உலகம்

இன்று ஞாயிற்றுக்கிழமையுடன் தாய்வானில் 3 ஆவது நாளாக நீடிக்கும் சீன ஏர்லைன்ஸ் விமான நிறுவனத்தின் பைலட்டுக்களது வேலை நிறுத்தப் போராட்டம் அங்கு மேலும் பல விமான சேவைகள் இடைநிறுத்தப் பட்டுள்ளன.

இந்த பைலட்டுக்களின் யூனியனின் முக்கிய கோரிக்கைகளாக 8 மணித்தியாலத்துக்கும் அதிகமான விமானப் பயணத்துக்கு மேலதிக பைலட்டுக்கள் நியமிக்கப் பட வேண்டும் என்பதும் மிகவும் எளிமையாக்கப் பட்ட ஒரு பொறிமுறை மூலம் வருடக் கடைசியில் வழங்கப் படும் போனஸ் மற்றும் ஏனைய சலுகைகள் தொடர்பில் கவனம் செலுத்த வேண்டும் என்பதும் அமைந்துள்ளது.

ஞாயிற்றுக்கிழமை மட்டும் இந்த வேலை நிறுத்தம் காரணமாக 47 விமானப் பயணங்கள் ரத்து செய்யப் பட்டுள்ளன. இதில் ஈடுபட்ட பைலட்டுக்களின் யூனியனில் மொத்த பைலட்டுக்களான 1300 இல் 70% வீதம் அடங்குகின்றனர். ஏற்கனவே CAL பணியாளர் குழு 2016 இல் 24 மணித்தியால வேலை நிறுத்தத்தில் ஈடுபட்டிருந்தது.

தாய்வானின் முக்கிய இரு ஏர்லைன்ஸ்களில் ஒன்றான சீனா ஏர்லைன்ஸின் இந்த வேலை நிறுத்தத்தால் ஹாங்கொங், பாங்கொக், லாஸ் ஏஞ்சல்ஸ், மனிலா மற்றும் டோக்கியோ ஆகிய நகரங்களுக்குச் செல்லும் முக்கிய சர்வதேச விமானப் பயணங்கள் தடைப் பட்டுள்ளன என்பது குறிப்பிடத்தக்கது.

ஜனாதிபதி கோட்டாபய ராஜபக்ஷவினால் அண்மையில் நிறுவப்பட்டுள்ள புதிய ஜனாதிபதி செயலணிகள் இரண்டினது அதிகாரங்கள் மற்றும் செயற்பாடுகள் குறித்து பல்வேறு சந்தேகங்கள் காணப்படுவதாக மாற்றுக் கொள்கைகளுக்கான நிலையம் தெரிவித்துள்ளது. 

கேகாலையில் ஆரம்பமான பயிர்களை தாக்கும் மஞ்சள் புள்ளிகளைக் கொண்ட வெட்டுக்கிளிகள் மேலும் பல மாவட்டங்களுக்கு வியாபித்துள்ள நிலையில், பாலைவனத்தில் காணப்படும் வெட்டுக்கிளிகள் இலங்கைக்கு வரக்கூடிய அனர்த்தம் காணப்படுவதாக தெரிவிக்கப்பட்டுள்ளது. 

2,36,657 கொரோனா பாதிப்பாளர்கள் இந்தியாவில் இன்று பதிவாகியுள்ளதாக மத்திய சுகாதார அமைச்சகம் தெரிவித்து உள்ளது. அதோடு கொரோனா நோயாளிகளுக்கு சிகிச்சை அளிக்க மறுக்கும் தனியார் மருத்துவமனைகளுக்கு எதிராக நடவடிக்கை எடுக்கப்படும் என அரவிந்த் கெஜ்ரிவால் எச்சரித்துள்ளார்.

இந்தியா சீனா எல்லைப்பிரச்சனை குறித்து இரு நாட்டு அதிகாரிகளுக்கிடையில் இன்று பேர்ச்சுவார்த்தை நடைபெற இருப்பதாகவும் இரு நாடுகளும் அமைதிப் பேர்ச்சுவார்த்தையின் மூலம் தீர்வு காண சம்மதித்திருப்பதாவும் செய்திகள் தெரிவிக்கின்றன.

கொரோனா வைரஸ் தடுப்பூசி உருவாக்கப்பட்டு வருகின்ற நிலையில், அடுத்த ஆண்டுக்கு முன்னர் அது பரவலாக கிடைப்பது சாத்தியமில்லை என ஊகிக்கப்படுகிறது.

Worldometers இணையத் தளத்தின் சமீபத்திய கொரோனா புள்ளிவிபரம் :