உலகம்

இன்றைய உலகில் காலநிலை மாற்றத்தின் விளைவு பல்வேறு நாடுகளிலும் வித்தியாசமான தாக்கங்களை தொடர்ந்து தீவிரமாக ஏற்படுத்தியே வருகின்றது. இதன் ஒரு கட்டமாக நியூசிலாந்தில் கடந்த 64 ஆண்டுகளில் இல்லாத வகையில் காட்டுத் தீ ஏற்பட்டுள்ளது.

நெல்சன் என்ற நகரில் தொடர்ந்து 6 ஆவது நாளாகக் காட்டுத் தீ பற்றி எரிந்து வருகின்றது.

இதுவரை 3000 இற்கும் அதிகமான மக்கள் வீடுகளை விட்டு வெளியேறி உள்ளனர். காட்டுத் தீயைக் கட்டுப் படுத்த 23 ஹெலிகாப்டர்களுடன் பல நூற்றுக் கணக்கான தீயணைப்பு வீரர்கள் ஈடுபட்டு வருகின்றனர். ஆயினும் காட்டுத் தீயின் வேகமும் உக்கிரமும் அதிகமாக உள்ளதால் இவர்கள் கடும் சிரமத்தை எதிர் நோக்கியுள்ளனர். மேலும் தீயின் வீரியத்தை எதிர் நோக்க மேலும் 75 000 பேர் வீடுகளை விட்டு வெளியேறத் திட்டமிட்டு வருகின்றனர்.

இந்தக் காட்டுத் தீ தாக்கியுள்ள பிஜெயொன் வலே (Pigeon Valley )என்ற வனமானது நியூசிலாந்தின் 4 மிகப் பெரிய வனங்களில் ஒன்றாகும்.
இதேவேளை பருவ நிலை மாற்றத்தின் காரணமாக வட துருவத்தில் மட்டும் செறிந்து வாழும் துருவக் கரடிகள் அல்லது பனிக் கரடிகளில் சில ரஷ்யாவின் வடக்கே நொவாயா ஜெம்லியா என்ற தீவுப் பகுதிக்குள் டஜன் கணக்கில் நுழைந்துள்ளன. சில ஆயிரம் மக்கள் மட்டுமே வாழும் இப்பகுதியில் அங்கிருக்கும் குடியிருப்புப் பகுதிகள் மற்றும் பொதுக் கட்டடங்களுக்குள் இவை நுழைந்து பொது மக்கள் சிலரைத் தாக்கியதாகத் தகவல் வெளியாகி உள்ளது.

பருவ நிலை மாற்றம் காரணமாக ஏற்பட்ட உணவுப் பற்றாக்குறை காரணமாகவே இவ்வாறு இந்தப் பனிக்கரடிகள் பொதுமக்கள் குடியிருப்புக்குள் நுழைந்துள்ளதாகக் கூறப்படுகின்றது. இந்நிலையில் இப்பகுதியில் பொது மக்களைப் பாதுகாக்க விசேட போலிசார்கள் பனியில் அமர்த்தப் பட்டுள்ளனர்.

புதிய அரசியலமைப்பை உருவாக்குவதற்கான ஆணையை எதிர்வரும் பொதுத் தேர்தலில் நாட்டு மக்கள் வழங்க வேண்டும் என்று ஸ்ரீலங்கா பொதுஜன பெரமுனவின் தேசிய அமைப்பாளர் பசில் ராஜபக்ஷ வேண்டுகோள் விடுத்துள்ளார். 

“நீண்டகால கலாச்சராத்தையும் பாரம்பரியத்தினையும் பின்பற்றி வருகின்ற தமிழ் மக்களுடைய உரிமைகள் எவராலும் இலகுவாக நிராகரிக்கப்பட முடியாத ஒன்றாகும். இதனை மிகவும் உறுதியாக வலியுறுத்த விரும்புகின்றோம்.” என்று தமிழ்த் தேசியக் கூட்டமைப்பின் தலைவர் இரா.சம்பந்தன் தெரிவித்துள்ளார். 

இந்தியாவில் பெரும் பரபரப்பை ஏற்படுத்திய சாத்தான்குளம் போலீசார் விசாரணையில் உயிரிழந்த தந்தை-மகன் சம்பவத்தையடுத்து தமிழ்நாட்டில் பிரெண்ட்ஸ் ஆஃப் போலீஸ் அமைப்பினருக்கு அரசு தடை விதித்துள்ளது.

கொரோனா நோய்த்தொற்று இந்தியாவில் அசுர வேகத்தில் பரவி வருவதால் இத் தொற்றால் மொத்தம் பாதித்தவர்களின் எண்ணிக்கை 7 லட்சம் 42 ஆயிரத்தை கடந்துள்ளது. எனினும் மும்பை நகரத்தின் தாராவியில் கொரோனா தொற்று கட்டுப்படுத்தப்பட்டுள்ளதாக தெரிவிக்கப்பட்டுள்ளது.

இந்தோனேசிய தீவின் ஜாவா கடற்கரையில் 6.6 ரிக்டர் அளவிலான நிலநடுக்கம் ஏற்பட்டுள்ளதாக தகவல்கள் தெரிவிக்கின்றன. உள்ளூர் அதிகாரிகள் வெளியிட்ட தகவல்களின்படி நிலநடுக்கம் காரணமாக எந்தவிதமான சேதமும் ஏற்படவில்லை என அறியவருகிறது.

தெற்காசிய நாடுகளில் இந்தியாவை அடுத்து மிக அதிக கொரோனா தொற்றுக்கள் கொண்ட நாடாக பாகிஸ்தான் விளங்குகின்றது.