உலகம்

பிரான்ஸில் எரிபொருள் விலைக்கு எதிராகவும் வாழ்வாதார செலவுகள் அதிகரித்திருப்பதற்கு எதிராகவும் மஞ்சல் ஜாக்கெட் என்ற பெயரில் 4 ஆவது வாரமாக அங்கு நடைபெற்று வரும் போராட்டத்தில் சமீபத்தில் வன்முறை வெடித்துள்ளது.

இதைத் தொடர்ந்து அங்கு தேசிய ஒற்றுமையை விரைவில் மீட்டெடுப்பதாக பிரெஞ்சு பிரதமர் இடுவா பிலீப் உறுதியளித்துள்ளார்.

கடந்த வாரத்தை விட இந்த வாரம் வன்முறை அதிகம் இருந்ததால் அதனைக் கட்டுப் படுத்த சுமார் 89 000 பாதுகாப்பு அதிகாரிகள் பிரான்ஸ் அரசால் நியமிக்கப் பட்டிருந்தனர். வன்முறை தொடர்பாக இதுவரை 1700 பேர் கைது செய்யப் பட்டுள்ளனர். மேலும் போராட்டத்தின் போது வன்முறையைக் கட்டுப் படுத்த போராட்டக் காரர்கள் மீது போலிஸார் சக்தி வாய்ந்த கண்ணீர்ப் புகைக் குண்டுகளையும் ரப்பர் குண்டுகளையும் பிரயோகித்தனர்.

இதேவேளை எந்தவொரு வரியும் எமது தேசிய ஒற்றுமையைக் குலைக்கக் கூடாது என பிரதமர் பிலீப் கருத்துத் தெரிவித்துள்ளார். சனிக்கிழமை அன்று பிரான்ஸ் தலைநகர் பாரிஸில் தீவிரமடைந்த வன்முறையினால் ஜன்னல்கள் உடைக்கப் படும் கார்கள் கொளுத்தப் பட்டும் பொதுச் சொத்துக்கு நாசம் விளைவிக்கப் பட்டது. இந்தப் போராட்டத்தில் சுமார் 10 000 பேர் ஈடுபட்டனர். பாரீஸில் பல வருடங்களில் இடம்பெறாத மோசமான போராட்டமாக இது கருதப் படுகின்றது.

மறுபுறம் பாரீஸில் இடம்பெற்று வரும் வன்முறைகள் காரணமாக அங்கு அமைந்துள்ள பிரபல சுற்றுலாப் பகுதியான ஈபிள் கோபுரத்துக்குச் செல்ல சனிக்கிழமை முதல் தற்காலிகத் தடை விதிக்கப் பட்டுள்ளது. மேலும் பாரீஸில் பதற்றம் நிலவும் 14 இடங்களில் பாதுகாப்புப் பலப் படுத்தப் பட்டுள்ளது.

 

எமதுபார்வை

தமிழகத்தின் தலைப்புச் செய்திகள்

கோடம்பாக்கம் கோனர்

நல்லாட்சிக் காலத்தில் மாகாண சபைத் தேர்தலை அப்போதைய பிரதமர் ரணில் விக்ரமசிங்கவே தடுத்து நிறுத்தியதாக முன்னாள் ஜனாதிபதி மைத்திரிபால சிறிசேன தெரிவித்துள்ளார். 

“கடந்த நல்லாட்சிக் காலத்தில் நியமிக்கப்பட்ட சுயாதீன ஆணைக்குழுக்கள் உண்மையாகவே சுயாதீனமானவையா? இல்லையா? என்பது தொடர்பில் சிக்கல் ஒன்று உள்ளமையினால், அவை பற்றி ஆராய உயர் மட்டத்தில் சுயாதீன ஆணைக்குழு அமைக்க நடவடிக்கை மேற்கொள்ளப்படும்.” என்று பிரதமர் மஹிந்த ராஜபக்ஷ தெரிவித்துள்ளார். 

கொரோனா நோய்த்தொற்று இந்தியாவில் அசுர வேகத்தில் பரவி வருவதால் இத் தொற்றால் மொத்தம் பாதித்தவர்களின் எண்ணிக்கை 7 லட்சம் 42 ஆயிரத்தை கடந்துள்ளது. எனினும் மும்பை நகரத்தின் தாராவியில் கொரோனா தொற்று கட்டுப்படுத்தப்பட்டுள்ளதாக தெரிவிக்கப்பட்டுள்ளது.

ஜம்மு-காஷ்மீரின் புல்வாமா மாவட்டத்தில் நடந்த

இந்தோனேசிய தீவின் ஜாவா கடற்கரையில் 6.6 ரிக்டர் அளவிலான நிலநடுக்கம் ஏற்பட்டுள்ளதாக தகவல்கள் தெரிவிக்கின்றன. உள்ளூர் அதிகாரிகள் வெளியிட்ட தகவல்களின்படி நிலநடுக்கம் காரணமாக எந்தவிதமான சேதமும் ஏற்படவில்லை என அறியவருகிறது.

தெற்காசிய நாடுகளில் இந்தியாவை அடுத்து மிக அதிக கொரோனா தொற்றுக்கள் கொண்ட நாடாக பாகிஸ்தான் விளங்குகின்றது.