உலகம்

ரஷ்யாவின் சோச்சி நகரில் தரையிறங்கிய விமானம் ஒன்று ஓடுதளத்துக்கு வெளியே சென்று தீப்பற்றியதில் 18 பேர் காயங்களுக்கு உள்ளாகி உள்ளனர்.

உடேர் ரக யுடி579 என்ற இந்த போயிங் 737-800 ரக விமானம் 164 பயணிகளுடனும் 6 விமான ஊழியர்களுடனும் ஏற்றியவாறு மாஸ்கோவில் இருந்து சோச்சி நகருக்கு புறப்பட்டது.

இதன் போது அது விமான நிலைய சுவரில் மோதி ஆற்றங்கரையில் விழுவது வீடியோவில் பதிவாகி உள்ளது. இதில் சிலருக்குத் தீக்காயமும் இன்னும் சிலருக்கு மூச்சுத் திணறலும் ஏற்பட்டது. மீட்பு நடவடிக்கையின் போது விமான நிலைய ஊழியர் ஒருவருக்கு மாரடைப்பும் ஏற்பட்டுள்ளது. விமானம் இறங்கும் சமயத்தில் கனமழை பெய்ததாகவும் இதனால் அது கட்டுப்பாட்டை மீறி ஓடுதளத்தை விட்டு வெளியேறியதுடன் அதன் ஒரு இறகுப் பகுதியும் சேதமடைந்ததில் விமானம் தீப்பிடித்து எரிந்துள்ளது.

காயம் அடைந்தர்கள் மீட்கப் பட்டு சிகிச்சை அளிக்கப் பட்டு வருகின்றனர். இதில் 3 பேர் குழந்தைகள் என்றும் அறிவிக்கப் பட்டுள்ளது. விமான விபத்துக்கான காரணம் குறித்து விசாரணை ஆரம்பிக்கப் பட்டுள்ளது. கடந்த மாதம் இதே விமான நிறுவனத்தைச் சேர்ந்த ஹெலிகாப்டர் ஒன்று வடமேற்கு சைபீரியாவில் விழுந்து வெடித்துச் சிதறியதில் 18 பேர் பலியாகி இருந்தனர். பெப்ரவரியில் ரஷ்ய ஏர்லைன்ஸ் விமானம் விபத்தில் சிக்கி இருந்தது. இவ்வாறு ரஷ்யாவில் சமீப காலமாக அதிகரித்து வரும் விமான விபத்துக்கள் தேசிய வான் வழிப் பாதுகாப்புப் பற்றிய கவலைகளை ரஷ்ய அரசுக்கு ஏற்படுத்தியுள்ளது.

2015 ஆமாண்டுக்குப் பின் ரஷ்யாவில் ஏற்பட்ட மிக மோசமான விபத்தாக இவ்விபத்து கருதப் படுகின்றது.

புதிய அரசியலமைப்பை உருவாக்குவதற்கான ஆணையை எதிர்வரும் பொதுத் தேர்தலில் நாட்டு மக்கள் வழங்க வேண்டும் என்று ஸ்ரீலங்கா பொதுஜன பெரமுனவின் தேசிய அமைப்பாளர் பசில் ராஜபக்ஷ வேண்டுகோள் விடுத்துள்ளார். 

“நீண்டகால கலாச்சராத்தையும் பாரம்பரியத்தினையும் பின்பற்றி வருகின்ற தமிழ் மக்களுடைய உரிமைகள் எவராலும் இலகுவாக நிராகரிக்கப்பட முடியாத ஒன்றாகும். இதனை மிகவும் உறுதியாக வலியுறுத்த விரும்புகின்றோம்.” என்று தமிழ்த் தேசியக் கூட்டமைப்பின் தலைவர் இரா.சம்பந்தன் தெரிவித்துள்ளார். 

இந்திய மத்திய மந்திரிசபை நவம்பர் மாதம் வரை ஏழைமக்களுக்கு இலவச அரிசி மற்றும் பருப்பு வழங்க ஒப்புதல் வழங்கியுள்ளது.

இந்தியாவில் பெரும் பரபரப்பை ஏற்படுத்திய சாத்தான்குளம் போலீசார் விசாரணையில் உயிரிழந்த தந்தை-மகன் சம்பவத்தையடுத்து தமிழ்நாட்டில் பிரெண்ட்ஸ் ஆஃப் போலீஸ் அமைப்பினருக்கு அரசு தடை விதித்துள்ளது.

அமெரிக்க அரசின் புதிய விசா முடக்கம் தொடர்பான உத்தரவால் அங்கு கல்வி பயிலும் வெளிநாட்டு மாணவர்கள் பெரும் பாதிப்படைந்துள்ளதுடன் இப்புதிய உத்தரவுக்கு எதிர்ப்புக்களும் எழுந்துள்ளன.

ஆஸ்திரேலியாவின் இரண்டாவது பெரிய நகரத்தில் புதிய கொரோனா நோய்த் தொற்று அதிகரிப்பு காரணமாக இரண்டாம் கட்ட லாக்டவுனை தொடங்கியுள்ளது.