உலகம்

ஞாயிற்றுக்கிழமை தஜிகிஸ்தானின் வாக்தட் என்ற நகரிலுள்ள சிறையில் கைதிகளுக்கு இடையே மோதல் ஏற்பட்டது.

பின்னர் இந்த மோதல் கலவரமாக உருவெடுத்தது. கலவரத்தை அடக்க முடியாத சூழல் ஏற்பட்டதால் பாதுகாப்புப் படையினர் துப்பாக்கிச் சூடு நடத்தினர். இதில் 32 சிறைக் கைதிகள் கொல்லப் பட்டதாகத் தகவல் வெளியாகி உள்ளது.

இவ்வாறு கொல்லப் பட்டவர்களில் பலர் ISIS தீவிரவாதிகள் ஆவர். இது தவிர பாதுகாவலர்களும் கொல்லப் பட்டுள்ளனர். தற்போது சிறையில் கலவரம் கட்டுப்பாட்டுக்குள் கொண்டு வரப் பட்டுள்ளது. கலவரம் ஏற்பட்டதற்கான காரணம் குறித்து விசாரணை நடத்தப் பட்டு வருகின்றது. இக்கலவரத்தைத் தூண்டியது தஜிகிஸ்தான் படைப் பிரிவின் முன்னால் தலைவராக இருந்த கல்முரட் காலிமொவ் என்பவரின் மகன் பெக்ரஸ் குல்மர்ட் என தஜிகிஸ்தான் நாட்டு அமைச்சகம் தெரிவித்துள்ளது.

தஜிகிஸ்தான் தலைநகர் அருகே அமைந்துள்ள இச்சிறையில் சுமார் 1500 இற்கும் அதிகமான கைதிகள் அடைக்கப் பட்டுள்ளனர். இச்சிறையில் பலத்த பாதுகாப்புக்கு மத்தியிலும் ஏற்பட்ட இக்கலவரத்தில் ஆயுதமேந்திய கைதிகள் சிலரால் 3 சிறைக் காவலர்களும் 5 கைதிகளும் படுகொலை செய்யப் பட்டனர். இதைத் தொடர்ந்தே பாதுகாப்புப் படையினர் துப்பாக்கிச் சூட்டை ஆரம்பித்தனர்.

இவற்றையும் பார்வையிடுங்கள்

கொரோனா வைரஸ் தொற்று காரணமாக வீடுகளில் நிகழும் உயிரிழப்புக்களைத் தடுப்பதற்கு உடனடி நடவடிக்கை எடுக்குமாறு ஜனாதிபதி கோட்டாபய ராஜபக்ஷ உத்தரவிட்டுள்ளதாக இராணுவ தளபதி சவேந்திர சில்வா தெரிவித்துள்ளார். 

மஹர சிறைச்சாலையில் நேற்று ஞாயிற்றுக்கிழமை இடம்பெற்ற வன்முறையை அடுத்து தமது வைத்தியசாலைக்கு 6 சடலங்கள் எடுத்து வரப்பட்டதாக ராகம வைத்தியசாலை நிர்வாகம் அறிவித்துள்ளது. 

மீண்டும் வங்கடலில் உருவாகியுள்ள காற்றழுத்த தாழ்வுபகுதியால் தென் தமிழகத்தில் கனமழை பெய்ய வாய்ப்பு உள்ளதாக தெரிவிக்கப்பட்டுள்ளது.

இந்தியாவின் டெல்லியை நோக்கி விவசாயிகள் 2வது நாளாக பேரணி மேற்கொண்டுள்ளனர். இதனால் டெல்லியில் போக்குவரத்து பாதிக்கப்பட்டுள்ளதாக தெரிவிக்கப்படுகிறது.

இத்தாலியின் சுகாதார அதிகாரிகள் கடந்த வெள்ளிக்கிழமை வழங்கிய சோதனை தரவுகளின் படி, கடந்த 14 நாட்களில் நாடு முழுவதும் , கோவிட் -19 வைரஸ் தொற்று வீதம் குறைந்திருப்பதனால், மூன்று சிவப்பு மண்டலங்கள் மற்றும் இரண்டு ஆரஞ்சு மண்டலங்களில் இந்த வார இறுதியில் அதாவது இன்று ஞாயிறு முதல் பாதுகாப்பு விதிகள் தளர்த்தப்படும்.

சுவிற்சர்லாந்தில் முதல் கொரோனா வைரஸ் தடுப்பூசிகள் அடுத்து வரும் இரண்டு மாதங்களுக்குள் வெளியிடப்படும் என்று சுவிஸ் சுகாதார அமைச்சர் அலைன் பெர்செட் தெரிவித்துள்ளார். சென்ற வியாழக்கிழமை இடம்பெற்ற செய்தியாளர் சந்திப்பொன்றில், பெர்செட் இதனைத் தெரிவித்துள்ளார்.