உலகம்

1977 ஆமாண்டு ஆகஸ்ட் 20 ஆம் திகதி வொயேஜர் 1 செலுத்தப் பட 16 நாட்களுக்கு முன்பு சூரிய குடும்பத்தின் வெளிப்புற வாயுக் கோளங்களை ஆய்வு செய்வதற்காக நாசா அனுப்பிய வொயேஜர் 2 விண்கலம் சமீபத்தில் சூரிய குடும்பத்தைத் தாண்டி இண்டர்ஸ்டெல்லார் வெளியில் நுழைந்துள்ளது.

தனது நீண்ட சுற்று வளையப் பாதை காரணமாக இண்டர்ஸ்டெல்லாரில் நுழைய வொயேஜர் 1 ஐ விட அதிக காலம் எடுத்துக் கொண்ட இந்த விண்கலம் யுரேனஸ் மற்றும் நெப்டியூன் ஆகிய வாயுக் கோளங்களை ஆய்வு செய்த ஒரேயொரு விண்கலம் என்பது குறிப்பிடத்தக்கது.

தற்போது பூமியில் இருந்து 18 பில்லியன் கிலோமீட்டர்கள் தொலைவில் சென்று கொண்டிருக்கும் வொயேஜர் 2 விண்கலத்தில் இருந்து பூமிக்குத் தகவல் வர
16 மணித்தியாலமும் 30 நிமிடமும் எடுக்கின்றது. 2018 ஆமாண்டே இவ்விண்கலம் சூரிய குடும்பத்தின் விளிம்பை அடைந்து விட்டதாக நாசா அறிவித்திருந்தது. மேலும் Heliosphere எனப்படும் சூரிய குடும்பத்தின் எல்லைப் பகுதிக்கு அப்பால் தற்போது சென்று கொண்டிருக்கும் வொயேஜர் 2 இன் செயற்திட்டம் இனி இண்டர்ஸ்டெல்லாரை ஆய்வு செய்வது தான்.

இந்த இண்டர்ஸ்டெல்லார் வெளியானது சூரியனுக்கும், ஏனைய நட்சத்திரங்களுக்கும் இடையே நட்சத்திரத் தூசு துகள்கள், விண்கற்கள் மற்றும் வால்வெள்ளிகள் நிறைந்த பகுதியாகும். 40 வருடங்கள் கழிந்து இவ்வளவு தொலைவு சென்றுள்ள இரு வொயேஜர் விண்கலங்களுமே பூமியுடன் இன்னும் தகவல் தொடர்பில் இருந்து வருகின்றன.

ஜனாதிபதி கோட்டாபய ராஜபக்ஷவினால் அண்மையில் நிறுவப்பட்டுள்ள புதிய ஜனாதிபதி செயலணிகள் இரண்டினது அதிகாரங்கள் மற்றும் செயற்பாடுகள் குறித்து பல்வேறு சந்தேகங்கள் காணப்படுவதாக மாற்றுக் கொள்கைகளுக்கான நிலையம் தெரிவித்துள்ளது. 

கேகாலையில் ஆரம்பமான பயிர்களை தாக்கும் மஞ்சள் புள்ளிகளைக் கொண்ட வெட்டுக்கிளிகள் மேலும் பல மாவட்டங்களுக்கு வியாபித்துள்ள நிலையில், பாலைவனத்தில் காணப்படும் வெட்டுக்கிளிகள் இலங்கைக்கு வரக்கூடிய அனர்த்தம் காணப்படுவதாக தெரிவிக்கப்பட்டுள்ளது. 

2,36,657 கொரோனா பாதிப்பாளர்கள் இந்தியாவில் இன்று பதிவாகியுள்ளதாக மத்திய சுகாதார அமைச்சகம் தெரிவித்து உள்ளது. அதோடு கொரோனா நோயாளிகளுக்கு சிகிச்சை அளிக்க மறுக்கும் தனியார் மருத்துவமனைகளுக்கு எதிராக நடவடிக்கை எடுக்கப்படும் என அரவிந்த் கெஜ்ரிவால் எச்சரித்துள்ளார்.

இந்தியா சீனா எல்லைப்பிரச்சனை குறித்து இரு நாட்டு அதிகாரிகளுக்கிடையில் இன்று பேர்ச்சுவார்த்தை நடைபெற இருப்பதாகவும் இரு நாடுகளும் அமைதிப் பேர்ச்சுவார்த்தையின் மூலம் தீர்வு காண சம்மதித்திருப்பதாவும் செய்திகள் தெரிவிக்கின்றன.

கொரோனா வைரஸ் தடுப்பூசி உருவாக்கப்பட்டு வருகின்ற நிலையில், அடுத்த ஆண்டுக்கு முன்னர் அது பரவலாக கிடைப்பது சாத்தியமில்லை என ஊகிக்கப்படுகிறது.

Worldometers இணையத் தளத்தின் சமீபத்திய கொரோனா புள்ளிவிபரம் :