உலகம்

கடந்த ஜூலை 6 ஆம் திகதி தனது 84 ஆவது பிறந்த நாளை அனுசரித்த திபேத்தின் புத்த மத ஆன்மிகத் தலைவரும் துறவியுமான தலாய் லாமாவின் பிறந்த நாள் கொண்டாட்டங்களில் திங்கட்கிழமை ஈடுபட திபேத்திய அகதிகளுக்கு அனுமதி மறுத்துள்ளது நேபால் அரசு.

இதற்கு முக்கிய காரணமாக சீனாவுடன் அதிகரித்து வரும் பொருளாதார மற்றும் பாதுகாப்பு உறவு என்பது அமைந்துள்ளது.

பாதுகாப்புக் காரணங்களுக்காக மேற்குலக நாட்டைச் சேர்ந்தவர்கள் கூட இவரின் பிறந்த நாளைக் கொண்டாட அனுமதி மறுத்துள்ளது நேபாலின் கே பி சர்மா ஒலி தலைமையிலான அரசு. கடந்த காலங்களில் இந்தியா நோக்கித் தமது நிலப் பரப்பின் ஊடாகப் பயணித்த திபேத்திய அகதிகளைக் கைது செய்து சீன அதிகாரிகளிடம் நேபால் அரசு கையளித்திருந்த வரலாறும் உண்டு என்பது குறிப்பிடத்தக்கது. தற்போது நேபாலில் குறைந்த பட்சம் 20 000 திபேத்தியர்கள் வசிப்பதாகக் கணிக்கப் பட்டுள்ளது.

இந்நிலையில் சட்டம் மற்றும் பாதுகாப்பு போன்ற காரணங்களால் தான் தலாய் லாமாவின் பிறந்த நாளைக் கொண்டாட அனுமதி மறுக்கப் பட்டதாக நேபாலின் அரச ஊடகத்துறை ராய்ட்டர்ஸ் ஊடகத்துக்குத் தெரிவித்துள்ளது. ஆனால் இது அப்பட்டமான மனித உரிமை மீறல் எனப் பொது மக்கள் அமைப்புக்கள் கண்டனம் தெரிவித்துள்ளன. நேபாலின் பல பாடசாலைகளில் தற்போது சீன மொழி கட்டாயப் பாடம் ஆக்கப் பட்டுள்ளது.

மேலும் அண்மையில் நேபாலின் இராணுவத் தலைமை அதிகாரி பீஜிங்கிற்கு விஜயம் செய்தமைக்கு இந்திய அரசு தனது அதிருப்தியை வெளிப்படுத்தியதும் குறிப்பிடத்தக்கது.

 

எமதுபார்வை

தமிழகத்தின் தலைப்புச் செய்திகள்

கோடம்பாக்கம் கோனர்

“மக்கள் வாக்களிப்பு நிலையங்களுக்கு வருவதால் கொரோனா தொற்று பரவலாமென பயப்படத் தேவையில்லை. சுகாதார நடவடிக்கைகள் பலப்படுத்தப்பட்டிருக்கின்றன. அதற்காக 1,000 கோடி ரூபா என்ற பெருந் தொகைப் பணத்தை ஒதுக்கியிருக்கின்றோம்.” என்று தேர்தல் ஆணைக்குழுத் தலைவர் மஹிந்த தேசப்பிரிய தெரிவித்துள்ளார். 

“முஸ்லிம் மக்களை தவறாக வழிநடத்தி அதிகாரத்திற்கு வந்த முஸ்லிம் தலைவர்கள் எனது ஆட்சிக் காலத்திலும் இருந்தனர். ஆனால், அனைத்து இன மக்களையும் ஜனநாயக உரிமைகளுடன் வாழ வைப்பதே எமது இலக்கு.” என்று பிரதமர் மஹிந்த ராஜபக்‌ஷ தெரிவித்துள்ளார். 

இந்திய மத்திய மந்திரிசபை நவம்பர் மாதம் வரை ஏழைமக்களுக்கு இலவச அரிசி மற்றும் பருப்பு வழங்க ஒப்புதல் வழங்கியுள்ளது.

இந்தியாவில் பெரும் பரபரப்பை ஏற்படுத்திய சாத்தான்குளம் போலீசார் விசாரணையில் உயிரிழந்த தந்தை-மகன் சம்பவத்தையடுத்து தமிழ்நாட்டில் பிரெண்ட்ஸ் ஆஃப் போலீஸ் அமைப்பினருக்கு அரசு தடை விதித்துள்ளது.

கொரோனா வைரஸ் தொற்று நோய்களின் அதிக ஆபத்து இருப்பதாக அறிவிக்கப்பட்ட 13 நாடுகளுக்கு இத்தாலி தனது எல்லைகளை மூடுவதாக அறிவித்துள்ளது.

கொரோனா வைரசின் கடும் பாதிப்புக்குள்ளான நாடுகளில் ஒன்றான இத்தாலியில், தலையொட்டிப்பிறந்த இரட்டையர்களை அறுவை சிகிச்சை மூலம் வெற்றிகரமாகப் பிரித்து, மருத்துவ உலகில் மகத்தான சாதனை புரிந்துள்ளார்கள் இத்தாலிய மருத்துவர்கள்.