உலகம்

பாகிஸ்தானைக் கருப்புப் பட்டியலில் சேர்க்க சர்வதேசத் தீவிரவாதத் தடுப்பு அமைப்பான FATF எதிர்வரும் பெப்ரவரி 2020 வரை 4 மாதக் காலக்கெடு நிபந்தனை விதித்துள்ளது.

அதாவது பாகிஸ்தானில் இருந்து செயற்பட்டு வரும் தீவிரவாதிகளைத் தடுத்து நிறுத்தவே அந்நாட்டு அரசுக்கு இந்தக் காலக்கெடு அளிக்கப் பட்டுள்ளது. இது தொடர்பில் 27 விதிமுறைகளை விதித்துள்ள FATF அமைப்பு தமக்குத் திருப்தி அளிக்கும் விதத்தில் பாகிஸ்தான் செயற்படாவிட்டால் அதனை நிச்சயம் ஆபத்தான நாடுகளின் கருப்புப் பட்டியலில் சேர்ப்போம் என்று தெரிவித்துள்ளது.

தீவிரவாதிகளுக்கான நிதியுதவியைத் தடுத்தல் மற்றும் சட்ட விரோதமான பணப் பரிவர்த்தனையை நிறுத்துதல் போன்ற நடவடிக்கைகளுக்காக இந்த சர்வதேச தீவிரவாத நிதித்தடுப்பு அமைப்பு பாரிஸில் இயங்கி வருகின்றது. ஏற்கனவே இது தொடர்பில் 2018 ஆமாண்டு ஜூன் மாதம் 15 மாத அவகாசம் வழங்கப் பட்டிருந்தது. இந்த அவகாசம் முடிந்துள்ள நிலையில் தான் தற்போது FATF அமைப்பின் மறு ஆய்வுக் கூட்டம் கடந்த இரு நாட்களாகப் பாரிஸில் இடம்பெற்றது.

இதில் 200 இற்கும் மேற்பட்ட நாடுகளின் பிரதிநிதிகள் பங்கேற்றிருந்தனர். இதன்போது மலேசியா, துருக்கி மற்றும் சீனா ஆகிய நாடுகள் சம்மதிக்காத காரணத்தினால் தான் பாகிஸ்தானை உடனடியாகத் தீவிரவாதிகளுக்கான கருப்புப் பட்டியலில் சேர்க்காது வெறும் எச்சரிக்கை மாத்திரம் விடுக்கப் பட்டது என்பது குறிப்பிடத்தக்கது.

இவற்றையும் பார்வையிடுங்கள்

கொரோனா வைரஸ் தொற்று காரணமாக வீடுகளில் நிகழும் உயிரிழப்புக்களைத் தடுப்பதற்கு உடனடி நடவடிக்கை எடுக்குமாறு ஜனாதிபதி கோட்டாபய ராஜபக்ஷ உத்தரவிட்டுள்ளதாக இராணுவ தளபதி சவேந்திர சில்வா தெரிவித்துள்ளார். 

மஹர சிறைச்சாலையில் நேற்று ஞாயிற்றுக்கிழமை இடம்பெற்ற வன்முறையை அடுத்து தமது வைத்தியசாலைக்கு 6 சடலங்கள் எடுத்து வரப்பட்டதாக ராகம வைத்தியசாலை நிர்வாகம் அறிவித்துள்ளது. 

மீண்டும் வங்கடலில் உருவாகியுள்ள காற்றழுத்த தாழ்வுபகுதியால் தென் தமிழகத்தில் கனமழை பெய்ய வாய்ப்பு உள்ளதாக தெரிவிக்கப்பட்டுள்ளது.

இந்தியாவின் டெல்லியை நோக்கி விவசாயிகள் 2வது நாளாக பேரணி மேற்கொண்டுள்ளனர். இதனால் டெல்லியில் போக்குவரத்து பாதிக்கப்பட்டுள்ளதாக தெரிவிக்கப்படுகிறது.

இத்தாலியின் சுகாதார அதிகாரிகள் கடந்த வெள்ளிக்கிழமை வழங்கிய சோதனை தரவுகளின் படி, கடந்த 14 நாட்களில் நாடு முழுவதும் , கோவிட் -19 வைரஸ் தொற்று வீதம் குறைந்திருப்பதனால், மூன்று சிவப்பு மண்டலங்கள் மற்றும் இரண்டு ஆரஞ்சு மண்டலங்களில் இந்த வார இறுதியில் அதாவது இன்று ஞாயிறு முதல் பாதுகாப்பு விதிகள் தளர்த்தப்படும்.

சுவிற்சர்லாந்தில் முதல் கொரோனா வைரஸ் தடுப்பூசிகள் அடுத்து வரும் இரண்டு மாதங்களுக்குள் வெளியிடப்படும் என்று சுவிஸ் சுகாதார அமைச்சர் அலைன் பெர்செட் தெரிவித்துள்ளார். சென்ற வியாழக்கிழமை இடம்பெற்ற செய்தியாளர் சந்திப்பொன்றில், பெர்செட் இதனைத் தெரிவித்துள்ளார்.