உலகம்

கடந்த ஒரு வாரமாக லிபியாவின் தலைநகர் திரிபோலியில் இரு வேறு ஆயுதக் குழுக்களுக்கு இடையே இடம்பெற்று வரும் கடும் மோதல்களில் 40 இற்கும் மேற்பட்டவர்கள் பலியாகி உள்ளனர்.

இதனை லிபிய சுகாதாரத் துறை அமைச்சகம் உறுதிப் படுத்தியுள்ளது. இந்நிலையில் நேற்று முன் தினம் திரிபோலியின் தெற்கே உள்ள அயின் ஜாரா என்ற சிறை தகர்க்கப் பட்டுள்ளது.

இதன் அருகே ஆயுதம் தாங்கிய இரு குழுக்கள் இரு தினங்களுக்கு முன்பு கடுமையாக மோதிக் கொண்டன. இம்மோதலில் துப்பாக்கிகள் மற்றும் வெடிகுண்டுகளும் கூடப் பாவிக்கப் பட்டன. இதனால் குறித்த பகுதியில் பெரும் பதற்றம் ஏற்பட்டது. இச்சந்தர்ப்பத்தைப் பயன்படுத்தி அயின் ஜாரா சிறைக் கைதிகள் கலவரத்தில் ஈடுபட்டனர். இதன்போது சிறைக் கதவுகளை உடைத்துக் கொண்டு கிட்டத்தட்ட 400 கைதிகள் வெளியே தப்பி ஓடினர்.  தமது உயிருக்கு ஆபத்து ஏற்படும் என்ற அச்சத்தில் அங்கிருந்த சிறைக் காவலர்கள் குறித்த கலவரத்தையோ அல்லது சிறைத் தகர்ப்பையோ இரும்புக் கரம் கொண்டு ஒடுக்கவில்லை என்பது குறிப்பிடத்தக்கது.

இதைவிட திரிபோலியிலுள்ள ஒரு அகதி முகாம் மீதும் ராக்கெட்டு தாக்குதல் நடத்தப் பட்டுள்ளது. இதில் இருவர் கொல்லப் பட்டும் பலர் படுகாயம் அடைந்தும் உள்ளனர். ஆயுதக் குழுக்களுக்கு இடையே மோதல்களைக் கட்டுப்படுத்த லிபியாவில் கால வரையறை இன்றி அவசர கால நிலை பிரகடனப் படுத்தப் பட்டுள்ளமை குறிப்பிடத்தக்கது.

 

 

 

 

 

எமதுபார்வை

தமிழகத்தின் தலைப்புச் செய்திகள்

கோடம்பாக்கம் கோனர்

“கடந்த ஜனாதிபதித் தேர்தலில் தெற்கு மக்களின் வாக்குகளினால் வெற்றி பெற்றுள்ள போதிலும், வடக்கு –கிழக்கு மக்களை நாங்கள் கைவிட மாட்டோம்.” என்று பிரதமர் மஹிந்த ராஜபக்ஷ தெரிவித்துள்ளார். 

“வடக்கு –கிழக்கிலுள்ள தமிழ் மக்கள் அனைவரும் ஓரணியாக நிற்க வேண்டும். அதன்மூலமே பலமான சக்தியாக பாராளுமன்றத்துக்குள் எம்மால் இருக்க முடியும்.” என்று தமிழ்த் தேசியக் கூட்டமைப்பின் பேச்சாளர் எம்.ஏ.சுமந்திரன் தெரிவித்துள்ளார். 

இந்தியாவின் வேகமெடுத்திருக்கும் கொரோனா நோய்த்தொற்றால் கடந்த 24 மணி நேரத்தில் 22,772பேர் பாதிப்படைந்திருப்பதாக தெரிவிக்கப்படுகிறது.

சீனாவிலிருந்து மின் சாதனங்களை இறக்குமதி செய்ய இந்தியா தடை விதித்துள்ளது.

சீனாவில் மீண்டும் ஒரு முறை பன்றிகளிடம் இருந்து மனிதர்களிடையே பரவும் புதிய வகை வைரஸ் கண்டு பிடிக்கப் பட்டிருப்பதாகவும், இதுவும் கொரோனா போன்று பரவக் கூடும் என்றும் சமீபத்தில் ஊடங்களிடையே பரபரப்புச் செய்தி வெளியாகி இருந்தது.

3 மாதத்துக்கும் அதிகமான கடுமையான லாக்டவுன் காலத்தை அடுத்து இங்கிலாந்தில் இன்று சனிக்கிழமை முதற்கொண்டு பப்களும், உணவு விடுதிகளும் திறப்பதற்கு அனுமதியளிக்கப் பட்டுள்ளது.