உலகம்

எதிர்வரும் புனித ரம்ஜான் பண்டிகையை முன்னிட்டு தலிபான்களுடன் ஒரு வாரம் போர் நிறுத்தம் மேற்கொள்ளப் படும் என ஆப்கானிஸ்தான் அரசு தெரிவித்துள்ளது.

ஆனால் ISIS போன்ற தீவிரவாத அமைப்புக்களுடனான போர் தொடரும் என்றும் கூறப்பட்டுள்ளது. இது குறித்து ஆப்கான் அதிபர் அஷ்ரஃப் கனி டுவிட்டரில் வெளியிட்ட தகவலில் ஜூன் 12 முதல் 19 ஆம் திகதி வரை தலிபான்களுடன் போர் நிறுத்தம் அமுலில் இருக்கும் என்றுள்ளார்.

ஆனால் இந்தப் போர் நிறுத்த அறிவிப்பை ஏற்றுக் கொண்டதாகவோ அல்லது மறுப்புத் தெரிவித்தோ தலிபான்கள் தரப்பில் இதுவரை எந்தவொரு தகவலும் வெளியாகவில்லை. எனினும் இது தொடர்பில் உயர் மட்டத் தலைவர்களுடன் பேசி வருவதாக தலிபான்களின் செய்தித் தொடர்பாளர் அறிவித்துள்ளார்.

மறுபுறம் கடந்த 20 வருடங்களாக வெள்ளை மாளிகையில் இருந்து வந்த இப்தார் விருந்து கொடுக்கும் பழக்கத்தை கடந்த வருடம் அதிபர் டிரம்ப் நிறுத்தியிருந்தார். ஆனால் திடீர் மனமாற்றம் காரணமாக வெள்ளை மாளிகையில் இவ்வருடம் இப்தார் விருந்தை முஸ்லிம் சமூகத்தினருடன் பகிர்ந்து கொள்ள டொனால்ட் டிரம்ப் விருப்பம் தெரிவித்துள்ளார். கிட்டத்தட்ட 30 அல்லது 40 விருந்தாளிகளுக்கு அழைப்பு விடுக்கப் பட்ட இந்த விருந்தினை பெரும்பாலான முஸ்லிம் சமூகத்தினர் புறக்கணித்துள்ளதாகத் தகவல் வெளியாகி உள்ளதும் குறிப்பிடத்தக்கது.

 

எமதுபார்வை

தமிழகத்தின் தலைப்புச் செய்திகள்

கோடம்பாக்கம் கோனர்

இலங்கைக் கிரிக்கெட் அணியின் துடுப்பாட்ட வீரர் குசல் மென்டிஸ் சற்று முன்னர் (இன்று ஞாயிற்றுக்கிழமை) கைது செய்யப்பட்டுள்ளார். 

எதிர்வரும் பொதுத் தேர்தலின் பின்னர் கட்சி சார் பதவிகளில் இருந்து விலகுவதாக சுதந்திரக் கட்சியின் தலைவரும் முன்னாள் ஜனாதிபதியுமான மைத்திரிபால சிறிசேன தெரிவித்துள்ளார். 

இன்று தளர்வுகள் இல்லாத முழுமையான ஊரடங்கு தமிழகத்தில் கடைப்பிடிக்கப்பட்டுள்ளது.

இந்தியாவின் வேகமெடுத்திருக்கும் கொரோனா நோய்த்தொற்றால் கடந்த 24 மணி நேரத்தில் 22,772பேர் பாதிப்படைந்திருப்பதாக தெரிவிக்கப்படுகிறது.

கொரோனா வைரஸ் தொற்று உறுதிப் படுத்தப் பட்ட பாகிஸ்தான் வெளியுறவுத் துறை அமைச்சர் ஷாஹ் மஹ்மூட் குரேஷி ராவல்பிண்டியில் இருக்கும் இராணுவ வைத்திய சாலையில் அனுமதிக்கப் பட்டுள்ளதாகத் தெரிய வருகின்றது.

அண்மைக் காலமாக இந்தியா, தைவான், ஹாங்கொங் மற்றும் திபேத் ஆகிய நாடுகளுடன் மோதல் போக்கை கடைப்பிடிக்கும் சீனாவுக்கு மறைமுகமாக எச்சரிக்கை விடுக்கும் வகையில், தென்சீனக் கடற்பரப்பில் 2 போர்க் கப்பல்களை அனுப்பி போர்ப் பயிற்சியை ஆரம்பித்துள்ளது அமெரிக்கா.