உலகம்

2015 ஆமாண்டு மேற்கொள்ளப் பட்ட பாரிஸ் பருவநிலை மாற்ற உடன்படிக்கையில் இருந்து விலகுவது தொடர்பிலான அதிகாரப்பூர்வ அறிக்கையை அமெரிக்க அரசு ஐக்கிய நாடுகள் சபைக்கு அளித்துள்ளது.

இன்றைய உலகின் மிக முக்கிய பிரச்சினையாக உருவெடுத்துள்ள பருவநிலை மாற்றத்தைக் கட்டுப்படுத்துவதற்காக 2015 ஆமாண்டு பிரான்ஸின் போர்கேட் நகரில் 13 நாட்களுக்கு உச்சி மாநாடு இடம்பெற்றது.

மேலும் புவி வெப்ப மயமாதலுக்கு அடிப்படைக் காரணமான 'Green House Effect' என்ற விளைவைக் கட்டுப் படுத்துவது தொடர்பில் 2016 ஆமாண்டு ஏப்பிரல் மாதம் நியூயோர்க்கில் சர்வதேச மாநாடு ஒன்று இடம்பெற்றது. இதன் முடிவில் எட்டப் பட்ட உடன்படிக்கை தான் பாரிஸ் பருவநிலை மாற்ற உடன்படிக்கை ஆகும். இதில் உலகின் 56% வீதத்துக்கும் அதிகமான பசுமை குடில் வாயுக்களை வெளியேற்றும் 76 நாடுகள் அடங்கலாகப் பெருமளவிலான நாடுகள் கைச்சாத்திட்டன.

மேலும் கைச்சாத்திட்ட 50% சதவீதத்துக்கும் மேற்பட்ட நாடுகள் இதை முறைப்படி ஏற்று முக்கிய ஆவணங்களை ஐ.நா இடம் கையளித்தன. அமெரிக்க அதிபராக பாரக் ஒபாமா பதவி வகித்த போது இணங்கிய இந்த ஒப்பந்தம் நியாயமற்ற முறையில் அமெரிக்காவுக்குப் பெருமளவிலான பொருளாதாரச் சுமையை ஏற்படுத்துவதால் இனியும் அதில் நீடிக்க முடியாது என கடந்த ஆண்டு டிரம்ப் அறிவித்தார்.

எனவே தான் தற்போது இந்த பாரிஸ் ஒப்பந்தத்தில் இருந்து விலகும் அதிகாரப்பூர்வ அறிவிப்பை தற்போது ஐ.நா இடம் அமெரிக்கா கையளித்துள்ளது. இந்த விலகல் எப்படியும் ஓராண்டுக்குள் நடைமுறைக்கு வரும் என அமெரிக்க வெளியுறவுத் துறை மந்திரி மைக் பாம்பியோ தெரிவித்துள்ளார் என்பது குறிப்பிடத்தக்கது. கடந்த வருடம் டிரம்ப் அறிவித்திருந்த இந்த முடிவுக்கு பல அமெரிக்கக் குடிமக்களிடம் இருந்து எதிர்ப்புக் கிளம்பி இருந்தது. மேலும் வெள்ளை மாளிகை முன்பு ஆர்ப்பாட்டங்களும் இடம்பெற்றிருந்தன.

 

 

ஜனாதிபதி கோட்டாபய ராஜபக்ஷவினால் அண்மையில் நிறுவப்பட்டுள்ள புதிய ஜனாதிபதி செயலணிகள் இரண்டினது அதிகாரங்கள் மற்றும் செயற்பாடுகள் குறித்து பல்வேறு சந்தேகங்கள் காணப்படுவதாக மாற்றுக் கொள்கைகளுக்கான நிலையம் தெரிவித்துள்ளது. 

கேகாலையில் ஆரம்பமான பயிர்களை தாக்கும் மஞ்சள் புள்ளிகளைக் கொண்ட வெட்டுக்கிளிகள் மேலும் பல மாவட்டங்களுக்கு வியாபித்துள்ள நிலையில், பாலைவனத்தில் காணப்படும் வெட்டுக்கிளிகள் இலங்கைக்கு வரக்கூடிய அனர்த்தம் காணப்படுவதாக தெரிவிக்கப்பட்டுள்ளது. 

2,36,657 கொரோனா பாதிப்பாளர்கள் இந்தியாவில் இன்று பதிவாகியுள்ளதாக மத்திய சுகாதார அமைச்சகம் தெரிவித்து உள்ளது. அதோடு கொரோனா நோயாளிகளுக்கு சிகிச்சை அளிக்க மறுக்கும் தனியார் மருத்துவமனைகளுக்கு எதிராக நடவடிக்கை எடுக்கப்படும் என அரவிந்த் கெஜ்ரிவால் எச்சரித்துள்ளார்.

இந்தியா சீனா எல்லைப்பிரச்சனை குறித்து இரு நாட்டு அதிகாரிகளுக்கிடையில் இன்று பேர்ச்சுவார்த்தை நடைபெற இருப்பதாகவும் இரு நாடுகளும் அமைதிப் பேர்ச்சுவார்த்தையின் மூலம் தீர்வு காண சம்மதித்திருப்பதாவும் செய்திகள் தெரிவிக்கின்றன.

கொரோனா வைரஸ் தடுப்பூசி உருவாக்கப்பட்டு வருகின்ற நிலையில், அடுத்த ஆண்டுக்கு முன்னர் அது பரவலாக கிடைப்பது சாத்தியமில்லை என ஊகிக்கப்படுகிறது.

Worldometers இணையத் தளத்தின் சமீபத்திய கொரோனா புள்ளிவிபரம் :