உலகம்

2008 ஆமாண்டு சர்வதேச அளவில் ஏற்பட்ட நிதி நெருக்கடியை அடுத்து அரபு நாடுகளின் பட்ஜெட் பற்றாக்குறை தொடர்ந்து அதிகரித்து வருவதாகவும் இது மெல்ல மெல்ல அந்நாடுகளின் பொருளாதாரத்தை வீழ்ச்சியடையச் செய்து விடும் என்றும் சர்வதே நாணய நிதியமான IMF இன் நிர்வாக இயக்குனர் கிறிஸ்டைன் லெகார்டு என்பவர் எச்சரித்துள்ளார்.

துபாயில் சமீபத்தில் நடைபெற்ற மாநாடு ஒன்றில் அவர் பேசுகையில் கச்சா எண்ணெய் இறக்குமதி செய்யும் நாடுகள் பல வளர்ச்சிப் பாதையில் சென்று கொண்டிருக்கும் வேளையில் ஏற்றுமதி செய்யும் அரபு நாடுகள் சிலவோ நிதிப் பற்றாக்குறையில் உள்ளதாகச் சுட்டிக் காட்டியுள்ளார். கடந்த 10 ஆண்டுகளாக சில அரபு நாடுகளின் செலவினம் 64% வீதத்தில் இருந்து 85% வீத அளவுக்கு ஜிடிபி அதிகரித்துள்ளது. இவ்வாறு நிதிப் பற்றாக்குறையில் சிக்கியுள்ள அரபு நாடுகளின் பாதிக்கும் மேலானவற்றின் செலவினம் 90% வீதத்துக்கும் மேலானதாக உள்ளது. மேலும் 2014 ஆமாண்டு உலகளாவிய ரீதியில் ஏற்பட்ட கச்சா எண்ணெய் விலை வீழ்ச்சி தாக்கத்தில் இருந்து இன்னும் சில நாடுகள் மீளவேயில்லை என்பதும் குறிப்பிடத்தக்கது.

இந்த கடன் சுமையைத் தாக்குப் பிடிக்கும் வகையில் சவுதி அரேபியா மற்றும் ஐக்கிய அரபு குடியரசு ஆகியவை அறிமுகப் படுத்தியுள்ள வாட் எனப்படும் மதிப்பு கூட்டு வரி மற்றும் உற்பத்தி வரி விதிப்பு என்பன வரவேற்கத் தக்க அம்சங்கள் என்றும் தெரிவித்த லெகார்டு ஆனாலும் இப்பிராந்தியத்தின் பொருளாதார வளர்ச்சியானது மிகவும் சவால் நிறைந்ததாகத் தான் உள்ளது என்றும் தெரிவித்துள்ளார்.

இதேவேளை துபாயின் தலைநகர் அபுதாபியில் உள்ள நீதித்துறையானது அங்கு அரச நீதிமன்ற உத்தியோகபூர்வ மொழிகளின் பட்டியலில் அரபு, ஆங்கிலம் என்பவற்றுக்கு அடுத்ததாக ஹிந்தியைச் சேர்த்துள்ளதும் குறிப்பிடத்தக்கது.

 

அரச கணக்குகள் பற்றிய குழுவின் (CoPA) தலைவராக ஆளுங்கட்சி பாராளுமன்ற உறுப்பினர் பேராசிரியர் திஸ்ஸ விதாரண நியமிக்கப்பட்டுள்ளார். 

‘20வது அரசியலமைப்புத் திருத்தச் சட்டமூலத்துக்கு ஆதரவாக தற்போது கருத்து வெளியிடும் ஆளுங்கட்சியினர் இன்னும் சில வருடங்களில் இதற்காக மக்களிடம் மன்னிப்புக் கேட்க வேண்டிவரும்.’ என்று மக்கள் விடுதலை முன்னணியின் (ஜே.வி.பி) பாராளுமன்ற உறுப்பினர் விஜித ஹேரத் தெரிவித்துள்ளார். 

இன்று அதிகாலை குஜராத்தில் உள்ள ஓ.என்.ஜி.சி ஆலையில் திடிரென தீ விபத்து ஏற்பட்டது.

இந்தியாவில் 10 நாட்கள் நடைபெற்ற மாநிலங்களவையின் மழைக்கால கூட்டத்தொடர் முன்கூட்டியே நிறைவு செய்யப்பட்டு ஒத்திவைக்கப்பட்டுள்ளது.

கடந்த வியாழக்கிழமை ஐரோப்பிய யூனியன் தலைவர்களை புருஸ்ஸெல்ஸில் சந்தித்த நிலையில், தொடர்ந்து இழுபறியில் இருந்து வரும் பிரெக்ஸிட் விடயத்தில் தொடர்ந்து விளையாட வேண்டாம் என இலண்டனில் இருக்கும் பிரிட்டன் அதிகாரிகளிடம் ஜேர்மனியின் ஐரோப்பா விவகாரங்களுக்கான அமைச்சர் மைக்கேல் றொத் எச்சரிக்கை விடுத்துள்ளார்.

உலகின் வடதுருவத்துக்கு அருகே உள்ள கிறீன்லாந்து மற்றும் தென் துருவத்தின் அத்திலாந்திக் கடல் ஆகிய இடங்களில் இருக்கும் பனிப்பாறைகள் நிகழ்காலத்தில் அதிகரித்து வரும் உலக வெப்பமயமாக்கலினால் வேகமாக உருகி வருகின்றன.