உலகம்

அண்மையில் அதிபர் ஒபாமா பதவி வகித்த காலத்தில் மேற்கொள்ளப் பட்ட ஈரானுடனான அணு ஒப்பந்தத்தில் இருந்து ஒருதலைப் பட்சமாக அமெரிக்கா வெளியேறுவதை அதிபர் டிரம்ப் உறுதி செய்தார்.

இதைத் தொடர்ந்து படிப்படியாக ஈரான் மீதான பொருளாதாரத் தடைகள் அதிகரிக்கப் பட்டன. நவம்பரில் அதிகாரப் பூர்வமாக இன்னும் அதிகரிக்கப் படும் பொருளாதாரத் தடைகல் இதை விட கடும் அழுத்தத்தை ஈரானுக்கு வழங்கவுள்ளதாகவும் தெரிய வருகின்றது.

இந்நிலையில் இது தொடர்பில் அமெரிக்க அதிபர் டிரம்ப் வெளியிட்ட டுவிட்டர் செய்தியில் இவ்வாறு கூறப்பட்டுள்ளது. 'ஈரான் மீதான அமெரிக்காவின் பொருளாதாரத் தடைகளை மீறி அந்நாட்டுடன் வர்த்தகம் செய்யும் எந்தவொரு நாடும் அமெரிக்காவுடன் வர்த்தகம் செய்ய முடியாது. எனக்கு உலக அமைதியே முக்கியம். வேறு எதுவும் கிடையாது.' எனப்பட்டுள்ளது.

2015 மே மாதம் வியன்னாவில் ஈரான் தனது அணுசக்தித் திட்டங்கள் அணுவாயுதம் தயாரிக்கவல்ல என உறுதி செய்யவும் பதிலுக்கு அதன் மீதான பொருளாதாரத் தடைகளைத் தளர்த்திக் கொள்வதற்கும் அமெரிக்கா, ரஷ்யா, பிரிட்டன், சீனா, பிரான்ஸ் மற்றும் ஜேர்மனி ஆகிய நாடுகளுக்கும் இடையே முன்னால் அதிபர் ஒபாமா தலைமையில் அணு ஒப்பந்தம் கைச்சாத்தானது. ஆனால் இந்த ஒப்பந்தம் அமெரிக்கப் பாதுகாப்பை உறுதிப் படுத்தவில்லை என்று விமர்சித்த அமெரிக்க அதிபர் டிரம்ப் மே 8 ஆம் திகதி இதில் இருந்து வெளியேறுவதாக அறிவித்தார்.

இந்த அறிவிப்புக்கு இவ்வொப்பந்தத்தில் கைச்சாத்திட்ட பிற நாடுகள் எதிர்ப்புத் தெரிவித்திருந்தன. இந்நிலையில் புதிய பொருளாதாரத் தடைகளின் படி அமெரிக்காவில் இருந்து கார்களை இறக்குமதி செய்யவும் தரை விரிப்புக்களை ஏற்றுமதி செய்யவும் அமெரிக்க டாலரை ஈரான் பயன்படுத்தவும் தடை அதிகாரப் பூர்வமாக அமுலுக்கு வந்துள்ளது. ஈரான் மீதான பொருளாதாரத் தடைகளை இஸ்ரேல் மற்றும் சவுதி அரேபியா ஆகிய நாடுகள் வரவேற்றுள்ளன.

 

இவற்றையும் பார்வையிடுங்கள்

தமிழ் மக்கள் சார்பாக, தமிழ்த் தேசியக் கட்சிகள் மற்றும் தமிழ் சிவில் அமைப்புக்களினால் ஐக்கிய நாடுகள் மனித உரிமைகள் பேரவைக்கு நான்கு அம்சக் கோரிக்கைகள் அடங்கிய மகஜர் நேற்றுமுன்தினம் (வெள்ளிக்கிழமை) அனுப்பி வைக்கப்பட்டுள்ளது. 

சுகாதார சேவைகள் பணிப்பாளர் நாயகத்தினால் வெளியிடப்பட்டுள்ள சுற்றறிக்கைக்கு அமைவாக மேல் மாகாணம் உள்ளிட்ட கொரோனா வைரஸ் தொற்று அபாய வலயங்களிலிருந்து வருகை தருவோரை சுயதனிமைப்படுத்தும் நடவடிக்கை நேற்று வெள்ளிக்கிழமை முதல் வடக்கு மாகாணத்தில் இடைநிறுத்தப்பட்டுள்ளது. 

இந்தியா முழுவதிலும், கொரோனா வைரஸ் தொற்றுக்கான தடுப்பூசிகள் போடும் திட்டம் ஆரம்பமாகியது. நாடு முழுவதும் ஆரம்பமாகியுள்ள இந்தப் பணியில், கோவேக்சின், கோவிஷீல்டு ஆகிய இரு தடுப்பூசிகள் செலுத்தப்படுவதாக அறிய வருகிறது.

இந்தியாவில் கோவிட்-19 தொற்று நோயிற்கு எதிராக தயாரிக்கப்பட்ட தடுப்பூசிகள் நாட்டின் அனைத்து பகுதிகளுக்கும் அனுப்பட்டு வருகின்றன.

இந்தோனேசிய விமானம் கடந்த வாரம் விபத்தில் சிக்கியது, சுலவேசி தீவினைத் தாக்கிய மோசமான நிலநடுக்கம், எரிமலை வெடிப்பு என அடுத்தடுத்த சம்பவங்களால் அங்கு மக்கள் நிலை குலைந்துள்ளனர்.

சில தினங்களுக்கு முன்பு ஆப்கானிஸ்தானின் ஹெரட் மாகாண இராணுவ முகாம் ஒன்றில் தங்கியிருந்த இராணுவ வீரர்களில் இருவர் தமது சக வீரர்கள் மீது துப்பாக்கிச் சூடு நடத்தியதில் 12 வீரர்கள் பலியாகினர்.