உலகம்

தென்சீனக் கடற்பரப்பில் இருந்து ஒரு இஞ்சினைக் கூட நாம் விட்டுக் கொடுக்க மாட்டோம் என சீன அதிபர் ஜீ ஜின்பின் அமெரிக்க பாதுகாப்புச் செயலாளர் ஜேம்ஸ் மேத்தீஸ் இடம் காட்டமாகாத் தெரிவித்துள்ளார்.

தென்சீனக் கடற்பரப்பில் தனது இராணுவ பலத்தினை சீனா அதிகரித்து வரும் நிலையில் சீனா இந்த அறிவிப்பை வெளியிட்டுள்ளது. இதனால் சீன அமெரிக்க இருதரப்பு உறவிலும் அழுத்தம் அதிகரித்து வருகின்றது.

ஏற்கனவே அமெரிக்கா மற்றும் சீனா இடையே இடம்பெற்று வரும் வர்த்தகப் போர் காரணமாக இரு நாட்டுக்கும் இடையே விரிசல் பெரிதாகி வருவதும் குறிப்பிடத்தக்கது. இந்நிலையில் தென்சீனக் கடற்பரப்பில் சீனா சொந்தம் கொண்டாடி வரும் பகுதிகளில் அமெரிக்கா தனது வான் மற்றும் கடல் வழியாக சீரான இடைவெளிகளில் இராணுவ ரோந்து நடவடிக்கையினை மேற்கொண்டு வருகின்றது. இதுவும் சீனாவின் கோபத்தை அதிகரித்துள்ளது. புதன்கிழமை மேத்தீஸ் உடனான சந்திப்பின் போது ஜீ ஜின்பின் கருத்துத் தெரிவிக்கையில் பசுபிக் சமுத்திரம் கூட அமெரிக்கா, சீனா மற்றும் ஏனைய நாடுகளால் பாவிக்கப் படக் கூடிய மிகப் பரந்த பரப்பளவைக் கொண்டுள்ளது என்றுள்ளார்.

மேலும் தென்சீனக் கடற்பரப்பு விவகாரம் தொடர்பான பசுபிக் சமுத்திர நாடுகளால் முன்வைக்கப் படும் முரண்பாடுகள் ஒரு புறம் இருந்தாலும் இப்பிரச்சினையை இராணுவத்தைப் பயன்படுத்தி ஒருபோதும் தீர்த்து விட முடியாது என்றும் ஜின்பிங் தெரிவித்துள்ளார். தென்சீனக் கடலின் முக்கிய சில பகுதிகளை வியட்நாம், பிலிப்பைன்ஸ், மலேசியா, புரூனே மற்றும் தாய்வான் ஆகிய நாடுகளும் உரிமை கொண்டாடி வருகின்றன. இதற்கு முக்கிய காரணம் இக்கடற்பரப்பு உலக வர்த்தகத்தின் பிராந்திய முக்கியத்துவம் மிக்க கடல் வழி வணிக மார்க்கமாக இருப்பதே ஆகும்.

 

எமதுபார்வை

தமிழகத்தின் தலைப்புச் செய்திகள்

கோடம்பாக்கம் கோனர்

பொதுத் தேர்தலுக்குப் பின்பு அமையவுள்ள புதிய அரசாங்கத்தில் அமைச்சுப் பதவிகள் எதனையும் பெறும் எண்ணம் தமிழ்த் தேசியக் கூட்டமைப்புக்கு இல்லை என்று கூட்டமைப்பின் தலைவர் இரா.சம்பந்தன் தெரிவித்துள்ளார். 

“தமிழ்த் தேசியக் கூட்டமைப்பு என்பது தமிழரின் அரசியல் ஒற்றுமையை பிரதிபலிக்கும் ஓர் அமைப்பு என்பதில் மாற்றுக் கருத்துக்கு இடமில்லை என்றே நான் கருதுகிறேன். அந்த ஒற்றுமை என்பது தமிழ்த் தேசியக் கூட்டமைப்புக்குள்ளும் இருக்கவேண்டுமென்று வாஞ்சிக்கிறேன்.” என்று தமிழ்த் தேசியக் கூட்டமைப்பின் யாழ். தேர்தல் மாவட்டத்தில் போட்டியிடும் வேட்பாளரான சசிகலா ரவிராஜ் தெரிவித்துள்ளார். 

தமிழ்நாட்டில் கொரோனா பரவலைக்கட்டுப்படுத்த பொது போக்குவரத்துக்களுக்கு வருகிற 31ஆம் திகதி வரை தடை விதிக்கப்பட்டுள்ளது.

இந்தியாவின் சி.பி.எஸ்.இ 12ம் வகுப்பு தேர்வு முடிவுகள் இன்று வெளியானது இதில் 88.78 சதவீதத்தினர் தேர்ச்சி அடைந்திருப்பதாக தெரிவிக்கப்படுகிறது.

இத்தாலியின் லோம்பார்டியாவில் கொரோனா வைரஸ் தொற்றுத் தவிர்ப்புக்கான நடவடிக்கையில் இதுவரை கட்டாயமாக இருந்த முககவசப் பாவனை விலக்கப்படவுள்ளது.

கொரோனா நோய்த்தொற்றுக்கு எதிரான தடுப்பூசி ரஷ்யா அடுத்த மாதம் முதல் விரைவில் நோயாளிகளுக்கு வழங்கப்படவுள்ளதாக அறிவித்திருப்பதாக தெரிகிறது.