உலகம்

அணுவாயுதங்களைத் தாங்கியவாறு ஒலியை விட 5 மடங்கு அதிக வேகத்தில் பயணிக்கும் ஸ்டார்ரி ஸ்கை 2 என்ற அதிநவீன ஹைப்பர் சோனிக் விமானத்தை சீனா வெற்றிகரமாகப் பரிசோதித்துள்ளது.

தரையில் இருந்து புறப்படும் ஏவுகணைகளத் துல்லியமாக ஊடுருவித் தாக்கக் கூடிய இந்த ஹைப்பர் சோனிக் விமானத்தை வடமேற்கு சீனாவின் மக்கள் நடமாட்டம் அற்ற ஒரு அடையாளப் படுத்தப் படாத இடத்தில் சீனா பரிசோதித்துள்ளது.

இத்தகவலை விண்வெளி மற்றும் வான் பௌதிகவியலுக்கான சீன அகெடமி உறுதிப் படுத்தியுள்ளது. ஒரு மணித்தியாலத்துக்கு 7 344 Km வேகத்தில் செல்லக் கூடிய இந்த ஸ்டார்ரி ஸ்கை 2 விமானம் அது தானே உற்பத்தி செய்யும் ஷாக் வேவ்ஸ் (Shock Waves) மூலமாக உந்து விசையை ஏற்படுத்திப் பயணிக்க வல்லது என்பதால் இது சீனாவின் முதல் வேவ் ரைடர் ரக விமானம் என்பதும் குறிப்பிடத்தக்கது. இந்த விமானம் பரிசோதிக்கப் பட்ட போது பூமியின் தரையில் இருந்து 30 Km உயரத்தில் பறந்துள்ளது.

ஸ்டார்ரி ஸ்கை 2 விமானத்தின் பரிசோதனை மூலம் சீனா அமெரிக்கா மற்றும் ரஷ்யாவுக்கு இணையான விமானத் தொழிநுட்பத்தைப் பெற்றுள்ளதாக சீன அரச ஊடகத் தொடர்பாளர் ஒருவர் தெரிவித்துள்ளார்.

இவற்றையும் பார்வையிடுங்கள்

தமிழ் மக்கள் சார்பாக, தமிழ்த் தேசியக் கட்சிகள் மற்றும் தமிழ் சிவில் அமைப்புக்களினால் ஐக்கிய நாடுகள் மனித உரிமைகள் பேரவைக்கு நான்கு அம்சக் கோரிக்கைகள் அடங்கிய மகஜர் நேற்றுமுன்தினம் (வெள்ளிக்கிழமை) அனுப்பி வைக்கப்பட்டுள்ளது. 

சுகாதார சேவைகள் பணிப்பாளர் நாயகத்தினால் வெளியிடப்பட்டுள்ள சுற்றறிக்கைக்கு அமைவாக மேல் மாகாணம் உள்ளிட்ட கொரோனா வைரஸ் தொற்று அபாய வலயங்களிலிருந்து வருகை தருவோரை சுயதனிமைப்படுத்தும் நடவடிக்கை நேற்று வெள்ளிக்கிழமை முதல் வடக்கு மாகாணத்தில் இடைநிறுத்தப்பட்டுள்ளது. 

இந்தியா முழுவதிலும், கொரோனா வைரஸ் தொற்றுக்கான தடுப்பூசிகள் போடும் திட்டம் ஆரம்பமாகியது. நாடு முழுவதும் ஆரம்பமாகியுள்ள இந்தப் பணியில், கோவேக்சின், கோவிஷீல்டு ஆகிய இரு தடுப்பூசிகள் செலுத்தப்படுவதாக அறிய வருகிறது.

இந்தியாவில் கோவிட்-19 தொற்று நோயிற்கு எதிராக தயாரிக்கப்பட்ட தடுப்பூசிகள் நாட்டின் அனைத்து பகுதிகளுக்கும் அனுப்பட்டு வருகின்றன.

இந்தோனேசிய விமானம் கடந்த வாரம் விபத்தில் சிக்கியது, சுலவேசி தீவினைத் தாக்கிய மோசமான நிலநடுக்கம், எரிமலை வெடிப்பு என அடுத்தடுத்த சம்பவங்களால் அங்கு மக்கள் நிலை குலைந்துள்ளனர்.

சில தினங்களுக்கு முன்பு ஆப்கானிஸ்தானின் ஹெரட் மாகாண இராணுவ முகாம் ஒன்றில் தங்கியிருந்த இராணுவ வீரர்களில் இருவர் தமது சக வீரர்கள் மீது துப்பாக்கிச் சூடு நடத்தியதில் 12 வீரர்கள் பலியாகினர்.