தற்காலிகமாக நிறுத்திவைக்குமாறு உலக சுகாதார நிறுவனம் கேட்டுக்கொண்டுள்ளது.

Worldometers இணையத் தளத்தின் அதிகாரப்பூர்வ சமீபத்திய தகவல் படி உலகம் முழுதும் 213 நாடுகளில் பரவியிருக்கும் கோவிட்-19 என்ற கொரோனா வைரஸ் தொற்று தொடர்பான முக்கிய புள்ளி விபரம் கீழே :

இந்திய சீன எல்லையான லடாக்கில் மேலும் ஆயிரக் கணக்கான வீரர்களைக் குவித்தும், போர் விமானங்களைத் தரித்தும் வருவதால் சீனா இந்தியா இடையே போர்ப் பதற்றம் அதிகரித்துள்ளது.