உலகம்

தனது இறக்குமதிப் பொருட்களுக்கு அமெரிக்கா தீர்வை வரியை அதிகரித்ததற்குப் பதிலடியாக வியாழக்கிழமை சீனா அமெரிக்கப் பொருட்களுக்கான தீர்வை வரியை அதிகரிப்பதாகவும் ஐரோப்பிய யூனியனைப் பின்பற்றி இந்தியாவும் அமெரிக்கப் பொருட்களுக்கு வரியை அதிகரிப்பதாகவும் அறிவித்துள்ளன.

இதனால் பூகோள வர்த்தகப் போர் தீவிரமடைந்துள்ளது.

மேலும் அமெரிக்காவின் எந்தவொரு அழுத்தமான வரி விதிப்புக்கும் தயாராக இருப்பதாக சீனா வர்த்தக அமைச்சின் பேச்சாளர் தெரிவித்துள்ளார். திங்கட்கிழமை மாலை டிரம்ப் $200 பில்லியன் டாலர் பெறுமதியான தீர்வை வரியை அதாவது முன்பை விட 10% வீத அதிக வரியை சீனா மீது விதித்திருந்தார். மேலும் பீஜிங் பதிலடி கொடுக்குமானால் மேலும் $200 பில்லியன் வரியை அதன மீது விதிப்பதாகவும் கூறியிருந்தார். உலகின் வலிமையான பொருளாதார வல்லரசுகளுக்கு இடையே நடக்கும் இந்த வர்த்தகப் போர் காரணமாக உலகளாவிய வர்த்தக நிறுவனங்களுக்கு இடையே நம்பிக்கை உடைபடவும் பூகோள பொருளாதார வளர்ச்சிக்கு அச்சுறுத்தலும் ஏற்பட்டு வருவதாக இவ்வாரம் உலகின் சக்தி வாய்ந்த மத்திய வங்கிகள் எச்சரிக்கை விடுத்துள்ளன.

இதேவேளை ஜூலை 6 ஆம் திகதி வாஷிங்டனில் அமெரிக்காவும் இந்தியாவும் வருடாந்த இருதரப்பு 2+2 பேச்சுவார்த்தையை நிகழ்த்தவுள்ளன. இதன்போது அமெரிக்க மாநிலச் செயலாளர் M பொம்பேயோ மற்றும் பாதுகாப்புச் செயலாளர் ஜேம்ஸ் மேத்தீஸ் ஆகியோர் இந்திய வெளிவிவகார அமைச்சர் சுஷ்மா சுவராஜ் உடனும் பாதுகாப்புத் துறை அமைச்சர் நிர்மலா சீத்தாராமனுடனும் பேச்சுவார்த்தை நடத்தவுள்ளனர் என்பது குறிப்பிடத்தக்கது.

இவற்றையும் பார்வையிடுங்கள்

நாடு மிக வேகமாக இராணுவ ஆட்சியை நோக்கி செல்வதாக ஐக்கிய மக்கள் சக்தியின் பாராளுமன்ற உறுப்பினர் தலதா அத்துகோரல தெரிவித்துள்ளார். 

‘வெறுமனே சத்தமிட்டுக் கொண்டிருப்பதல்ல, செயலில் செய்து காட்டுவதே எனது வழி’ என ஜனாதிபதி கோட்டாபய ராஜபக்ஷ தெரிவித்துள்ளார். 

இந்தியாவின் 72வது குடியரசு தின விழா, தலைநகர் டெல்லியில் கோலாகலமாக கொண்டாடப்பட்டது. குடியரசு தின விழாவில் முப்படைகளின் அணிவகுப்பு இடம்பெற்றது. முப்படைகளின் அணிவகுப்பு நிறைவுற்றதும், கண்கவர் கலைநிகழ்ச்சிகளும், கலாச்சார நிகழ்வுகளும் இடம்பெற்றன.

வேளாண் சட்டங்களுக்கு எதிராக முன்னேடுக்கப்பட்டு வரும் விவசாயிகளின் டெல்லி போராட்டம் இன்று பிரமாண்ட அளவில் நடத்தப்படுகிறது.

ஜனவரி 20 ஆம் திகதி அமெரிக்காவின் புதிய அதிபராகப் பதவியேற்றுக் கொள்ளும் விழாவில் கலந்து கொண்டிருந்த போது அதிபர் ஜோ பைடென் சுவிட்சர்லாந்து தயாரிப்பான சுமார் $7000 டாலர் பெறுமதியான றோலெக்ஸ் கடிகாரத்தை அணிந்திருந்தது அனைவரின் கவனத்தையும் ஈர்த்துள்ளது.

சமீபத்தில் தென் சீனக் கடற்பரப்பில் அமெரிக்காவின் விமானம் தாங்கிக் கப்பல் ரோந்து நடவடிக்கைக்காக நுழைந்ததால் பதற்றம் அதிகரித்தது.