உலகம்

வெள்ளிக்கிழமை இரவு தெற்கு கலிபோர்னியாவில் 7.1 ரிக்டர் அளவுடைய ஒரு சக்தி வாய்ந்த நிலநடுக்கம் தாக்கியதில் கடும் பொருட் சேதம் ஏற்பட்டுள்ளது.

உயிரிழப்புக்கள் ஏதும் ஏற்படாத போதும் அடுத்தடுத்து தொடர் அதிர்வுகள் பதிவாகி வந்ததால் மக்கள் பீதியில் உள்ளனர். இதே பகுதியில் இதற்கு முன்பு 20 வருடங்களுக்கு முன் 6.4 ரிக்டரில் ஏற்பட்ட பூகம்பமே மிக சக்தி வாய்ந்ததாகும்.

கலிபோர்னியா மாநிலத்தின் லாஸ் ஏஞ்சல்ஸ் முதல் சான் டியாகோ வரை உணரப் பட்ட இந்த நிலநடுக்கத்தால் பல கட்டடங்களும், சாலைகளும் சேதமடைந்ததுடன் ஒரு சில இடங்களில் நிலக்கீழ் எரிவாயுக் குழாய் சேதமடைந்து இரு வீடுகளில் தீ விபத்தும் ஏற்பட்டுள்ளது. லாஸ் ஏஞ்சல்ஸ் நகரில் நிலநடுக்கம் உணரப் பட்ட போது சிபிஎஸ் செய்தி நிறுவன செய்தித் தொகுப்பாளர் மேசையின் அடியே ஒழிந்து கொண்ட சம்பவம் தற்போது இணையத்தில் வைரலாகி வருகின்றது.

இதேவேளை இன்று ஞாயிற்றுக்கிழமை இந்தோனேசியாவைத் தாக்கிய 7.1 ரிக்டர் அளவுடைய இன்னுமொரு சக்தி வாய்ந்த நிலநடுக்கத்தால் சுனாமி எச்சரிக்கை விடுக்கப் பட்டது. இதனால் கிட்டத்தட்ட 200 000 இற்கும் அதிகமான மக்கள் டெர்னாட்டே என்ற நகரில் இருந்து அதியுயர் நிலங்களுக்கு இடம்பெயர்ந்துள்ளனர். இந்த நிலநடுக்கத்தால் ஏற்பட்ட உயிரிழப்புக்கள் தொடர்பில் இதுவரை உத்தியோகபூர்வ தகவல் எதுவும் வெளியாகவில்லை. இதே பகுதியில் மீண்டும் சக்தி வாய்ந்த நிலநடுக்கம் தாக்கலாம் என இந்தோனேசிய புவியியல் ஆராய்ச்சி நிலையம் மேலும் எச்சரித்துள்ளது.

2018 இல் இந்தோனேசியாவின் பலு என்ற நகரில் தாக்கிய நிலநடுக்கத்தால் 4300 பேர் உயிரிழந்திருந்தனர் என்பது குறிப்பிடத்தக்கது.

 

“தமிழ் மக்கள் ஒரு தேசத்துக்கான உரிமையைக் கொண்டவர்கள். அதனாலேயே, தம்மைத்தாமே ஆளும் உரிமைக் கோரி போராடுகிறார்கள்.” என்று தமிழ் மக்கள் தேசியக் கூட்டணியின் தலைவர் சி.வி.விக்னேஸ்வரன் தெரிவித்துள்ளார். 

கொழும்பு நகரிலும் அதன் புறநகர் பகுதிகளிலும் தற்காலிகமாக தங்கியுள்ளவர்களை அருகில் உள்ள பொலிஸ் நிலையத்தில் பதிவு செய்துகொள்ளுமாறு பொலிஸார் வேண்டுகோள் விடுத்துள்ளனர். 

கொரோனா வைரஸ் தொற்றின் கடும் தாக்குதலுக்கு உள்ளாகியுள்ள டெல்லி முழுவதையும் தனிமைப்படுத்தும் வகையில், அதன் அனைத்த எல்லைகளையும் மூடுவதற்கு உத்தரிவிட்டுள்ளார் டெல்லி முதல்வர் அர்விந் கெஜ்ரிவால். வைரசின் பரவலைக் கட்டுப்படுத்தவும், அவதானிக்கவும், வேண்டி இந்த முடிவு எடுக்கபட்டிருப்பதாக அவர் தெரிவித்துள்ளார்.

சென்ற வாரத்தில் பெரும் சர்ச்சையை ஏற்படுத்தியிருந்த " காட்மேன்" இணையத் தொடர் மீதாக மத்திய குற்றப்பிரிவு பொலிசார் வழக்குத் தொடுத்துள்ளதாகத் தெரிய வருகிறது.

கடந்த திங்கட்கிழமை அமெரிக்காவில் கருப்பின இளைஞரான ஜார்ஜ் ஃப்ளாய்ட் என்பவரை போலிசார் வேண்டுமேன்றே சித்திரவதை செய்து கொன்ற சம்பவம் தொடர்பான வீடியோ சமூக வலைத் தளத்தில் வெளியானதில் இருந்து இன்று வரை அங்கு கருப்பின, சிறுபான்மை இன மக்களால் முன்னெடுக்கப் பட்ட ஆர்ப்பாட்டம் கலவரமாக வெடித்துள்ளது.

சுமார் 9 ஆண்டுகளுக்குப் பின் அமெரிக்க மண்ணில் இருந்து வெற்றிகரமாக நாசா மற்றும் தனியார் விண்வெளி ஓட ராக்கெட்டு நிறுவனமான ஸ்பேஸ் எக்ஸ் ஆகியவை இணைந்து இரு அமெரிக்க விண்வெளி வீரர்களுடன் Crew Dragon என்ற ஓடத்தை பூமிக்கு மேலே விண்ணில் சுற்றி வரும் ISS என்ற சர்வதேச விண்வெளி ஆய்வு கூடத்துக்கு அனுப்பியுள்ளன.