உலகம்

ரஷ்யத் தலைநகர் மாஸ்கோவில் கடந்த பல வருடங்களில் இல்லாதளவுக்கு நியாயமான தேர்தலை வலியுறுத்தி கிட்டத்தட்ட 50 000 பொது மக்கள் பெரும் ஆர்ப்பாட்டப் பேரணியில் பங்கு பற்றியுள்ளனர்.

எதிர்வரும் செப்டம்பர் 8 ஆம் திகதி ரஷ்யத் தலைநகர் மாஸ்கோவில் நகர உள்ளாட்சி உறுப்பினர்களுக்கான தேர்தல் நடைபெறவுள்ளது.

இதில் முக்கிய எதிர்க்கட்சி உறுப்பினர்கள் சிலர் தாக்கல் செய்த வேட்பு மனுக்களில் குளறுபடிகள் இருப்பதாகக் காரணம் காட்டி அவர்களுக்குத் தேர்தால் அதிகாரிகள் தடை விதித்தனர். இம்முடிவைத் திரும்பப் பெறக் கோரியும் தேர்தலில் குறித்த எதிர்க்கட்சி உறுப்பினர்கள் போட்டியிட அனுமதிப்பதன் மூலம் நியாயமான தேர்தலை நடத்தக் கோரியும் கடந்த ஜூலை 21 ஆம் திகதி சுமார் 22 000 பேர் வீதிகளில் இறங்கி ஆர்ப்பாட்டத்தில் ஈடுபட்டனர். இதன் போது 1400 பேரைப் போலிசார் கைது செய்து அவர்கள் மீது அடக்குமுறையைப் பிரயோகித்தனர்.

2011-2012 ஆமாண்டுக்குப் பின் ரஷ்யாவில் இடம்பெற்ற மிகப்பெரிய ஆர்ப்பாட்டம் இதுவாகும். தற்போது இந்த ஆர்ப்பாட்டப் பேரணியில் குறைந்தது 50 000 பேர் வரை சேர்ந்துள்ளனர். இந்தப் பேரணியின் மத்தியில் மாஸ்கோ அரசு தடை செய்த போதும் பிரபலமான பாடகர்களின் நிகழ்ச்சிகள் நடைபெற்றுள்ளன. சனிக்கிழமை இடம்பெற்ற ஆர்ப்பாட்டத்தில் போலிசார் ரகசியமாக எதிர்க்கட்சி ஆர்வலர் லியுபோவ் சோபோலின் அலுவலகத்துக்குச் சென்று விசாரணை நிமித்தம் அழைத்துச் சென்றுள்ளனர்.

இதனைத் தனது டுவிட்டர் செய்தியின் மூலம் உறுதிப் படுத்திய அவர் தன்னால் போராட்டத்துக்கு வர இயலாது போனாலும் என்ன செய்ய வேண்டும் என்று உங்களுக்குத் தெரியும், ரஷ்யா சுதந்திரமாக இருக்கும்! எனவும் டுவிட்டரில் தெரிவித்துள்ளார்.

மாஸ்கோ ஆர்ப்பாட்டத்தில் இன்றும் 8 பேர் கைது செய்யப் பட்டதாக போலிசார் தெரிவித்துள்ளனர்.

புதிய அரசியலமைப்பை உருவாக்குவதற்கான ஆணையை எதிர்வரும் பொதுத் தேர்தலில் நாட்டு மக்கள் வழங்க வேண்டும் என்று ஸ்ரீலங்கா பொதுஜன பெரமுனவின் தேசிய அமைப்பாளர் பசில் ராஜபக்ஷ வேண்டுகோள் விடுத்துள்ளார். 

“நீண்டகால கலாச்சராத்தையும் பாரம்பரியத்தினையும் பின்பற்றி வருகின்ற தமிழ் மக்களுடைய உரிமைகள் எவராலும் இலகுவாக நிராகரிக்கப்பட முடியாத ஒன்றாகும். இதனை மிகவும் உறுதியாக வலியுறுத்த விரும்புகின்றோம்.” என்று தமிழ்த் தேசியக் கூட்டமைப்பின் தலைவர் இரா.சம்பந்தன் தெரிவித்துள்ளார். 

இந்தியாவில் பெரும் பரபரப்பை ஏற்படுத்திய சாத்தான்குளம் போலீசார் விசாரணையில் உயிரிழந்த தந்தை-மகன் சம்பவத்தையடுத்து தமிழ்நாட்டில் பிரெண்ட்ஸ் ஆஃப் போலீஸ் அமைப்பினருக்கு அரசு தடை விதித்துள்ளது.

கொரோனா நோய்த்தொற்று இந்தியாவில் அசுர வேகத்தில் பரவி வருவதால் இத் தொற்றால் மொத்தம் பாதித்தவர்களின் எண்ணிக்கை 7 லட்சம் 42 ஆயிரத்தை கடந்துள்ளது. எனினும் மும்பை நகரத்தின் தாராவியில் கொரோனா தொற்று கட்டுப்படுத்தப்பட்டுள்ளதாக தெரிவிக்கப்பட்டுள்ளது.

இந்தோனேசிய தீவின் ஜாவா கடற்கரையில் 6.6 ரிக்டர் அளவிலான நிலநடுக்கம் ஏற்பட்டுள்ளதாக தகவல்கள் தெரிவிக்கின்றன. உள்ளூர் அதிகாரிகள் வெளியிட்ட தகவல்களின்படி நிலநடுக்கம் காரணமாக எந்தவிதமான சேதமும் ஏற்படவில்லை என அறியவருகிறது.

தெற்காசிய நாடுகளில் இந்தியாவை அடுத்து மிக அதிக கொரோனா தொற்றுக்கள் கொண்ட நாடாக பாகிஸ்தான் விளங்குகின்றது.