உலகம்

நிலவில் கால் பதித்து நடமாடிய 4 ஆவது விண்வெளி வீரரான ஆலன் பீன் சனிக்கிழமை அமெரிக்காவின் ஹௌஸ்டனில் காலமாகி உள்ளார்.

இது குறித்து நாசா சனிக்கிழமை வெளியிட்ட அறிக்கையில் பீன் ஒரு ஓய்வு பெற்ற அமெரிக்கக் கடற்படை கேப்டன் என்றும் அவர் ஒரு உத்தியோகபூர்வ கலைஞர் என்றும் இரு கிழமைகளுக்கு முன்பு இந்தியானாவுக்குச் சென்றிருந்த போது சுகயீனமுற்று சனிக்கிழமை உயிர் நீத்துள்ளார் என்றும் கூறப்பட்டுள்ளது.

ஆலன் பீன் மரணமடையும் போது அவரின் வயது 86 ஆகும். அமெரிக்காவின் நாசா விண்வெளி ஆய்வு மையம் 1969 முதல் 1972 வரை கிட்டத்தட்ட 12 தடவை மனிதர்களை சந்திரனுக்கு அனுப்பி வெற்றிகரமாக ஆய்வுப் பணிகளை மேற்கொண்டிருந்தது. அதன் பின் இன்று வரை சந்திரனின் தரையில் இறங்கி ஆய்வுப் பணியைச் செய்யும் நோக்கில் நாசா மனிதர்களை அனுப்பவில்லை என்பது குறிப்பிடத்தக்கது.

1969 நவம்பரில் அப்போலோ 12 விண்கலத்தில் நிலாவுக்கான 2 ஆவது பயணத்தில் இணைந்த ஆலன் பீனும் கமாண்டர் சார்லெஸ் பீட் ஆகிய இருவரும் சந்திரனில் கால் பதித்த 3 ஆவது மற்றும் 4 ஆவது மனிதர்கள் ஆவர். இதன்போது ஆலன் பீன் கிட்டத்தட்ட 31 மணித்தியாலம் நிலாவில் நடமாடினார். இந்த நிலவுக்கான பயணம் தவிர்த்து நாசாவின் விண்வெளி ஆய்வு மையமான ஸ்கைலாப் இன் பயணத்திலும் இவர் இடம்பெற்றவர் என்பது குறிப்பிடத்தக்கது.

புதிய அரசியலமைப்பை உருவாக்குவதற்கான ஆணையை எதிர்வரும் பொதுத் தேர்தலில் நாட்டு மக்கள் வழங்க வேண்டும் என்று ஸ்ரீலங்கா பொதுஜன பெரமுனவின் தேசிய அமைப்பாளர் பசில் ராஜபக்ஷ வேண்டுகோள் விடுத்துள்ளார். 

“நீண்டகால கலாச்சராத்தையும் பாரம்பரியத்தினையும் பின்பற்றி வருகின்ற தமிழ் மக்களுடைய உரிமைகள் எவராலும் இலகுவாக நிராகரிக்கப்பட முடியாத ஒன்றாகும். இதனை மிகவும் உறுதியாக வலியுறுத்த விரும்புகின்றோம்.” என்று தமிழ்த் தேசியக் கூட்டமைப்பின் தலைவர் இரா.சம்பந்தன் தெரிவித்துள்ளார். 

இந்தியாவில் பெரும் பரபரப்பை ஏற்படுத்திய சாத்தான்குளம் போலீசார் விசாரணையில் உயிரிழந்த தந்தை-மகன் சம்பவத்தையடுத்து தமிழ்நாட்டில் பிரெண்ட்ஸ் ஆஃப் போலீஸ் அமைப்பினருக்கு அரசு தடை விதித்துள்ளது.

கொரோனா நோய்த்தொற்று இந்தியாவில் அசுர வேகத்தில் பரவி வருவதால் இத் தொற்றால் மொத்தம் பாதித்தவர்களின் எண்ணிக்கை 7 லட்சம் 42 ஆயிரத்தை கடந்துள்ளது. எனினும் மும்பை நகரத்தின் தாராவியில் கொரோனா தொற்று கட்டுப்படுத்தப்பட்டுள்ளதாக தெரிவிக்கப்பட்டுள்ளது.

அமெரிக்க அரசின் புதிய விசா முடக்கம் தொடர்பான உத்தரவால் அங்கு கல்வி பயிலும் வெளிநாட்டு மாணவர்கள் பெரும் பாதிப்படைந்துள்ளதுடன் இப்புதிய உத்தரவுக்கு எதிர்ப்புக்களும் எழுந்துள்ளன.

ஆஸ்திரேலியாவின் இரண்டாவது பெரிய நகரத்தில் புதிய கொரோனா நோய்த் தொற்று அதிகரிப்பு காரணமாக இரண்டாம் கட்ட லாக்டவுனை தொடங்கியுள்ளது.