உலகம்

எமது பூட்டான் தேசத்துக்கு பௌத்த மதம் இந்தியாவின் மிகப் பெரிய பரிசுகளில் ஒன்று என்றும் நிச்சயம் இந்தியாவானது ஞானம் பெற்ற நிலம் என்றும் தேசத்தின் தாய் என அழைக்கப் படும் பூட்டான் அரசியன ஆஷி டோர்ஜி வங்மோ வங்சுக் வியாழக்கிழமை தெரிவித்துள்ளார்.

இந்தியாவுக்கும் பூட்டானுக்கும் இடையேயான ராஜதந்திர உறவின் 50 ஆண்டுகள் நிறைவை ஒட்டி ஒழுங்கு செய்யப் பட்ட Mountain Echoes Literary Festival என்ற வைபவத்தின் போதே பூட்டான் அரசியார் இந்தத் தகவலைத் தெரிவித்துள்ளார்.

பூட்டானுக்கு பௌத்தம் வருகை தந்த போது மிகவும் சிறப்பான பௌத்த மதத் துறவிகள் அதிலும் முக்கியமாக குரு பத்மசம்பவா ஆகியோர் பூட்டானுக்கு வருகை அளித்தனர். பகவான் புத்தர் மற்றும் குரு பத்மசம்பவா ஆகியோரின் உபதேசங்கள் பூட்டானின் ஒவ்வொரு குடிமகனையும் பாதித்து நல்வழிப் படுத்தி வருகின்றன என்றும் பூட்டான் அரசியார் தெரிவித்தார்.

பௌத்த மதம் தொடர்பான இந்தியாவுடனான ஆன்மிகத் தொடர்பு காரணமாகத் தான் இந்தியாவுக்கும் பூட்டானுக்கும் இடையேயான நல்லுறவு இன்னமும் வலுப்பெற்று வருவதற்குக் காரணம் என்றும் அவர் குறிப்பிட்டுள்ளார். இந்தியாவுக்கும் பூட்டானுக்குமான நல்லுறவு பூட்டானின் 3 ஆவது அரசரும் இந்தியாவின் ஜவஹார்லால் நேருவும் ஆட்சியில் இருந்த போது அடிக்கல் நாட்டப் பட்டது என்பதும் குறிப்பிடத்தக்கது. 1961 ஆம் ஆண்டு இக்காலப் பகுதியில் தான் இந்தியாவின் பெரும் நிதியுதவி காரணமாக பூட்டானில் தார் பாதைகள், பள்ளிகள் மற்றும் வைத்தியசாலைகள் என்பன அமைக்கப் பட்டும் இருந்தன.

மேலும் இந்தியாவின் அனுசரனையுடன் பூட்டான் 1971 ஆம் ஆண்டு செப்டம்பரில் ஐ.நா சபை உறுப்பு நாடாகவும் மாறியது.

இவற்றையும் பார்வையிடுங்கள்

தமிழ் மக்கள் சார்பாக, தமிழ்த் தேசியக் கட்சிகள் மற்றும் தமிழ் சிவில் அமைப்புக்களினால் ஐக்கிய நாடுகள் மனித உரிமைகள் பேரவைக்கு நான்கு அம்சக் கோரிக்கைகள் அடங்கிய மகஜர் நேற்றுமுன்தினம் (வெள்ளிக்கிழமை) அனுப்பி வைக்கப்பட்டுள்ளது. 

சுகாதார சேவைகள் பணிப்பாளர் நாயகத்தினால் வெளியிடப்பட்டுள்ள சுற்றறிக்கைக்கு அமைவாக மேல் மாகாணம் உள்ளிட்ட கொரோனா வைரஸ் தொற்று அபாய வலயங்களிலிருந்து வருகை தருவோரை சுயதனிமைப்படுத்தும் நடவடிக்கை நேற்று வெள்ளிக்கிழமை முதல் வடக்கு மாகாணத்தில் இடைநிறுத்தப்பட்டுள்ளது. 

இந்தியா முழுவதிலும், கொரோனா வைரஸ் தொற்றுக்கான தடுப்பூசிகள் போடும் திட்டம் ஆரம்பமாகியது. நாடு முழுவதும் ஆரம்பமாகியுள்ள இந்தப் பணியில், கோவேக்சின், கோவிஷீல்டு ஆகிய இரு தடுப்பூசிகள் செலுத்தப்படுவதாக அறிய வருகிறது.

இந்தியாவில் கோவிட்-19 தொற்று நோயிற்கு எதிராக தயாரிக்கப்பட்ட தடுப்பூசிகள் நாட்டின் அனைத்து பகுதிகளுக்கும் அனுப்பட்டு வருகின்றன.

இந்தோனேசிய விமானம் கடந்த வாரம் விபத்தில் சிக்கியது, சுலவேசி தீவினைத் தாக்கிய மோசமான நிலநடுக்கம், எரிமலை வெடிப்பு என அடுத்தடுத்த சம்பவங்களால் அங்கு மக்கள் நிலை குலைந்துள்ளனர்.

சில தினங்களுக்கு முன்பு ஆப்கானிஸ்தானின் ஹெரட் மாகாண இராணுவ முகாம் ஒன்றில் தங்கியிருந்த இராணுவ வீரர்களில் இருவர் தமது சக வீரர்கள் மீது துப்பாக்கிச் சூடு நடத்தியதில் 12 வீரர்கள் பலியாகினர்.