உலகம்

இந்தியாவுடனான தபால் சேவையை நிறுத்திக் கொள்வதாக திங்கட்கிழமை பாகிஸ்தான் திடீரென அறிவித்துள்ளது.

இது சர்வதேச தபால் சேவை மரபுகளுக்கு எதிரானது என இந்தியா கண்டனம் தெரிவித்துள்ளது. ஏற்கனவே ஜம்மு காஷ்மீருக்கான சிறப்பு அந்தஸ்தை ஆகஸ்ட் மாதம் மோடி தலைமையிலான இந்திய அரசு நீக்கம் செய்ததை அடுத்து இந்தியாவுடனான வர்த்தக உறவை முறித்துக் கொள்வதாக பாகிஸ்தான் உடனே அறிவித்தது.

அதனைத் தொடர்ந்து டெல்லியில் பணிபுரிந்த தமது நாட்டுத் தூதரைத் திரும்ப அழைத்ததுடன் பாகிஸ்தானில் செயற்பட்ட இந்தியத் தூதரை திருப்பி அனுப்பவும் செய்தது பாகிஸ்தான் அரசு. மேலும் இந்தியா பாகிஸ்தான் இடையே இயங்கி வந்த சம்ஜோதா எக்ஸ்பிரஸ் ரயில் சேவையையும் பாகிஸ்தான் நிறுத்திக் கொண்டது. வாகா எல்லையையும் மூடிக் கொண்டது.

மேலும் அண்மையில் இடம்பெற்ற ஐ.நா பாதுகாப்பு சபை ஒன்று கூடலில் பாகிஸ்தான் பிரதமர் இம்ரான் கான் இந்தியா பாகிஸ்தான் இடையே அணுவாயுதப் போர் மூளும் அபாயம் ஏற்பட்டுள்ளது என்ற தொனியில் பேசினார். மேலும் எல்லையில் அதிகரித்த பதற்றம் காரணமாக சனிக்கிழமை இரவு முதல் ஜம்மு காஷ்மீர் குப்வாரா மாவட்டத்தின் எல்லைப் பகுதியில் பாகிஸ்தான் இராணுவம் அத்துமீறித் தாக்குதல் நடத்தியது. இதில் இரு இந்திய இராணுவ வீரர்கள் அடங்கலாக 3 பேர் பலியாகினர். இதற்குப் பீரங்கித் தாக்குதல் மூலம் இந்தியா பதிலடி கொடுத்தது.

இந்தப் பதிலடித் தாக்குதலில் கிட்டத்தட்ட 10 பாகிஸ்தான் துருப்புக்கள் பலியானதாகவும், இப்பகுதியில் செயற்பட்டு வந்த 3 தீவிரவாத முகாம்கள் அழிக்கப் பட்டதாகவும் இந்தியா தெரிவித்துள்ளது குறிப்பிடத்தக்கது.

“விமர்சனங்கள் எல்லாவற்றுக்கும் நாம் பதிலளித்துக்கொண்டிருக்க முடியாது. தமிழ்த் தேசியக் கூட்டமைப்புக்குள் ஒற்றுமை மிக அவசியம். சர்ச்சையை ஏற்படுத்தியுள்ள எம்.ஏசுமந்திரனின் சிங்கள நேர்காணல் தொடர்பில் தமிழரசுக் கட்சியின் மத்திய செயற்குழு கூடி ஆராயும்.” என்று கூட்டமைப்பின் தலைவர் இரா.சம்பந்தன் தெரிவித்துள்ளார். 

“நாம் மிகவும் மதிக்கும் ஒரே சொத்து மனித அபிவிருத்தி என்பதால் எத்தகைய சிரமங்களை நாம் எதிர்கொண்டாலும் ´மக்களே முதன்மையானவர்கள்´ என்ற எமது கொள்கையில் சமரசம் செய்ய முடியாது” என்று ஜனாதிபதி கோட்டாபய ராஜபக்ஷ தெரிவித்துள்ளார். 

புலம்பெயர் தொழிலாளர்களின் அவலங்களுக்காக இணையவழியில் போராட்டம் நடத்துவதற்கு விடுதலைச் சிறுத்தைகள் கட்சித் தலைவர் திருமாவளவன்  திட்டமிட்டு இருப்பதாக கூறப்படுகிறது. அது தொடர்பாக அவர் வெளியிட்டுள்ள அறிக்கையில்;

இந்தியாவில் கொரோனா வைரஸ் தொற்றுப் பரவலைத் தடுப்பதற்காக மத்திய அரசு அறிவித்திருந்த ஊரடங்கு உத்தரவினால் கொரோனா வைரஸ் சமூகத் தொற்று குறைந்தது எனக் கூறப்பட்டாலும், மிகப்பெரிய சமூகப் பிரச்சனையாக எழுந்தது புலம் பெயர் தொழிலாளர்களின், சொந்தமாநிலங்களுக்கான நகர்வுகள்.

இத்தாலியின் வடக்கு பிராந்தியங்களான லோம்பார்டி, லிகுரியா மற்றும் பீட்மோண்ட் ஆகியவற்றில் ஜூன் 3 ஆம் தேதி பயணக் கட்டுப்பாடுகளை பாதுகாப்பாக அகற்றத் தயாராக இல்லை என்று இத்தாலியின் குழுமத்திற்கான சான்றுகளை அடிப்படையாகக் கொண்ட மருத்துவத்தின் புதிய ஆய்வின்படி தெரிவிக்கப்பட்டுள்ளது.

ரஷ்யாவின் மேற்பகுதியில் ஆர்க்டிக் துருவத்துக்கு கீழே அமைந்துள்ள உலகின் மிகப்பெரிய சைபீரிய சமவெளி மற்றும் அதன் காடுகளில் முக்கியமாக கட்டாங்கா என்ற பகுதியில் மிகவும் தீவிரமாக கடந்த சில நாட்களாகக் காட்டுத் தீ பரவி வருகின்றது.