உலகம்

ஐரோப்பிய கூட்டமைப்பில் இருந்து இங்கிலாந்து வெளியேறுவது தொடர்பாக அறிவிக்கப்ட்ட காலக்கெடுவான அக்டோபர் 31ந் திகதி அண்மித்து வருகிறது. ஆயினும் அந் நடவடிக்கை தொடர்பாக ஆரம்பம் முதலே இருந்து வரும் குழப்பங்களும் குறையவில்லை.

இங்கிலாந்தின் புதிய பிரதமர் போரிஸ் ஜான்சனும், ‘பிரெக்ஸிட்’ நடவடிக்கையெனத் தெரிவிக்கப்படும் இந் நடவடிக்கையை நிறைவேற்ற முடியாமல் தவித்து வருகிறார். முன்னதாக ஐரோப்பிய கூட்டமைப்புடன் ஏற்படுத்திக்கொண்ட ஒப்பந்தத்தின்படி வருகிற 31-ந்தேதிக்குள் ‘பிரெக்ஸிட்’ நிறைவேறும் என அவர் அறிவித்திருந்தார்.

போரிஸ் ஜான்சன் தாக்கல் செய்த திருத்தப்பட்ட ‘பிரெக்ஸிட்’ ஒப்பந்தமும், வழக்கம் போல் பாராளுமன்னற உறுப்பினர்களால் நிராகரிக்கப்பட்ட நிலையில், ‘பிரெக்ஸிட்’ நடவடிக்கைக்கான காலக்கெடுவை வரும் ஜனவரி மாதம் வரை நீட்டிக்க கோரிய சட்டத் தீர்மானத்துக்கான வாக்கெடுப்பில் 322 பேர் ஆதரவாகவும், 306 பேர் எதிராகவும் வாக்களித்தனர்.

இதன்படி ஐரோப்பிய கூட்டமைப்பில் இருந்து இங்கிலாந்து வெளியேறுவதற்கான காலக்கெடுவை நீட்டிக்கக் கோரி ஐரோப்பிய கூட்டமைப்புக்கு போரிஸ் ஜான்சன் கடிதம் அனுப்பியுள்ளார். இதேவேளை நேற்றைய தினம் ‘பிரெக்ஸிட்’ தொடர்பிலான திருத்தங்கள் மற்றும் விபரங்கள் உள்ளடங்கிய திரும்பப் பெறுதல் ஒப்பந்த மசோதா ஒன்றினை பிரதமர், உறுப்பினர்கள் முன் வைத்துள்ளார். இது தொடர்பாக விரைவில் உறுப்பினர்கள் விவாதிக்கவுள்ள நிலையில் அக்டோபர் 31ந் திகதி என்ன நிகழும் எனும் எதிர்பார்ப்பு எழுந்துள்ளது.

பாராளுமன்றத்தில் சமர்ப்பிக்கப்பட்டுள்ள 20வது திருத்தச் சட்டமூலத்துக்கு எதிராக இதுவரை 12 மனுக்கள் உயர்நீதிமன்றத்தில் தாக்கல் செய்யப்பட்டுள்ளன. 

தியாகி திலீபனின் நினைவு தினமான 26ஆம் திகதி தொண்டமனாறு செல்வச்சந்நிதி முருகன் ஆலய முன்றலில் உண்ணாவிரதப் போராட்டத்துக்கு தமிழ்க் கட்சிகள் அழைப்பு விடுத்துள்ளன. 

7 மாநில முதல் மந்திரிகளுடனான கொரோனா ஆலோசனை கூட்டத்தில் பிரதமர் நரேந்திர மோடி நேற்று கலந்துரையாடினார்.

இன்று அதிகாலை குஜராத்தில் உள்ள ஓ.என்.ஜி.சி ஆலையில் திடிரென தீ விபத்து ஏற்பட்டது.

நாளை வெள்ளிக்கிழமை முதலான வார இறுதி நாட்களில், சுவிற்சர்லாந்தின் பல பகுதிகளில் பனிப்பொழிவு இடம்பெறலாம் என சுவிஸ் வானிலை மையம் அறிவித்துள்ளது.

சுவிற்சர்லாந்தின் புகழ்பெற்ற லொசேன் ஈ.எச்.எல் ஹாஸ்பிடாலிட்டி மேனேஜ்மென்ட் கல்விக் கூடத்தில் சுமார் 2,500 மாணவர்கள், கொரோனா வைரஸ் தொற்றுக் காரணமாகத் தனிமைப்படுத்தப்பட்டுள்ளனர் என பிராந்திய அதிகாரிகள் நேற்று புதன்கிழமை அறிவித்துள்ளனர்.