உலகம்

யேமெனில் துறைமுக நகரமான ஏடனில் அரச படைகளுடன் புரட்சிப் படையினர் உச்சக் கட்ட மோதலில் ஈடுபட்டு வருகின்றனர்.

அண்மையில் நடைபெற்ற மோதலில் 40 இற்கும் மேற்பட்ட பொது மக்கள் உயிரிழந்ததுடன் 260 பேர் வரை படுகாயம் அடைந்துள்ளனர். கடந்த சில வருடங்களாக யேமெனில் வளைகுடா நாடுகளுடன் ஹௌத்தி புரட்சிப் படையினர் மேற்கொண்டு வரும் மோதலில் ஆயிரக் கணக்கான மக்கள் உயிரிழந்துள்ளனர்.

முக்கியமாக ஹௌத்திக்களின் வசம் இருக்கும் தலைநகர் சனாவின் சில பகுதிகளிலும், துறைமுக நகரான ஏடனிலும் கடும் மோதல் இடம்பெற்று வருகின்றது. புரட்சிப் படைக்கு எதிராக போரில் ஈடுபட்டு வரும் யேமென் இராணுவத்துக்கு வான் வழியாகவும், தரை வழியாகவும் சவுதி தலைமையிலான வளைகுடா கூட்டணி நாடுகள் உதவி வருகின்றன.

இந்நிலையில் கடந்த வியாழக்கிழமை தொடக்கம் யேமெனில் இடம்பெற்ற உச்சக் கட்ட தாக்குதல்களில் இரு தரப்பிலும் 40 இற்கும் அதிகமான போராளிகளும், பொது மக்களும் உயிரிழந்துள்ளனர். இதனை உள்நாட்டு ஊடகங்களும், ஐ.நா கண்காணிப்பு முகாமை அமைப்பும் உறுதிப் படுத்தியுள்ளன. தாக்குதல்களில் படுகாயம் அடைந்து சிகிச்சை பெற்று வரும் சிலரது நிலை கவலைக்கிடமாக இருப்பதால் பலி எண்ணிக்கை அதிகரிக்கலாம் எனவும் அஞ்சப் படுகின்றது.

 

 

எமதுபார்வை

தமிழகத்தின் தலைப்புச் செய்திகள்

கோடம்பாக்கம் கோனர்

“எதிர்வரும் பொதுத் தேர்தலில் பொதுஜன பெரமுனவினராகிய நாங்கள் 130க்கும் அதிகமான ஆசனங்களை வெற்றிகொள்வோம்.” என்று பொதுஜன பெரமுனவின் தவிசாளர் பஷில் ராஜபக்ஷ தெரிவித்துள்ளார். 

“நாட்டு மக்களின் இன்ப துன்பங்களில் பங்கெடுக்கும் அக்கறையுள்ள அரசாங்கத்தை நாம் உருவாக்குவோம்.” என்று ஐக்கிய மக்கள் சக்தியின் தலைவர் சஜித் பிரேமதாச தெரிவித்துள்ளார். 

இந்தியாவில் சர்வதேச விமான சேவை ஆகஸ்ட் 31 ஆம் திகதி வரை ரத்து செய்யப்படுவதாக அறிவிக்கப்பட்டுள்ளது.

தமிழகத்தில் ஆக. 31-ம் தேதி வரை ஊரடங்கு நீட்டித்திருப்பதாகவும் அனைத்து ஞாயிற்றுக்கிழமைகளிலும் முழு ஊரடங்கு அமல் எனவும் முதல்வர் பழனிசாமி அறிவித்துள்ளார்.

இத்தாலி ஜெனோவா நெடுஞ்சாலையில், 2018 ஆகஸ்ட் 14 ம் ஆண்டு இடிந்து விழுந்த "மொராண்டி பாலம்" 43 உயர்களை காவு கொண்டிருந்தது.

சுவிற்சர்லாந்தின், வாட், வலாய்ஸ் மற்றும் ஜெனீவா மாநிலங்களை கொரோனா வைரஸ் தொற்று சிவப்பட்டியலிட்டு, பயணத்தை தடை செய்ய பெல்ஜியம் முடிவு செய்துள்ளது.