உலகம்

நாம் அண்மைக் காலமாக ஈரானை மிக நுணுக்கமாக அவதானித்து வருகின்றோம்.

ஈரான் எமக்கு எதிராக ஏதும் நடந்து கொண்டால் நிச்சயம் அவர்கள் கடுமையாக வருத்தப் பட நேரிடும் என அமெரிக்க அதிபர் டிரம்ப் சூளுரைத்துள்ளார். வெள்ளை மாளிகையில் ஹங்கேரி பிரதமர் விக்டர் ஒர்பனுடனான சந்திப்புக்கு முன்பு செய்தியாளர்களிடம் இக்கருத்தை டிரம்ப் தெரிவித்துள்ளார்.

இதன் போது டிரம்ப், நாம் ஈரானுக்கு என்ன நடக்கக் கூடும் என்பதை நிச்சயம் பார்ப்போம். அவர்கள் எமக்கு எதிராக எந்த நடவடிக்கையில் ஈடுபட்டாலும் அது நிச்சயம் அவர்களுக்கு ஒரு பெரிய தவறாகவே இருக்கும் என்றுள்ளார். இதேவேளை ஈரானின் அச்சுறுத்தலை எதிர்கொள்வதற்காக அங்கு 120 000 துருப்புக்களை அனுப்ப டிரம்ப் திட்டமிட்டுள்ளதாக வெளியான செய்தியையும் டிரம்ப் மறுத்துரைத்துள்ளதுடன் அது ஒரு வதந்தி என்றும் தெரிவித்துள்ளார்.

இதேவேளை சவுதி எண்ணெய்க் கப்பல்கள் மீது தாக்குதல் நடந்துள்ளதால் வளைகுடா பகுதியில் பதற்றம் ஏற்பட்டுள்ளது. சவுதி அரேபியாவைச் சேர்ந்த இரு எண்னெய்க் கப்பல்கள் உட்பட 4 கப்பல்கள் தாக்கப் பட்டு சிதைக்கப் பட்டுள்ளன என்றும் இதன் பின்னணியில் முக்கிய சதி இருப்பதாகவும் அந்நாடு தெரிவித்துள்ளது. சில நாட்களுக்கு முன்பு ஈரானுடனான பதற்றம் காரணமாக வளைகுடா பகுதியில் அமெரிக்க இராணுவம் மீதான தாக்குதல்களைத் தடுக்க அந்நாடுகளுக்குத் தனது ஏவுகணை அமைப்புக்கள் மற்றும் போர்க் கப்பல்களை அமெரிக்கா அனுப்பி வைத்திருந்தது குறிப்பிடத்தக்கது.

உலகில் எண்ணெய்ப் போக்குவரத்துக்கு ஆதாரமாக உள்ள முக்கிய ஹோர்முஸ் நீரிணைப்புப் பகுதியை மூடப் போவதாக ஈரான் எச்சரித்துள்ளதாலும், ஈரானை ஒட்டி உள்ள பகுதிகளில் அமெரிக்கா தனது போர் விமானங்களையும், கப்பல்களையும் நிறுத்தியுள்ளதாலும் இப்பகுதியில் போர்ப் பதற்றம் நிலவுகின்றதும் நோக்கத் தக்கது.

 

தியாகி திலீபனின் நினைவேந்தலை முன்னிட்டு சாவகச்சேரி சிவன் ஆலய முன்றலில் தற்போது (இன்று சனிக்கிழமை) உண்ணாவிரதப் போராட்டமொன்று முன்னெடுக்கப்படுகின்றது. 

தியாகி திலீபனின் நினைவேந்தல் நிகழ்வுகளுக்கு தடைவிதிக்கப்பட்ட நிலையில், செல்வச் சந்நிதி முருகன் ஆலய முன்றலில் நாளை சனிக்கிழமை முன்னெடுக்கப்படவிருந்த உண்ணாவிரதப் போராட்டத்துக்கு பருத்தித்துறை நீதவான் நீதிமன்றம் தடை விதித்துள்ளது. 

இந்தியாவில் வேளாண் மசோதாக்களுக்கு எதிரான போராட்டம் வலுப்பெற்று வருகிறது.

இந்தியத் திரைவானில் சுமார் 40 ஆயிரம் பாடல்களைப் பாடிய சாதனைச் சொந்தக்காரர் பின்னணிப் பாடகர் எஸ்.பி.பாலசுப்ரமணியம் அமைதியுற்றார்.

சுவிற்சர்லாந்து தலைநகர் பேர்ன் நாடாளுமன்றித்தின் முன்னதாக அமைந்துள்ள சுதந்திர சதுக்கத்தில் வாரத் தொடக்கத்தில் "மாற்றத்திற்கான எழுச்சி" இன் ஆர்வலர்கள் உருவாக்கிய "காலநிலை முகாம்" வெளியேற்றப்பட்ட மூன்று நாட்களுக்குப் பிறகு, நேற்று வெள்ளி மாலை ஹெல்வெட்டியா பிளாட்ஸில் கூடினர்.

ஒரு பயனுள்ள தடுப்பூசி பரவலாகப் பயன்படுத்தப்படுவதற்கு முன்னர் உலகளாவிய கொரோனா வைரஸ் இறப்பு எண்ணிக்கை இரண்டு மில்லியனை எட்டக்கூடும் என்று உலக சுகாதார அமைப்பு (WHO) எச்சரித்துள்ளது.