உலகம்

சிரியாவின் கிழக்கே ஈராக் எல்லையருகில் பாகூஸ் என்ற ஊரில் ISIS தீவிரவாதிகளுக்கும் அமெரிக்க ஆதரவுடன் சிரிய ஜனநாயகப் படைக்கும் இடையே கடும் சண்டை இடம்பெற்று வருகின்றது.

இந்த கிராமம் தான் ISIS தீவிரவாதிகள் வசமிருக்கும் கடைசி கிராமம் என்றும் இக்கிராமம் அமெரிக்க ஆதரவு சிரிய படைகள் வசமானால் 2014 இல் அத்தீவிரவாதிகள் தாம் அமைத்ததாகக் கூறும் கலிபேட் என்ற இராசசியம் முடிவுக்கு வந்து விடும் என அமெரிக்காவும் கூட்டணிப் படைகளும் முறைப்படி அறிவிக்கலாம் என எதிர்பார்க்கப் படுகின்றது.

ஆனாலும் ஒரு தரப்பினர் ISIS இப்பகுதியை இழந்தாலும் உலகின் பிற பகுதிகளில் தாக்குதல்களை நடத்தும் சக்தியுள்ள அமைப்பாகவும் பாதுகாப்புக்கு அச்சுறுத்தலாகவும் அவர்கள் தொடர்ந்து நீடிப்பர் என்றும் கருதுகின்றனர். எனினும் பாகூஸில் மார்ச் முதலாம் திகதி முதல் தாக்குதல் முற்றி வந்துள்ளது. நடுவே பொது மக்களை ISIS தீவிரவாதிகள் கேடயங்களாகப் பயன்படுத்தியமையால் அவர்களைப் படிப்படியாக விடுவிக்க வேண்டிய தேவையும் சிரிய படையினருக்கு இருந்துள்ளது. எனினும் பல ஆயிரக் கணக்கான பொது மக்கள் வெளியேற்றப் பட்டதுடன் நூற்றுக் கணக்கான ISIS போராளிகள் சரணடைந்தும் உள்ளனர்.

இதேவேளை ISIS இன் தோல்வி குறித்து உத்தியோகபூர்வ அறிவிப்பு வருமா என இன்னும் சில நாட்கள் பொறுத்திருந்து தான் பார்க்க வேண்டும்.

ஜனாதிபதி கோட்டாபய ராஜபக்ஷவினால் அண்மையில் நிறுவப்பட்டுள்ள புதிய ஜனாதிபதி செயலணிகள் இரண்டினது அதிகாரங்கள் மற்றும் செயற்பாடுகள் குறித்து பல்வேறு சந்தேகங்கள் காணப்படுவதாக மாற்றுக் கொள்கைகளுக்கான நிலையம் தெரிவித்துள்ளது. 

கேகாலையில் ஆரம்பமான பயிர்களை தாக்கும் மஞ்சள் புள்ளிகளைக் கொண்ட வெட்டுக்கிளிகள் மேலும் பல மாவட்டங்களுக்கு வியாபித்துள்ள நிலையில், பாலைவனத்தில் காணப்படும் வெட்டுக்கிளிகள் இலங்கைக்கு வரக்கூடிய அனர்த்தம் காணப்படுவதாக தெரிவிக்கப்பட்டுள்ளது. 

2,36,657 கொரோனா பாதிப்பாளர்கள் இந்தியாவில் இன்று பதிவாகியுள்ளதாக மத்திய சுகாதார அமைச்சகம் தெரிவித்து உள்ளது. அதோடு கொரோனா நோயாளிகளுக்கு சிகிச்சை அளிக்க மறுக்கும் தனியார் மருத்துவமனைகளுக்கு எதிராக நடவடிக்கை எடுக்கப்படும் என அரவிந்த் கெஜ்ரிவால் எச்சரித்துள்ளார்.

இந்தியா சீனா எல்லைப்பிரச்சனை குறித்து இரு நாட்டு அதிகாரிகளுக்கிடையில் இன்று பேர்ச்சுவார்த்தை நடைபெற இருப்பதாகவும் இரு நாடுகளும் அமைதிப் பேர்ச்சுவார்த்தையின் மூலம் தீர்வு காண சம்மதித்திருப்பதாவும் செய்திகள் தெரிவிக்கின்றன.

கொரோனா வைரஸ் தடுப்பூசி உருவாக்கப்பட்டு வருகின்ற நிலையில், அடுத்த ஆண்டுக்கு முன்னர் அது பரவலாக கிடைப்பது சாத்தியமில்லை என ஊகிக்கப்படுகிறது.

Worldometers இணையத் தளத்தின் சமீபத்திய கொரோனா புள்ளிவிபரம் :