உலகம்

ஐக்கிய நாடுகள் சபையின் முன்னாள் செயலாளர் நாயகம் கோஃபி அனான் இன்று தனது 80 வது வயதில் காலமானார். 

ஐ.நாவின் செயலாளர் நாயகாம பதவி வகித்த ஒரே ஒரு ஆபிரிக்க இனத்தவர் கோஃபி அனான்.

கடந்த சில வருடங்களாக சுவிற்சர்லாந்தின் ஜெனீவா நகரில் வசித்து வந்த அவர், இன்று திடீர் சுகயீனம் காரணமாக பேர்ன் மருத்துவமனையில் அனுமதிக்கப்பட்டிருந்ததாகவும் அங்கு வைத்து காலமானதாகவும் அறிவிக்கப்பட்டுள்ளது. இதையடுத்து அவருடைய சொந்த நாடான கானாவில் தொடர்ந்து ஒரு வார காலத்திற்கு துக்கதினம் அனுஷ்டிக்கப்படவுள்ளது.

ஐ.நாவின் செயலாளர் நாயகமாக 1997 முதல் 2006 வரை இரு தடவை பதவி வகித்த கோபி அனான், அவருடைய மனிதாபிமான நடவடிக்கைகளுக்காக சமாதானத்துக்கான நோபல் பரிசினையும் பெற்றிருந்தார்.

செயலாளர் நாயகம் பதவியிலிருந்து விலகிய பின்னர், சிரியாவுக்கான ஐ.நாவின் விசேட தூதுவராக தொடர்ந்து கடமையாற்றி வந்தார்.

அமெரிக்கா மீதான அல் கைதாவின் தீவிரவாத தாக்குதல், இதையடுத்து ஈராக், ஆப்கானிஸ்தான் மீதான அமெரிக்க போர் மற்றும் உலகாவிய எச்.ஐ.வி தொற்று என்பன கோஃபி அனானின் ஐ.நா பதவிக் காலத்தில் மிகப்பெரும் சவாலாக இருந்தன. இக்காலப்பகுதியில் ஐ.நா சபையின் நிர்வாக கட்டமைப்பை பெரும் சீர்திருத்தம் செய்து ஐ.நா சபையின் ஊடாக சர்வதேசம் இச்சிக்கல்களில் தலையிட்டு ஒரு தீர்வை பெற்றுத் தர முடியும் எனும் நம்பிக்கையை ஏற்படுத்தியிருந்தவர் கோஃபி அனான்.

இதை விட சிறார் இறப்பைத் தடுத்தல், வறுமையை நீக்கல் என்பவற்றுக்காக ஐ.நாவின் ஊடாக கடுமையாக போராடியிருந்தார் கோஃபி அனான்.

எனினும் கோஃபி அனான் மீது விமர்சனங்களும் இருந்தன. அவர் ஐ.நா தலைமைச் செயலாளர் பதவிக்கு வரும் முன்னர்,  ஐ.நாவின் சாமானாத நடவடிக்கைகளுக்கான பிரிவின் தலைவராக இருந்த காலத்திலேயே ருவெண்டா இனப்படுகொலைகள், யுகொஸ்லாவிய படுகொலைகள் நடந்தேறின. எனினும் அவற்றை முன்கூட்டியே தடுக்க கோஃபி அனானினாலும் இயலவில்லை.

 அனானின் இழப்பு, உலகில் நல்லிணக்கத்தை விரும்பும் பல சர்வதேச தலைவர்களிடம் பெரும் துக்கத்தையும், அவருடைய பதவிக்காலத்தில் பெரிதும் நம்பிக்கையுற்றிருந்த இளைஞர்களிடம் பெரும் சோகத்தையும் ஏற்படுத்தியிருக்கிறது.

இவற்றையும் பார்வையிடுங்கள்

தமிழ் மக்கள் சார்பாக, தமிழ்த் தேசியக் கட்சிகள் மற்றும் தமிழ் சிவில் அமைப்புக்களினால் ஐக்கிய நாடுகள் மனித உரிமைகள் பேரவைக்கு நான்கு அம்சக் கோரிக்கைகள் அடங்கிய மகஜர் நேற்றுமுன்தினம் (வெள்ளிக்கிழமை) அனுப்பி வைக்கப்பட்டுள்ளது. 

சுகாதார சேவைகள் பணிப்பாளர் நாயகத்தினால் வெளியிடப்பட்டுள்ள சுற்றறிக்கைக்கு அமைவாக மேல் மாகாணம் உள்ளிட்ட கொரோனா வைரஸ் தொற்று அபாய வலயங்களிலிருந்து வருகை தருவோரை சுயதனிமைப்படுத்தும் நடவடிக்கை நேற்று வெள்ளிக்கிழமை முதல் வடக்கு மாகாணத்தில் இடைநிறுத்தப்பட்டுள்ளது. 

இந்தியா முழுவதிலும், கொரோனா வைரஸ் தொற்றுக்கான தடுப்பூசிகள் போடும் திட்டம் ஆரம்பமாகியது. நாடு முழுவதும் ஆரம்பமாகியுள்ள இந்தப் பணியில், கோவேக்சின், கோவிஷீல்டு ஆகிய இரு தடுப்பூசிகள் செலுத்தப்படுவதாக அறிய வருகிறது.

இந்தியாவில் கோவிட்-19 தொற்று நோயிற்கு எதிராக தயாரிக்கப்பட்ட தடுப்பூசிகள் நாட்டின் அனைத்து பகுதிகளுக்கும் அனுப்பட்டு வருகின்றன.

இந்தோனேசிய விமானம் கடந்த வாரம் விபத்தில் சிக்கியது, சுலவேசி தீவினைத் தாக்கிய மோசமான நிலநடுக்கம், எரிமலை வெடிப்பு என அடுத்தடுத்த சம்பவங்களால் அங்கு மக்கள் நிலை குலைந்துள்ளனர்.

சில தினங்களுக்கு முன்பு ஆப்கானிஸ்தானின் ஹெரட் மாகாண இராணுவ முகாம் ஒன்றில் தங்கியிருந்த இராணுவ வீரர்களில் இருவர் தமது சக வீரர்கள் மீது துப்பாக்கிச் சூடு நடத்தியதில் 12 வீரர்கள் பலியாகினர்.