இலங்கை

பாரிய ஊழல், மோசடிகள் தொடர்பிலான விசாரணைகளிலிருந்தும், தண்டனைகளிலிருந்தும் தப்புவதற்காகவே மீண்டும் ஆட்சிபீடமேறுவதற்கு மஹிந்த அணி துடிக்கின்றது என்று ஜனாதிபதி மைத்திரிபால சிறிசேன தெரிவித்துள்ளார். 

“முன்னாள் ஜனாதிபதி மஹிந்த ராஜபக்ஷ அவரது ஆட்சிக் காலத்தில் நிகழ்த்திய பாவங்களினால் நாடு பெரும் கடனாளியாக மாறியது. இந்த நாட்டை முழுமையாக மீட்டெடுத்து பாதுகாப்பான எதிர்காலத்தை அமைத்துக் கொடுப்பதே எமது எதிர்பார்ப்பாகும்” என்று பிரதமர் ரணில் விக்ரமசிங்க தெரிவித்துள்ளார். 

பயணிகள் மற்றும் சாரதிகளின் பாதுகாப்புக்கான அம்சமாக காணப்படும் ஆசனபட்டி மற்றும் பாதுகாப்பு பலூன் இன்றிய வாகனங்களை இறக்குமதி செய்வது தடை செய்யப்பட்டுள்ளதாக நிதியமைச்சு அறிவித்துள்ளது. 

“தமிழ் மக்களுக்கு அரசியல் தீர்வொன்றை வழங்குவதற்கு நாம் பல வழிகளிலும் முயற்சித்த போதும், அதற்கு தமிழ்த் தேசியக் கூட்டமைப்பு தடையாக இருந்தது.” என்று முன்னாள் ஜனாதிபதி மஹிந்த ராஜபக்ஷ குற்றஞ்சாட்டியுள்ளார். 

“வடக்கு- கிழக்கு மாகாணங்கள் தமிழருக்கான மாகாணமாக நாங்கள் கோரவில்லை. தமிழ்மொழி வழி மாநிலமாகவே நாங்கள் கேட்கின்றோம்.” என்று தமிழ்த் தேசியக் கூட்டமைப்பின் வடக்கு மாகாண சபை உறுப்பினரான எம்.கே.சிவாஜிலிங்கம் தெரிவித்துள்ளார். 

ஊழல் மோசடிகளுக்கு எதிராக மக்கள் நேய பயணமொன்றை ஆரம்பிப்பதற்கு மக்களுடன் வீதியில் இறங்கவும் தான் தயாராக இருப்பதாக ஜனாதிபதி மைத்திரிபால சிறிசேன தெரிவித்துள்ளார்.