உலகம்

அண்மையில் அமெரிக்காவுக்குப் போட்டியாக வர்த்தகப் போரில் ஈடுபட்ட சீனா தற்போது அதில் இருந்து பின் வாங்குவதாகவும் அமெரிக்கப் பொருட்கள் மீது விதிக்கப் பட்ட இறக்குமதி வரியை ரத்து செய்வதாகவும் அறிவித்துள்ளது.

சமீபத்தில் சீனாவில் இருந்து அமெரிக்காவுக்கு இறக்குமதி ஆகும் பொருட்களுக்கு அதிகமான தீர்வை வரியை அமெரிக்க அதிபர் டிரம்ப் விதித்தார்.

இதற்குப் பதிலடியாக சீனாவும் அமெரிக்காவில் இருந்து சீனாவுக்கு இறக்குமதி ஆகும் பொருட்களுக்கு 28% வீதத்துக்கு வரியை உயர்த்தி இருந்தது. இதை அடுத்து சர்வதேச சந்தையில் அமெரிக்காவுக்கும் சீனாவுக்கும் இடையே மறைமுக வர்த்தகப் போர் உருவானது. எனினும் இரு நாட்களுக்கு முன்பு சீன உயர் அதிகாரிகள் அமெரிக்க அதிபர் டிரம்பை நேரடியாகச் சந்தித்துப் பேசி இருந்தனர். இதன் பயனாக அமெரிக்காவுக்குப் போட்டியாக அதிகரித்த தீர்வை வரியை சீனா ரத்து செய்வதாக சீனத் துணைப் பிரதமர் லியூ கி தெரிவித்துள்ளார்.

மறுபுறம் சமீபத்தில் சர்ச்சைக்குரிய தென் சீனக் கடற் பரப்பில் உள்ள தீவொன்றில் தனது குண்டு வீச்சு விமானத்தை சீனா முதன் முறையாகத் தரையிறக்கியுள்ளது. ஏற்கனவே தென் சீனக் கடற் பரப்பில் சீனாவின் 3 நிலைகளில் கப்பல்களைத் தாக்கி அழிக்கக் கூடிய குரூஸ் ரக ஏவுகணைகள், தரையில் இருந்து தரையில் உள்ள இலக்கைத் தாக்கக் கூடிய ஏவுகணைகள் அதற்குத் தேவையான தளவாடங்களைக் குவித்து வந்தது. இந்நிலையில் தற்போது தனது குண்டு வீச்சி விமானத்தையும் சீனா அங்கு தரையிறக்கியதற்கு அமெரிக்கா கண்டனம் தெரிவித்துள்ளது.

தென் சீனக் கடலில் சர்ச்சைக்குரிய தீவுகளை சீனா, வியட்நாம், பிலிப்பைன்ஸ், மலேசியா, புரூனே மற்றும் தைவான் ஆகிய நாடுகள் சொந்தம் கொண்டாடி வருவது குறிப்பிடத்தக்கது.

இவற்றையும் பார்வையிடுங்கள்

நாடு முழுவதும் கொரோனா வைரஸ் தொற்று பிரதேசமாக பெயரிடப்பட்டுள்ள நிலையில் நாட்டில் அனைத்து மக்களும் சுகாதார வழிமுறைகளை பின்பற்றுவது கண்டிப்பானதாகும் என பொலிஸ் ஊடகப் பேச்சாளர் அஜித் ரோஹண தெரிவித்துள்ளார். 

வங்கக் கடலில் நிலைகொண்டிருக்கும் காற்றழுத்த தாழ்வு மண்டலம் ஆழ்ந்த காற்றழுத்த தாழ்வு மண்டலமாக மாறியுள்ளதுடன், அடுத்த 12 மணி நேரத்தில் கடும் புயலாக மாறும் வாய்ப்புள்ளதாக வானிலை அவதான நிலையம் தெரிவிக்கிறது. 

இந்திய வானிலை மையம் அறிவித்துள்ள அறிக்கையின் படி வங்கக்கடலில் நிலைகொண்டிருந்த காற்றழுத்த தாழ்வு மண்டலம் ஆழ்ந்த காற்றழுத்த தாழ்வு மண்டலமாகியுள்ளது.

நிறைவேற்றப்பட்ட வேளாண் சட்டங்களை எதிர்த்து ஒரு தரப்பு விவசாயிகள் 5வது நாளாக இந்தியாவின் டெல்லி நோக்கிய எதிர்ப்பு பேரணியில் ஈடுபட்டு வருகின்றனர்.

ஐரோப்பிய நாடுகளின் தற்போதைய பெரும் கவலை, நத்தார் புதுவருடக் கொண்டாட்டங்களை எவ்வாறு கோவிட் - 19 வைரஸ் தொற்றுப் பாதுகாப்புக்களுடன் கொண்டாட மக்களை ஒருங்கமைப்பது என்பதாகும்.

ரஷ்யா தனது S-300V4 ரக நவீன ஏவுகணைப் பாதுகாப்பு பொறிமுறையை ஜப்பானின் சர்ச்சைக்குரிய தீவுகளின் தொகுதி அருகே நிலை நிறுத்தியிருப்பதாக செவ்வாய்க்கிழமை அறிவித்துள்ளது.