உலகம்

பங்களாதேஷ் தலைநகர் டாக்காவில் இலுள்ள அடுக்குமாடிக் குடியிருப்பு ஒன்றில் திடீரென ஏற்பட்ட தீ விபத்தில் சிக்கிப் பலியானவர்கள் எண்ணிக்கை 81 ஆக அதிகரித்துள்ளது.

இக்குடியிருப்பின் ஒரு பகுதியில் இருந்த இரசாயனப் பொருட்கள் வைத்திருக்கும் குடோனில் ஏற்பட்ட தீ தான் பின்னர்4 அடுக்கு மாடிகளில் உள்ள குடியிருப்பு முழுதும் பரவியுள்ளது.

இதில் பலியானவர்களில் பலர் கவலைக்கிடமாக இருப்பதால் பலியானவர்கள் எண்ணிக்கை அதிகரிக்கலாம் என அஞ்சப் படுகின்றது. தற்போது தீயணைப்பு வீரர்களால் தீ முற்றாக அணைக்கப் பட்டுள்ள நிலையில் கட்டட இடிபாடுகளுக்குள் சிக்கியுள்ள மக்களைத் தேடும் பணி மும்முரமாக நடைபெற்று வருகின்றது. இத் தீ விபத்தில் குறித்த குடியிருப்புப் பகுதியின் அருகே நிறுத்தி வைக்கப் பட்டிருந்த 2 வாகனங்கள் மற்றும் 10 சைக்கில் ரிக்‌ஷாக்களும் கருகியுள்ளன.

தீயை அணைக்கும் பணியில் சுமார் 200 தீயணைப்பு வீரர்கள் ஈடுபடுத்தப் பட்டனர். அடுக்குமாடியில் தீ பரவிய போது பொது மக்கள் வெளியேறும் அவசரத்தில் ஒருவரை இன்னொருவர் தாண்டிச் செல்ல முயன்ற போது ஏற்பட்ட நெரிசலால் தான் உள்ளே சிக்கியவர்கள் தீக்கு இரையாகி உள்ளனர். இரசாயனப் பொருட்கள் இருந்த இடத்தில் கேஸ் சிலிண்டரில் ஏற்பட்ட கசிவு தீயை ஏற்படுத்தியிருக்கக் கூடும் எனக் கருதப் படுகின்றது. பங்களாதேஷில் பல தொழிற்சாலைக் கட்டடங்களும், குடியிருப்புக்களும் மிக மோசமான பராமரிப்புக் காரணமாக அடிக்கடி விபத்து ஏற்பட்டு வருவது குறிப்பிடத்தக்கது.

 

எமதுபார்வை

தமிழகத்தின் தலைப்புச் செய்திகள்

கோடம்பாக்கம் கோனர்

முல்லைத்தீவு தேவிபுரம் பகுதியில் அமைந்துள்ள செஞ்சோலை வளாகத்தில் கடந்த 2006ஆம் ஆண்டு விமானப்படையினரின் தாக்குதலில் உயிரிழந்த 54 மாணவிகள் உள்ளிட்ட 61 பேரின் 14ஆம் ஆண்டு நினைவு தினம் இன்று வெள்ளிக்கிழமை அனுஷ்டிக்கப்பட்டது. 

தமிழ்த் தேசிய மக்கள் முன்னணியின் தேசிய அமைப்பாளர் மற்றும் ஊடகப் பேச்சாளர் பதவிகளில் இருந்து விஸ்வலிங்கம் மணிவண்ணன் நீக்கப்பட்டுள்ளார். 

காங்கிரஸ் எம்.எல்.ஏ.க்கள் கூட்டத்தில் சச்சின் பைலட் பங்கேற்றதுடன் ராஜஸ்தான் முதல் மந்திரி அசோக் கெலாட்டினையும் இன்று சந்தித்துள்ளார்.

பிரதமர் நரேந்திர மோடி; வெளிப்படையாகவும் நேர்மையாகவும் வரி செலுத்துவோரை கௌரவித்தல் எனும் புதிய திட்டத்தை இன்று காணொலி மூலம் ஆரம்பித்துவைத்தார்.

உலகின் முதல் நாடாக ரஷ்யா அறிவித்திருக்கும் தடுப்பு மருந்தை பரிசோதனைக்கு உட்படுத்திப் பார்க்க பிலிப்பைன்ஸ் நாட்டு அதிபர் ரோட்ரிகோ டியுடெர்ட் விருப்பம் தெரிவித்துள்ளார்.

சுவிற்சர்லாந்தில் COVID-19 வைரஸ் தொற்றுக்கள் மீண்டும் அதிகரித்து வருவதால், 1,000 க்கும் மேற்பட்ட மக்கள் கூடும் நிகழ்வுகளுக்கான தடையினை மேலும் ஒரு மாதத்திற்குள் நீட்டிப்பதாக, சுவிஸ் மத்திய கூட்டாட்சி அமைப்பு புதன் கிழமை அறிவித்துள்ளது.