இலங்கை

“இந்தியாவுக்கும் இலங்கைக்கும் இடையில் சிறந்த நட்புறவு காணப்படுகின்றது. பொருளாதாரம், கலாசார ரீதியாக எமக்கு மிகவும் நெருக்கமான நாடு இந்தியா. அப்படியான நிலையில், ஐக்கிய நாடுகள் மனித உரிமைகள் பேரவையில் இந்தியா எம்மை கைவிடாது.” என்று கல்வி அமைச்சர் ஜீ.எல்.பீரிஸ் தெரிவித்துள்ளார். 

கொழும்பிலுள்ள ஸ்ரீலங்கா பொதுஜன பெரமுன கட்சியின் தலைமையகத்தில் நேற்று திங்கட்கிழமை நடைபெற்ற ஊடகவியலாளர் சந்திப்பில் எழுப்பப்பட்ட கேள்விக்குப் பதிலளித்த போதே, அவர் மேற்கண்டவாறு கூறியுள்ளார்.

ஜீ.எல்.பீரிஸ் மேலும் குறிப்பிட்டுள்ளதாவது, “கிழக்கு முனைய விவகாரம் இதில் பாதிப்பை ஏற்படுத்தாது என்பதுடன், மேற்கு முனையம் குறித்து நாம் இந்தியாவுடன் கலந்துரையாடி வருகின்றோம். எனவே, மனித உரிமைகள் பேரவை அமர்வில், எமது நாட்டுக்குப் பாதிப்பை ஏற்படுத்தும் விதத்தில், இந்தியா செயற்படாதென நம்பிக்கை வெளியிட்டார்.

இதுவரையிலும் நாம், முன்னெடுத்த செயற்பாடுகள், எங்களுடைய நிலைப்பாடு தொடர்பில், மனித உரிமைகள் பேரவைக்குத் தெட்டத்தெளிவாக முன்வைப்போம். எதிர்கால செயற்பாடுகளையும் எமது அரசியலமைப்புக்கு கீழ் தான் முன்வைப்போம் என்பதையும் அறிவிப்போமெனத் தெரிவித்த அவர், மனித உரிமைகள் பேரவையானது, தனது விடயதானத்துக்குள் மாத்திரம் செயற்பட வேண்டும். நாடொன்றின் உள்ளக விடயங்களில் தலையிட சட்டரீதியாகவோ ஒழுக்க ரீதியாவோ செயற்படுவதற்கு அந்தப் பேரவைக்கு எவ்வித உரிமையும் இல்லை.

நாட்டொன்றை இலக்கு வைத்துக் கொண்டுவரப்படும் யோசனையை, நாம் முழுமையாக எதிர்ப்போம். அவ்வாறான யோசனை, இலங்கைக்கு எதிராக இன்று கொண்டு வரப்படுகின்றதெனில், இன்னொரு நாட்டுக்கு எதிராக, நாளை கொண்டுவரப்படலாம். எனவே, சகல நாடுகள் தொடர்பிலும் ஒரே கொள்கையைப் பின்பற்ற வேண்டும்.

பேரவையில் முன்னெடுக்கப்படும் விடயங்கள், நாட்டுக்கு நன்மை பயப்பதாய் அமையவேண்டும். வெளிநாடுகளில் செயற்படும், புலம்பெயர்ந்தவர்களின் பல்வேறு அரசியல் அழுத்தங்கள் காரணமாகவே, இவ்வாறான யோசனைகள் எமது நாட்டுக்கு எதிராகக் கொண்டுவரப்படுவதை நாம் நிராகரிக்கின்றோம். இவ்வாறான செயற்பாடுகள், ஐக்கிய நாடுகள் சபையின் கொள்கை, நோக்கங்களுக்குச் சிறிதளவும் பொருந்தாத விடயங்கள் என்பதைச் சுட்டிக்காட்டியே, எமது நிலைப்பாடை அங்கு முன்வைத்துள்ளோம்.” என்றுள்ளார்.

மின்னஞ்சலில் பதிவுகள் பெறுவதற்கு :

இவற்றையும் பார்வையிடுங்கள்

இலங்கை சட்டத்தரணிகள் சங்கத்தின் 26ஆவது தலைவராக ஜனாதிபதி சட்டத்தரணி சாலிய பீரிஸ் தெரிவு செய்யப்பட்டுள்ளார். 

“இலங்கை தொடர்பில் சர்வதேச அளவில் பல்வேறுபட்ட பொறுப்புக்கூறலை முன்னெடுப்பதற்கான புதிய வழிவகைகள் குறித்து ஆராயுமாறு ஐக்கிய நாடுகள் மனித உரிமைகள் பேரவைக்கு அழைப்பு விடுக்கின்றேன்” என்று ஐக்கிய நாடுகள் மனித உரிமைகள் ஆணையாளர் மிச்செலே பச்செலெட் தெரிவித்துள்ளார். 

தமிழகத்தில் கொரோனா நோய்த் தொற்று காரணமாக கடந்த ஆண்டு மார்ச் மாதம் 3வது வாரம் முதல் பள்ளிகள் மூடப்பட்டு, நேரடி வகுப்புகளாக இல்லாமல், இணையவழிக் கல்வி மூலம் வகுப்புகள் நடத்தப்பட்டன.

இந்தியாவுக்கும் சீனாவுக்கும் இடையிலான எல்லை என்பது, உண்மையான கட்டுப்பாட்டு கோடு அல்லது எல்.ஓ.சி என்று அழைக்கப்படுகிறது, அதாவது இவ்விரு நாடுகளுக்கும் இடையே நடந்த 1962 போருக்குப் பிறகு ஏற்பட்ட ஒப்பந்தத்தின் அடிப்படையில் இவ்விருநாடுகளும் அமைத்துக்கொண்ட எல்லைக் கட்டுப்பாட்டு கோடு அது.

ஐ.நா சபைக்கான அமெரிக்கத் தூதராக மூத்த தூதரக அதிகாரியும், கருப்பினத்தைச் சேர்ந்தவருமான 68 வயதாகும் லிண்டா தோமஸ் கிரீன்பீல்டு என்பவரை அமெரிக்க அதிபர் ஜோ பைடென் நியமித்துள்ளார்.

கடந்த சில தசாப்தங்களில் இல்லாதவாறு இஸ்ரேல் அரசானது ஒரு பாரிய இரகசிய அணுவாயுத செயற்திட்டத்தை முன்னெடுத்து வருவதாக AP ஊடகம் செய்மதிப் புகைப் படங்களது ஆதாரத்தை சுட்டிக் காட்டி செய்தி வெளியிட்டுள்ளது.