உலகம்

பாகிஸ்தானின் ஸ்வாட் பள்ளத்தாக்கில் 2012 ஆம் ஆண்டு மலாலா யூசுஃப் சாய் இனைத் தலையில் சுட்டவனும் பல்வேறு குற்றச் செயல்களில் தொடர்புடையவனுமான பாகிஸ்தான் தலிபான் அமைப்பின் தலைவன் என்று கருதப் படும் ஃபஸ்லுல்லா என்பவன் அமெரிக்க டிரோன் விமானத் தாக்குதலில் கொல்லப் பட்டு விட்டதாக வாய்ஸ் ஆஃப் அமெரிக்கா ஊடகத்துக்கு அமெரிக்க இராணுவ அதிகாரி ஒருவர் தெரிவித்துள்ளார்.

ஆனால் ஏற்கனவே 2010 ஆம் ஆண்டு முதல் 4 தடவைகள் இந்நபர் கொல்லப் பட்டு விட்டதாக செய்திகள் வெளியாகி இருந்த போதும் அவை நம்பகத் தன்மை அற்றுப் போயிருந்தது குறிப்பிடத்தக்கது. ஸ்வாட் பள்ளத்தாக்கில் ரகசியமாக ஒரு வானொலி சேவையை இவன் நடத்தி வந்ததால் முல்லா ரேடியோ என்றும் இவர் அடையாளம் காணப் படுகின்றார். ஜூன் 13 ஆம் திகதி முதல் ஆப்கான் பாகிஸ்தான் எல்லையிலுள்ள குனார் மாகாணத்தில் அமெரிக்கப் படைகள் தீவிரவாத எதிர்ப்பு வான் தாக்குதலை மேற்கொண்டனர். இதன் போதே ஃபஸ்லுல்லா கொல்லப் பட்டதாக அறிவிக்கப் பட்டுள்ளது.

2014 ஆம் ஆண்டு பெஷவாரில் பாகிஸ்தான் இராணுவப் பள்ளி மீது தலிபான் தீவிரவாதிகள் தொடுத்த தாக்குதலில் 130 சிறுவர்கள் உட்பட 151 பேர் கொல்லப் பட்ட மோசமான தீவிரவாதத் தாக்குதலை ஃபஸ்லுல்லா வழிநடத்தி இருக்கலாம் என்றும் கருதப் படுகின்றது.

இவற்றையும் பார்வையிடுங்கள்

கொரோனா வைரஸ் தொற்று காரணமாக வீடுகளில் நிகழும் உயிரிழப்புக்களைத் தடுப்பதற்கு உடனடி நடவடிக்கை எடுக்குமாறு ஜனாதிபதி கோட்டாபய ராஜபக்ஷ உத்தரவிட்டுள்ளதாக இராணுவ தளபதி சவேந்திர சில்வா தெரிவித்துள்ளார். 

மஹர சிறைச்சாலையில் நேற்று ஞாயிற்றுக்கிழமை இடம்பெற்ற வன்முறையை அடுத்து தமது வைத்தியசாலைக்கு 6 சடலங்கள் எடுத்து வரப்பட்டதாக ராகம வைத்தியசாலை நிர்வாகம் அறிவித்துள்ளது. 

கொரோனா பாதிப்பு காரணமாக தமிழகத்தில் அமுலில் இருந்துவரும் ஊடரங்கில் ஒவ்வொரு மாத முடிவிலும் சில தளர்வுகளை அரசு அறிவித்துவருகிறது.

மீண்டும் வங்கடலில் உருவாகியுள்ள காற்றழுத்த தாழ்வுபகுதியால் தென் தமிழகத்தில் கனமழை பெய்ய வாய்ப்பு உள்ளதாக தெரிவிக்கப்பட்டுள்ளது.

இத்தாலியின் சுகாதார அதிகாரிகள் கடந்த வெள்ளிக்கிழமை வழங்கிய சோதனை தரவுகளின் படி, கடந்த 14 நாட்களில் நாடு முழுவதும் , கோவிட் -19 வைரஸ் தொற்று வீதம் குறைந்திருப்பதனால், மூன்று சிவப்பு மண்டலங்கள் மற்றும் இரண்டு ஆரஞ்சு மண்டலங்களில் இந்த வார இறுதியில் அதாவது இன்று ஞாயிறு முதல் பாதுகாப்பு விதிகள் தளர்த்தப்படும்.

சுவிற்சர்லாந்தில் முதல் கொரோனா வைரஸ் தடுப்பூசிகள் அடுத்து வரும் இரண்டு மாதங்களுக்குள் வெளியிடப்படும் என்று சுவிஸ் சுகாதார அமைச்சர் அலைன் பெர்செட் தெரிவித்துள்ளார். சென்ற வியாழக்கிழமை இடம்பெற்ற செய்தியாளர் சந்திப்பொன்றில், பெர்செட் இதனைத் தெரிவித்துள்ளார்.