உலகம்

அவுஸ்திரேலியாவின் ஆளும் லிபரல் கட்சியின் புதிய தலைவராக அண்மையில் தேர்வு செய்யப் பட்ட ஸ்காட் மாரிசன் வெள்ளிக்கிழமை அவுஸ்திரேலியாவின் புதிய பிரதமராகத் தேர்வாகி உள்ளார்.

மேலும் இவர் அடுத்த வருடம் 2019 இல் அவுஸ்திரேலியாவில் நாடாளுமன்றத் தேர்தல் நடைபெறும் வரை அந்நாட்டுப் பிரதமராகப் பதவி வகிப்பார் என்று தெரிய வருகின்றது.

அண்மைக் காலமாக அவுஸ்திரேலியாவின் அரசியலில் நிச்சயமற்ற தன்மை இருந்து வருகின்றது. ஆளும் லிபரல் கட்சியிலேயே புதிய பிரதமருக்கான அதிகாரப் போட்டி நிலவி உட்கட்சிப் பூசல் ஏற்பட்டுள்ளது. இதே லிபரல் கட்சியைச் சேர்ந்த முன்னால் பிரதமரும் முன்னால் வங்கி அதிகாரியுமான மால்கம் டர்ன்புல் கடந்த 3 ஆண்டுகளாகப் பிரதமராகப் பதவி வகித்த போதும் கட்சியில் இவருக்குக் கடும் எதிர்ப்புக் கிளம்பியது.

இவரது ஆட்சியை எதிர்த்து உள்துறை அமைச்சர் பீட்டர் டட்டன் உட்பட 3 அமைச்சர்கள் பதவி விலகினர். இதனால் மறு வாக்கெடுப்பு நிகழ்த்தப் பட்டது. இதில் தான் போட்டியிடப் போவதில்லை என டர்ன்புல் அறிவித்தார். எனவே இந்த வாக்கெடுப்பில் வெளியுறவு அமைச்சர் ஜூலி பிஷ்ப் மற்றும் பொருளாளர் ஸ்காட் மாரிசன் ஆகியோருக்கிடையே பிரதமர் பதவிக்குப் போட்டி நிலவியது. இந்தப் போட்டியில் கூடுதல் வாக்குகளால் வெற்றி பெற்ற ஸ்காட் மாரிசன் வெள்ளிக்கிழமை அவுஸ்திரேலியாவின் புதிய பிரதமராகப் பதவியேற்றார்.

2013 முதல் 2015 வரை அவுஸ்திரேலியாவின் குடிவரவுத் துறை அமைச்சராக ஸ்காட் மாரிசன் பணியாற்றிய போது சட்டவிரோதமாக அவுஸ்திரேலியாவுக்குள் வரும் வதிவிடக் கோரிக்கையாளர்களது படகுகளைத் திருப்பி அனுப்பும் நடைமுறையை அறிமுகப் படுத்தியவர் என்பது குறிப்பிடத்தக்கது.

இவற்றையும் பார்வையிடுங்கள்

தமிழ் மக்கள் சார்பாக, தமிழ்த் தேசியக் கட்சிகள் மற்றும் தமிழ் சிவில் அமைப்புக்களினால் ஐக்கிய நாடுகள் மனித உரிமைகள் பேரவைக்கு நான்கு அம்சக் கோரிக்கைகள் அடங்கிய மகஜர் நேற்றுமுன்தினம் (வெள்ளிக்கிழமை) அனுப்பி வைக்கப்பட்டுள்ளது. 

சுகாதார சேவைகள் பணிப்பாளர் நாயகத்தினால் வெளியிடப்பட்டுள்ள சுற்றறிக்கைக்கு அமைவாக மேல் மாகாணம் உள்ளிட்ட கொரோனா வைரஸ் தொற்று அபாய வலயங்களிலிருந்து வருகை தருவோரை சுயதனிமைப்படுத்தும் நடவடிக்கை நேற்று வெள்ளிக்கிழமை முதல் வடக்கு மாகாணத்தில் இடைநிறுத்தப்பட்டுள்ளது. 

இந்தியா முழுவதிலும், கொரோனா வைரஸ் தொற்றுக்கான தடுப்பூசிகள் போடும் திட்டம் ஆரம்பமாகியது. நாடு முழுவதும் ஆரம்பமாகியுள்ள இந்தப் பணியில், கோவேக்சின், கோவிஷீல்டு ஆகிய இரு தடுப்பூசிகள் செலுத்தப்படுவதாக அறிய வருகிறது.

இந்தியாவில் கோவிட்-19 தொற்று நோயிற்கு எதிராக தயாரிக்கப்பட்ட தடுப்பூசிகள் நாட்டின் அனைத்து பகுதிகளுக்கும் அனுப்பட்டு வருகின்றன.

இந்தோனேசிய விமானம் கடந்த வாரம் விபத்தில் சிக்கியது, சுலவேசி தீவினைத் தாக்கிய மோசமான நிலநடுக்கம், எரிமலை வெடிப்பு என அடுத்தடுத்த சம்பவங்களால் அங்கு மக்கள் நிலை குலைந்துள்ளனர்.

சில தினங்களுக்கு முன்பு ஆப்கானிஸ்தானின் ஹெரட் மாகாண இராணுவ முகாம் ஒன்றில் தங்கியிருந்த இராணுவ வீரர்களில் இருவர் தமது சக வீரர்கள் மீது துப்பாக்கிச் சூடு நடத்தியதில் 12 வீரர்கள் பலியாகினர்.