உலகம்

செவ்வாய்க்கிழமை ஜூன் 12 ஆம் திகதி உலகமே எதிர்பார்க்கும் அமெரிக்க வடகொரிய அதிபர்களின் சந்திப்பு நடைபெறவுள்ள நிலையில் இன்று திங்கள் பின்னிரவு சிங்கப்பூர் நகரின் முக்கிய சில பகுதிகளை வடகொரிய அதிபர் கிம் சுற்றிப் பார்த்தார்.

மேலும் சிங்கப்பூர் வெளியுறவு அமைச்சர் விவியன் பாலகிருஷ்ணன் மற்றும் சிங்கப்பூர் கல்வி அமைச்சர் ஒங் யே குங் ஆகியோருடன் செல்ஃபீ புகைப் படமும் எடுத்துக் கொண்டார்.

இந்த செல்ஃபீ இனை பாலகிருஷ்ணன் தனது டுவீட்டரில் வெளியிட்டுள்ளார். சிங்கப்பூரில் கூரைக்கு மேல் முழுநகரமும் தெரியும் விதத்தில் அமைக்கப் பட்ட நீச்சல் குளம் அடங்கிய மரீனா பே சாண்ட்ஸ் ரிசோர்ட் என்ற விடுதிக்கு கிம் விஜயம் செய்தார். இதன் போது கிம் ஜொங் உன் இனை நேரில் பார்த்த 100 நிருபர்கள் மற்றும் பொது மக்கள் ஆரவாரம் செய்ததுடன் தமது மாபைல் போன்களில் புகைப் படமும் எடுத்துக் கொண்டனர். இதன் பின் சிங்கப்பூர் வர்த்தகத்தின் மையத்தில் உள்ள துறைமுகப் பகுதியினூடாக கிம் நடந்து சென்றார். இதன் போது தான் செல்ஃபீயும் எடுத்துக் கொண்டார்.

தனது சகோதரி கிம் யோ ஜொங் மற்றும் வெளியுறவு அமைச்சர் ரீ யொங் ஹோ ஆகியோருடன் சிங்கப்பூர் சந்திப்புக்காக முதல் நாளே வந்திருந்த அதிபர் கிம் தற்போது செண்ட் ரெஜிஸ் ஹோட்டலில் தங்கியிருப்பது குறிப்பிடத்தக்கது. வடகொரியாவில் இருந்து கிட்டத்தட்ட 5000 கிலோமீட்டர் தெற்கே அமைந்துள்ள சிங்கப்பூர் நாடு 5.5 மில்லியன் பொது மக்களைக் கொண்டுள்ளதுடன் அமெரிக்கா, வடகொரியா மற்றும் சீனாவுடன் பாரபட்சமற்ற உறுதியான உறவைப் பேணி வருகின்றது. இதனால் தான் அமெரிக்க அதிபர் டிரம்ப் மற்றும் வடகொரிய அதிபர் கிம் இடையேயான பேச்சுவார்த்தைக்கு இந்நாடு தேர்ந்தெடுக்கப் பட்டது என்பது குறிப்பிடத்தக்கது.

இதேவேளை இந்த இரு நாட்டுத் தலைவர்களுக்கிடையேயான சந்திப்பு நேர்மறை விளைவுகளை ஏற்படுத்தி அதனால் உலகில் அமைதி ஏற்படப் பிரார்த்தனை செய்வதாக போப் பிரான்சிஸ் ஊடகங்களுக்குத் தெரிவித்துள்ளார்.

 

எமதுபார்வை

தமிழகத்தின் தலைப்புச் செய்திகள்

கோடம்பாக்கம் கோனர்

“இந்திய – இலங்கை ஒப்பந்தத்தின் பிரகாரம் இலங்கை அரசியலமைப்பில் கொண்டு வரப்பட்ட 13வது திருத்தச் சட்டத்தை இல்லாமல் செய்வதற்கு இந்தியா அனுமதிக்காது.” என்று புளொட் அமைப்பின் தலைவர் தர்மலிங்கம் சித்தார்த்தன் தெரிவித்துள்ளார். 

“மதகுருமாரையும், அடிப்படைவாதிகளையும், தீவிரவாதிகளையும் இணைத்துக் கொண்டு அரசியலமைப்பினைத் தயாரித்த நாடுகளுக்கு நேர்ந்த கதியை நாம் மறந்து செயற்படக் கூடாது.” என்று முன்னாள் நிதியமைச்சர் மங்கள சமரவீர எச்சரிக்கை விடுத்துள்ளார். 

இந்திய மத்திய மந்திரிசபை நவம்பர் மாதம் வரை ஏழைமக்களுக்கு இலவச அரிசி மற்றும் பருப்பு வழங்க ஒப்புதல் வழங்கியுள்ளது.

இந்தியாவில் பெரும் பரபரப்பை ஏற்படுத்திய சாத்தான்குளம் போலீசார் விசாரணையில் உயிரிழந்த தந்தை-மகன் சம்பவத்தையடுத்து தமிழ்நாட்டில் பிரெண்ட்ஸ் ஆஃப் போலீஸ் அமைப்பினருக்கு அரசு தடை விதித்துள்ளது.

கொரோனா வைரஸ் தொற்று நோய்களின் அதிக ஆபத்து இருப்பதாக அறிவிக்கப்பட்ட 13 நாடுகளுக்கு இத்தாலி தனது எல்லைகளை மூடுவதாக அறிவித்துள்ளது.

கொரோனா வைரசின் கடும் பாதிப்புக்குள்ளான நாடுகளில் ஒன்றான இத்தாலியில், தலையொட்டிப்பிறந்த இரட்டையர்களை அறுவை சிகிச்சை மூலம் வெற்றிகரமாகப் பிரித்து, மருத்துவ உலகில் மகத்தான சாதனை புரிந்துள்ளார்கள் இத்தாலிய மருத்துவர்கள்.