இலங்கை

மத்திய வங்கி பிணை முறி மோசடி தொடர்பில் குற்றஞ்சாட்டப்பட்டு தற்போது சிங்கப்பூரில் இருக்கும் மத்திய வங்கியின் முன்னாள் ஆளுநர் அர்ஜுன் மகேந்திரனை இலங்கைக்கு அழைத்து வருவது தொடர்பான சட்டமா அதிபரின் அறிக்கை இன்று வியாழக்கிழமை அல்லது நாளை தமக்கு கிடைக்கும் என்று நீதியமைச்சர் அலி சப்ரி தெரிவித்துள்ளார். 

எதிர்க்கட்சியின் பிரதம கொரடா லக்ஷ்மன் கிரியெல்லவால் பாராளுமன்றில் எழுப்பிய கேள்விக்கு பதில் அளிக்கும் போதே நீதியமைச்சர் இவ்வாறு குறிப்பிட்டுள்ளார்.

அர்ஜுன் மகேந்திரனை இலங்கைக்கு அனுப்புமாறு சிங்கபூர் அரசாங்கத்திடம் கோரப்பட்டதாக தெரிவிக்கப்படுகிறது. இதுசம்பந்தமாக தகவல்கள் எவையும் இருக்கிறதா? என்று லக்ஸ்மன் கிரியல்ல கேள்வி எழுப்பினார்.

இதற்கு பதில் வழங்கிய நீதியமைச்சர் அலி சப்ரி, இந்த விடயம் தொடர்பாக சட்ட மாஅதிபரிடம் எழுத்துமூலம் அறிக்கை ஒன்றை கோரி விண்ணப்பித்திருப்பதாகவும், அது கிடைத்தவுடன் நாடாளுமன்றில் அந்த தகவலை வெளியிடுவதாகவும் தெரிவித்தார்.

இவற்றையும் பார்வையிடுங்கள்

தமிழ் மக்கள் சார்பாக, தமிழ்த் தேசியக் கட்சிகள் மற்றும் தமிழ் சிவில் அமைப்புக்களினால் ஐக்கிய நாடுகள் மனித உரிமைகள் பேரவைக்கு நான்கு அம்சக் கோரிக்கைகள் அடங்கிய மகஜர் நேற்றுமுன்தினம் (வெள்ளிக்கிழமை) அனுப்பி வைக்கப்பட்டுள்ளது. 

சுகாதார சேவைகள் பணிப்பாளர் நாயகத்தினால் வெளியிடப்பட்டுள்ள சுற்றறிக்கைக்கு அமைவாக மேல் மாகாணம் உள்ளிட்ட கொரோனா வைரஸ் தொற்று அபாய வலயங்களிலிருந்து வருகை தருவோரை சுயதனிமைப்படுத்தும் நடவடிக்கை நேற்று வெள்ளிக்கிழமை முதல் வடக்கு மாகாணத்தில் இடைநிறுத்தப்பட்டுள்ளது. 

இந்தியா முழுவதிலும், கொரோனா வைரஸ் தொற்றுக்கான தடுப்பூசிகள் போடும் திட்டம் ஆரம்பமாகியது. நாடு முழுவதும் ஆரம்பமாகியுள்ள இந்தப் பணியில், கோவேக்சின், கோவிஷீல்டு ஆகிய இரு தடுப்பூசிகள் செலுத்தப்படுவதாக அறிய வருகிறது.

இந்தியாவில் கோவிட்-19 தொற்று நோயிற்கு எதிராக தயாரிக்கப்பட்ட தடுப்பூசிகள் நாட்டின் அனைத்து பகுதிகளுக்கும் அனுப்பட்டு வருகின்றன.

இந்தோனேசிய விமானம் கடந்த வாரம் விபத்தில் சிக்கியது, சுலவேசி தீவினைத் தாக்கிய மோசமான நிலநடுக்கம், எரிமலை வெடிப்பு என அடுத்தடுத்த சம்பவங்களால் அங்கு மக்கள் நிலை குலைந்துள்ளனர்.

சில தினங்களுக்கு முன்பு ஆப்கானிஸ்தானின் ஹெரட் மாகாண இராணுவ முகாம் ஒன்றில் தங்கியிருந்த இராணுவ வீரர்களில் இருவர் தமது சக வீரர்கள் மீது துப்பாக்கிச் சூடு நடத்தியதில் 12 வீரர்கள் பலியாகினர்.