உலகம்

புதன்கிழமை அதிகாலை 4 மணிக்கு அல்பேனியாவின் மேற்குக் கடற்கரைப் பகுதியில் ரிக்டர் அளவில் 6.4 இல் தாக்கிய மோசமான நிலநடுக்கத்தின் சிதைவுகளில் சிக்கிப் பலியானவர்கள் எண்ணிக்கை 40 ஐக் கடந்துள்ளதாகச் செய்தி வெளியாகி உள்ளது.

அல்பேனியத் தலைநகர் டிரானாவில் இருந்து சுமார் 29 கிலோ மீட்டர் தூரத்தில் சிஜாக் என்ற இடத்துக்கு அருகே 20 கிலோ மீட்டர் ஆழத்தில் இது மையம் கொண்டிருந்ததாக அமெரிக்கப் புவியியல் ஆய்வு நிறுவனம் தெரிவித்துள்ளது.

அதிகாலையில் ஏற்பட்ட இந்த நிலநடுக்கம் மக்கள் மத்தியில் பெரும் பீதியை ஏற்படுத்தியுள்ளதுடன் இதனால் கட்டடங்கள் பலவற்றுக்கும் சேதம் ஏற்பட்டது. இதன் விளைவால் நூற்றுக்கும் அதிகமானவர்கள் படுகாயம் அடைந்துள்ளதாகவும் தெரிய வருகின்றது. இந்த நிலநடுக்கம் காரணமாக வியாழக்கிழமை அல்பேனியக் கொடியின் தினக் கொண்டாட்டங்களை பிரதமர் எடி ரமா ரத்து செய்து அங்கு துக்க தினத்தைப் பிரகடனம் செய்துள்ளார்.

ஐரோப்பாவின் தென்கிழக்குப் பகுதியில் அமைந்துள்ள நாடு அல்பேனியா ஆகும். இங்கு தற்போது போர்க்கால அடிப்படையில் மீட்புப் பணிகள் மும்முரமாக நடைபெற்று வருகின்றன.

 

எமதுபார்வை

தமிழகத்தின் தலைப்புச் செய்திகள்

கோடம்பாக்கம் கோனர்

“தமிழ்த் தேசியக் கூட்டமைப்பின் கடந்த காலச் செயற்பாடுகள் தொடர்பில் தமிழ் மக்கள் மதிப்பீட்டைச் செய்ய வேண்டும். அதன் பின்னரே, இம்முறை வாக்களிக்க வேண்டும்.” என்று தமிழ் மக்கள் தேசியக் கூட்டணியின் தலைவர் சி.வி.விக்னேஸ்வரன் கோரியுள்ளார். 

“எதிர்வரும் பொதுத் தேர்தலில் போட்டியிடும் வேட்பாளர்கள் எவரும் தேர்தல் பிரச்சார நடவடிக்கைகளுக்காக எனது படத்தினை பயன்படுத்தக் கூடாது.” என்று ஜனாதிபதி கோட்டாபய ராஜபக்ஷ உத்தரவிட்டுள்ளார். 

கோவிட்-19 வைரஸின் பெருந்தொற்று உலகப் பேரிடராக மாறி இந்தியாவில் 6 லட்சம் பேர் தொற்றுக்கு ஆளாகினர்.

அத்தியாவசிய நடவடிக்கைகளைத் தவிர்த்து கட்டுப்பாட்டு மண்டலங்களில் மக்கள் நடமாட்டத்திற்கு மும்பை காவல்துறை தடை விதித்துள்ளது.

சீன நாடாளுமன்றத்தில் செவ்வாய்க்கிழமை ஹாங்கொங்கில் தேசிய பாதுகாப்புச் சட்டத்தைக் கொண்டு வருவதற்கான மசோதாவுக்கு ஒப்புதல் பெறப்பட்டது. இதன் மூலம் ஹாங்கொங்கின் தன்னாட்சி அதிகாரம் முற்றிலும் ஒழிக்கப் பட்டு விட முடியும் என விமரிசகர்கள் எச்சரித்துள்ளனர்.

Worldometer இணையத் தளத்தின் சமீபத்திய கொரோனா புள்ளிவிபரம் :