உலகம்

வடகொரிய அதிபர் கிம் ஜொங் உன் எந்தவொரு அவசர தேவை கருதியும் தன்னை நள்ளிரவிலும் கூட தொலைபேசி மூலம் தொடர்பு கொள்ள முடியும் என அமெரிக்க அதிபர் டொனால்ட் டிரம்ப் கருத்துத் தெரிவித்துள்ளார்.

அண்மையில் சிங்கப்பூரில் நடந்து முடிந்த சந்திப்பின் போது இந்த பிரத்தியேக ஹாட்லைன் இலக்கத்தை கிம் இற்கு அளித்ததாக அதிபர் டொனால்ட் டிரம்ப் கூறியுள்ளார்.

ஜூன் 12 ஆம் திகதி உலகமே எதிர்பார்த்த வடகொரிய அதிபர் மற்றும் அமெரிக்க அதிபர் இடையேயான சிங்கப்பூர் உச்சி மாநாட்டில் வடகொரியா அணுவாயுதங்களை பூரணமாகப் பகிஷ்கரிப்பது என்றும் பதிலுக்கு இதை நிறைவேற்றியதன் பின்னர் வடகொரியா மீதான பொருளாதாரத் தடைகளை மீளப் பெறுவது என்றும் பல ஒப்பந்தங்கள் அதிபர் டிரம்ப் மற்றும் கிம் இடையேயான சந்திப்பின் போது கைச்சாத்து ஆகின. இதைத் தொடர்ந்து வாஷிங்டன் தொலைக்காட்சி ஊடகம் ஒன்றுக்கு டிரம்ப் பேட்டியளிக்கும் போது இத்தகவலைத் தெரிவித்துள்ளார்.

வரலாற்று சிறப்பு மிக்க இந்த உச்சி மாநாட்டின் பின்னர் சர்வதேச அளவில் வடகொரிய அமெரிக்க உறவு நன்கு வலுப்பட்டுள்ளது. இதனால் கொரியத் தீபகற்பத்தில் போர்ப் பதற்றம் தணிந்துள்ளதுடன் உலக அளவிலும் ஓரளவு அமைதி ஏற்பட்டுள்ளது குறிப்பிடத்தக்கது.

 

வடக்கு – கிழக்கு உள்ளிட்ட தமிழ் மக்கள் அதிகமுள்ள பகுதிகளில் தடைப்பட்டுப் போன அபிவிருத்தித் திட்டங்கள் மீள ஆரம்பிக்கப்பட்டு துரிதப்படுத்தப்படும் என பிரதமர் மஹிந்த ராஜபக்ஷ தெரிவித்துள்ளார். 

அமைச்சரவை அமைச்சர்கள் 28 பேரும், இராஜாங்க அமைச்சர்கள் 40 பேரும் நாளை புதன்கிழமை பதவியேற்கவுள்ளனர். 

டெல்லி உச்சநீதிமன்றத்தால் பூர்வீக சொத்து உரிமையில் சம பங்கு பெண் பிள்ளைகளும் பெறலாம் எனும் தீர்ப்பை வரவேற்றுள்ளனர்.

இந்தியாவில் பருவமழை காலம் என்பதால் பவானிசாகர் மற்றும் மேட்டூர் அணைகளில் நீர்மட்டம் உயர்வடைந்து வருகிறது.

பசுபிக் பெருங்கடலில் நெருப்பு வளையப் பகுதியில் அமைந்த இந்தோனேசியா உலகில் நிலநடுக்கங்கள், சுனாமி மற்றும் எரிமலை போன்ற அனர்த்தங்கள் ஒரு வருடத்தில் அதிகளவில் ஏற்படும் நாடுகளில் ஒன்றாகும்.

அண்மையில் பெய்ரூட்டில் நடந்த வெடி விபத்தை அடுத்து லெபனானில் வெடித்த மக்கள் புரட்சியின் விளைவாக லெபனான் அரசின் பிரதமரான தானும், அமைச்சரவையும் பதவி விலகுவதாக அந்நாட்டு பிரதமர் ஹசன் தியாப் தொலைக் காட்சியில் அறிவித்துள்ளார்.